Соопштенија
ВМРО-ДПМНЕ: Власта троши милиони на нови возила, колачи и финансирање на своите фирми, а 40 илјади луѓе немаат ни за леб
Додека народот нема за леб во услови на корона криза, Радмила Шекеринска набавува колачи и вафли за 3,5 милиони денари. Оваа неспособна и мафијашка влада на Заев продолжува расипнички да ги троши парите, соопшти ВМРО-ДПМНЕ.
„ Затоа во Македонија 40 илјади луѓе останаа без работа, а истовремено Владата, преку министерството за одбрана, објавува оглас на 28.08.2020 за индустриски кекси, колачи и разни вафли во висина од 3,5 милиони денари.
Без срам мафијашката влас на Заев го осиромашува народот за сметка на својот луксуз и лично богатење. Ја поскапеа струјата за 7,5%, воведоа второ поскапување на акцизата на горивата од 3 денари по литар, трошат рекорден буџет кој се собира од народот и ја задолжија државата за дополнителни 1 милијарда евра за само три месеци, а стандардот на граѓаните вртоглаво паѓа.
Економијата дури се гуши во неликвидност, приливот на даноци бележи двоцифрен пад, а мафијашката власт на Заев троши 3,5 милиони на вафли, 8,1 милион евра на возила, финансиска помош, грантови и субвенции на фирмите на владините функционери и десетици други скандалозни.
Народот и стопанството со Заев само тонат, а власта се богати. Мандатот го дава народот, но мандатот народот и го зема. Заев доби мандат да ги решава, а не да ги создава проблемите. Оваа власт е изворот проблемот, а не решението и затоа ќе одговара“ соопшти партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Ристески: Комплетна реконструкција на улицата „Јане Сандански“, продолжуваат инфраструктурните проекти во Македонски Брод
Комплетна реконструкција на улицата „Јане Сандански“, продолжуваат инфраструктурните проекти во Македонски Брод, вети Жарко Ристески, кандидат за градоначалник на општина Македонски Брод од ВМРО-ДПМНЕ.
„Денес, заедно со мојот тим извршив увид во градежните активности кои се одвиваат на крак од улица „Јане Сандански“. Вршиме целосна реконструкција на оваа улица, односно реконструкција на коловозната лента, пешачките патеки, подземните инсталации, а исто така ќе вградиме хоризонтална и вертикална патна сигнализација. Македонски Брод, во градското подрачје добива уште една безбедна улица“, рече тој.
Соопштенија
„Влен“: Гласот за НАИ е глас за Левица
„Тежок политички скандал на овие избори се случува во Тетово. Фотографијата што кружи во медиумите, на која се гледа претставникот на НАИ во Тетово, Арди Исмаили, на средба со кандидатката на Левица, Катка Божиновска, е најјасен доказ дека оваа коалиција е подготвена да продаде каква било национална вредност само за да добие власт“, велат од „Влен“.
„Да не заборавиме која е Левица, партија која: јавно ги навреди Албанците, се изјасни против независно Косово, се спротивставува на членството во НАТО, побара затворање на џамиите и ограничување на правата на Албанците!
И денес, НАИ седи на маса со нив, за валкан изборен договор. Ова не е политика, ова е срамна зделка. Ова не е стратегија, ова е морален колапс.
Сега на секој граѓанин му е јасно: за да го задржат своето фотелја, тие се подготвени да се продадат на секоја сила што ги мрази Албанците.
Тетово, Дебар, Струга и секоја албанска општина треба да знаат, на 2 ноември, гласот за НАИ е глас за Левица, за антиалбанство и за политички срам. Додека ВЛЕН, со својот кандидат Билал Касами во Тетово, Фисник Мела во Дебар и целиот свој тим, претставува достоинство, развој и иднина.
Албанците не се пазарат со оние што ги навредиле. Албанците не се продаваат. Тие гласаат за промената што ВРЕДИ!“, се наведува во соопштението на „Влен“.
Соопштенија
(Видео) Христоски: Да го продолжиме развојот, нов капитален проект за секое населено место во Крушево
„Да го продолжиме развојот, да ја зајакнеме општината и да обезбедиме подобар живот за секој жител на Крушево“, порача кандидатот за градоначалник на СДСМ, Томе Христоски, на средбата со жителите во селото Јакреново.
Тој посочи дека во изминатите години, како во градот, така и во сите населени места, се реализирани бројни инфраструктурни и комунални проекти.
„Токму тука, во Јакреново, се чувствува промената. Во изминатиот период од осум години, вистински и суштински се спуштивме меѓу месното население и во секое населено место ги решававме проблемите на нашите сограѓани. Ние сме тие што го градиме Крушево и што го менуваме секој ден, затоа што граѓаните тоа го заслужуваат. Но имаме уште работа, да го довршиме она што сме го започнале или да направиме ново“, истакна Христоски.
Тој најави дека освен што ќе се завршат започнатите, во секое населено место ќе биде реализиран најмалку уште по еден капитален проект, кој ќе одговори на клучните потреби на граѓаните.
„Најавувам по еден капитален проект за секое населено место. Без разлика дали се работи за водоснабдување, реконструкција на училишта, изградба на водоводи и канализација или подобрување на пристапните патишта, сите тие проекти ќе бидат наш приоритет. Ние не се служиме со празни зборови, туку со конкретни проекти и конкретни дела, токму од терен“, нагласи Христоски.

