Групацијата HELLENiQ ENERGY го одржа своето Годишно собрание на акционери за 2025 година, на кое главниот извршен директор, Андреас Сиамисис, даде преглед на изминатата година, при што го истакна успешно завршениот стратешки план – Vision 2025, како и носечките столбови на новата стратешка насока кои ги поставуваат темелите за создавање на долгорочна вредност.

Силен резултат во комплексно опкружување

Во своето обраќање, господинот Сиамисис ја анализираше економската состојба во Грција и глобално, посочувајќи ги предизвиците како што се притисоците од инфлацијата и високите енергетски трошоци за индустријата, но и глобалната геополитичка нестабилност која има силно влијание на енергетските пазари и на развојните стратегии на енергетските компании.

И покрај овие предизвици, во изминатите три години Групацијата забележа исклучителни резултати, значително ја подобри својата профитабилност, ја стабилизираше заработката, го зголеми вкупниот принос за акционерите и го подобри корпоративното управување и безбедносните стандарди. Меѓу клучните достигнувања беше истакнато рекордно високото производство од 16,2 милиони тони и зголемениот извоз, зајакнатото присуство со 329 бензински станици во пет земји во Југо-источна Европа, како и дополнителните инвестиции во обновливи извори на енергија, со кои HELLENiQ ENERGY ја постигна својата почетна цел за 2025 година со инсталирани 5,7 GW и постави нова цел за дополнителни 2 GW во обновливи извори и 150 MW во технолошки постојки за складирање енергија до 2030 година.

Нова стратешка насока за следната деценија

Благодарение на посветеноста и високата експертиза на своите вработени, Групацијата успешно го реализраше стратешкиот план Vision 2025 пред предвидениот рок, поставувајќи ги предусловите за долгорочен раст, еколошка одговорност и стратешка флексибилност. Со завршувањето на Vision 2025, HELLENiQ ENERGY влегува во следната фаза на стратешка зрелост, користејќи ги цврстите темели изградени во изминатите три години.

Новиот стратешки план има за цел создавање долгорочна вредност, зајакнување на отпорноста и усогласување со развојот на енергетската, регулаторната и инвестициската рамка. Главните столбови на новиот стратешки правец вклучуваат:

– Зголемување на конкурентноста и проширување на меѓународното присуство во основните активности – рафинирање и трговија;

– Создавање целосно интегрирана зелена енергетска компанија во секторот електрична енергија и гас, со силен фокус на одржливост, пристап насочен кон клиентите и повеќекратни синергии со основните операции на Групација; и

– Проширување кон нови енергетски модели и технологии, како алтернативни горива, со цел диверзификација и создавање нови извори на вредност.

Според главниот извршен директор на Групацијата, стратегијата за наредните години ги зема предвид новите услови на пазарите на капитал, кои се карактеризираат со построги ESG критериуми, фокус на краткорочни парични текови и очекувања за рамнотежа помеѓу профитабилноста и одржливиот раст. Во исто време, посебен акцент се става на безбедноста, јакнењето на културата на високи перформанси и враќањето на дел од создадената вредност кон општеството.

Преку реализацијата на новата стратешка рамка, HELLENiQ ENERGY ќе продолжи да се развива во флексибилна, технолошки напредна и еколошки одговорна групација, способна да одговори на новите потреби на пазарот и општеството. Со постојан фокус на создавање вредност и одржлив раст, Групацијата е подготвена да преземе водечка улога во новата енергетска ера.

(ПР)

Нов SUV од Volkswagen во важен сегмент помеѓу Tiguan и Touareg

· Нов SUV од Volkswagen – харизматичниот Tayron е вториот по големина SUV на Volkswagen во Европа, веднаш по Touareg.

· Развиен и произведен во Германија – новиот Tayron е развиен во Волфсбург за европскиот пазар и ќе се произведува токму таму.

· Софистициран мултиталент – исклучителен патнички и багажен простор, со пет или опционално седум седишта и голема носивост за приколка до 2,5 тони.

· Сè што им е потребно на патниците – премиум карактеристики како HD Matrix светла, седишта со масажери и напредно DCC подвозје за целосен комфор.

· Иновативен plug-in хибрид – Tayron eHybrid овозможува супериорна испорака на моќност и функционира како електрично возило за секојдневна употреба со електричен домет од над 100 км.

Во салонот на Volkswagen денес свечено беше претставен новиот Volkswagen Tayron, SUV модел кој за првпат го донесува германскиот производител на македонскиот пазар. Со оваа премиера, Volkswagen ја проширува својата понуда во важниот SUV сегмент меѓу Tiguan и Touareg.

Tayron, модел со пет или седум седишта, се позиционира меѓу ексклузивниот Touareg (премиум класа) и ефикасниот Tiguan (средна класа). Развиен и дизајниран во Волфсбург, Tayron се произведува во истиот град. Овој SUV е изграден врз најновата генерација на модуларната MQB evo платформа, а дел од технологијата е пренесена и адаптирана од Touareg. На пример, IQ.LIGHT HD Matrix интерактивни светла и седишта со пнеуматска масажа со 10 зони.

Tayron е SUV кој нуди комфор на највисоко ниво, квалитет со детали како вистинско дрво, багажен простор до 885 литри со пет патници, аеродинамика со коефициент на отпор од само 0,28, и plug-in хибриден погон со електричен домет од над 100 км – една од најекономичните конфигурации во светот. Tayron е и стилско влечно возило – со максимална тежина на приколка до 2,5 тони, идеален за превоз на коњи, класични возила, моторни чамци или големи кампери.

Tayron Life – сè на едно место.

Tayron е достапен со три линии на опрема: Life, Elegance и R-Line. Опсегот започнува со Tayron Life, кој веќе доаѓа со обемен пакет на опрема. Меѓу другото, вклучува следниве карактеристики: автоматска клима со три зони, амбиентално осветлување во 10 бои, девет воздушни перничиња, контрола на возачкото искуство (контролира возачки профили – вклучувајќи ги и профилите со погон на сите тркала кај 4MOTION моделите – јачина на звук и активирање на Atmospheres како однапред програмирани амбиентални светлосни и аудио модови), ролетни за сонце на задните врати, инфозабавен систем со активирачка навигациска функција и App-Connect Wireless (за Apple CarPlay и Android Auto), дигитални инструменти, LED предни светла со автоматска контрола на долги светла (Light Assist), осветлено Volkswagen лого напред и назад, како и 17-инчни алуминиумски фелни.

Спектарот на стандардни системи за асистенција исто така е обемен. Во него спаѓаат: адаптивен темпомат (ACC), функција за сопирање при вкрстување со возило што доаѓа одспроти, систем за промена на лента (Side Assist), систем за задржување во лента (Lane Assist), автоматски систем за итно сопирање со мониторинг на пешаци и велосипедисти (Front Assist), Park Assist Plus, систем со камера за гледање наназад и динамичен приказ на сообраќајни знаци. Исто така како стандард е вклучен и новиот систем за предупредување при излегување. Тој е проширување на системот за промена на лента и, во рамки на системските ограничувања, може да спречи отворање на некоја врата ако возило се приближува одзади. Системот издава и звучни и визуелни предупредувања.

Tayron Elegance и R-Line – две врвни верзии.

По пакетот Life, следуваат две врвни верзии на Tayron: Elegance и R-Line, кои се еднакви во поглед на техничката опременост, но со различен стилски фокус.

Стилскиот Tayron Elegance вклучува дополнителни карактеристики како што се: вистинско дрво во внатрешноста, ламинирано сигурносно стакло со звучна изолација на страничните прозорци, електронски багажник, Park Assist Pro со меморија и далечински функции, седишта изработени од ArtVelours Eco (микрофибер), систем за бесконтактно отклучување и стартување (Keyless Access), како и 18-инчни алуминиумски фелни.

Динамичниот Tayron R-Line се одликува со детали како што се: спортски комфорни седишта во ArtVelours Eco со интегрирани потпирачи за глава, широка употреба на ArtVelours Eco на контролната табла и вратите, декоративни елементи во изглед на алуминиум, индивидуални браници во R-Line дизајн и 19-инчни алуминиумски фелни.

И верзиите Elegance и R-Line дополнително се опремени со LED Plus предни светла (вклучувајќи динамични аголни светла), програмбилни 3D LED задни светлосни групи, како и амбиентално осветлување во 30 бои, вклучувајќи и осветлени елементи во внатрешноста на контролната табла и облоги на вратите.

Одговарачки пакети – електронска детска заштита.

Volkswagen има дизајнирано три нови пакети на опрема за SUV моделот: со Light пакетот, и надворешноста и внатрешноста на Tayron Life се опремени со светлосни системи од повисоките нивоа на моделите – вклучувајќи ги и LED Plus светлата.

Family пакетот е достапен за сите верзии и вклучува електронска детска заштита за задните врати, 230 V приклучок во багажниот простор и систем за организирање на багажот.

Black Style пакетот, кој е достапен ексклузивно за Tayron R-Line, вклучува декоративни елементи на каросеријата и додатоци (вклучувајќи ги и носачите на покривот) во високосјајна црна боја, 19-инчни алуминиумски фелни во високосјајна црна боја, преден браник во индивидуален R-Line дизајн и внатрешни декоративни елементи во изглед на темен хром.

Во зависност од пакетот на опрема, Tayron исто така може да се персонализира со кожен пакет, дизајн пакет, комфор пакет, HD Light пакет, како и два Infotainment пакета, два Winter пакета и два Assist пакета. Овие пакети вклучуваат широк спектар на опрема.

Пример за Comfort пакетот (стандардно вграден во опремата Elegance): пакетот вклучува електрично отворање и затворање на багажникот, функцијата Easy Open и Easy Close (отворање и затворање со движење на стапалото), систем за бесконтактно отклучување и стартување (Keyless Access) и Park Assist Pro.

Седум ефикасни погонски системи – eHybrid, eTSI, TSI и TDI.

Volkswagen го нуди новиот Tayron со два plug-in хибридни погони (eHybrid), еден mild хибриден погон (eTSI), два турбо бензински мотори (TSI) и два турбо дизел мотори (TDI).

Опсегот на моќност се движи од 110 kW (150 КС) до 200 kW (272 КС). Двата чисто турбо бензински мотори и најмоќниот турбо дизел мотор се комбинирани со 4MOTION погон на сите тркала; сите други верзии се со погон на предните тркала.

Сите верзии на Tayron се опремени со автоматски менувач со директно префрлање на степени (DSG).

eHybrid – електричен автомобил и SUV со бензински мотор во едно.

Двата plug-in хибридни модели претставуваат особено иновативно погонско решение бидејќи можат да обезбедат долг електричен домет за секојдневно возење, привремено трансформирајќи го Tayron во електрично возило. Во исто време, двата Tayron eHybrid модели импресионираат и на долги релации со вкупен домет од околу 850 км и ниска потрошувачка. Во основната верзија, комбинацијата од турбо бензински мотор со четири цилиндри и електричен погонски мотор обезбедува системска моќност од 150 kW (204 КС); додека врвната конфигурација испорачува 200 kW (272 КС). Благодарение на батеријата од 19,7 kWh (нето), Volkswagen предвидува електричен домет од над 100 км за Tayron eHybrid моделите.

Батеријата може да се полни со до 11 kW на AC ѕиден полнач или AC полначка станица и со до 50 kW на DC полначи за брзо полнење.

eTSI – користење на кинетичка енергија.

Влезната high-tech верзија во светот на бензинските модели на Tayron е mild хибридот (eTSI), со моќност од 110 kW (150 КС), со стартер-алтернатор со ремен на напон од 48 V и систем за активна контрола на цилиндрите (ACTplus).

При сопирање, кинетичката енергија се рекуперира преку алтернаторот и се складира во посебна батерија од 48 V. Tayron ја користи оваа енергија за да го исклучи high-tech турбо бензинскиот мотор во фази на забавување и при возење надолу, со што се помага во заштеда на гориво.

Батериите од 48 V ги напојуваат сите системи со енергија, дури и кога моторот со внатрешно согорување е деактивиран. Покрај тоа, 48 V системот ги оптимизира перформансите на возилото при поаѓање благодарение на функцијата за електричен boost; во овој случај, алтернаторот ја презема улогата на електричен погонски мотор.

TSI и TDI – ефикасни 2.0-литарски мотори.

Турбо бензинските мотори (TSI evo4) и турбо дизел моторите (TDI evo2) – најнова генерација на Volkswagen од 2.0-литарски турбо четирицилиндрични мотори – играат важна улога во опсегот на погонски системи на Tayron.

Поголемиот TDI мотор со 142 kW (193 КС) е исто така многу економичен и е стандардно комбиниран со 4MOTION погон на сите тркала. Двата TSI мотори исто така се секогаш комбинирани со погон на сите тркала.

Сите Tayron 4MOTION модели со приклучок за влечење се одобрени за приколки со тежина до 2.500 кг (со кочница, наклон 12 проценти).

(ПР)

На 12 јуни, со почеток во 18:00 часот, на кејот пред болницата Acibadem Sistina, беше успешно одржано првото издание на Croatia Osiguruvanje Business Run 5K – нов и енергичен тим-билдинг настан во организација на Здружението за спорт и рекреација „Прв до Врв“.

Ова претставува најмасовниот корпоративен спортски настан во Македонија, кој собра повеќе од 45 компании од најразлични индустрии: финансии, ИТ, телекомуникации, фармација, логистика, производство, јавни институции, дипломатски мисии и невладини организации. Трката се одвиваше по патека од 5 километри покрај реката Вардар, каде учесниците уживаа во спортска атмосфера исполнета со тимски дух, забава и позитивна енергија.

Настанот е дел од Adria Corporate Run League, регионална иницијатива што ги поврзува корпоративните заедници од Македонија, Србија, Црна Гора, Босна и Херцеговина и Хрватска. Победничкиот тим од Скопје ќе ја претставува Македонија на големото регионално финале.

Во пресрет на стартот, учесниците ги поздрави г-а Катерина Јордановска Манева од Croatia Осигурување, која го истакна значењето на вложувањето во здравјето и добросостојбата на вработените. Загревањето го водеше фитнес инструкторката Ангела Јованоска Конески од Premium Sport Center.

Најбрзите три тима во трката беа:

· Халкбанк со време од 58:40 минути,

· Комерцијална банка со време од 1:00:14,

· Шпаркасе банка со време од 1:06:49.

Во индивидуалната конкуренција, титулата најбрза учесничка ѝ припадна на Снежана Димовска од Комерцијална банка со време од 22:23, додека најбрз учесник беше Мартин Дамески од Халкбанк со 17:22 минути. Целосните резултати од трката се достапни на: www.prvdovrv.mk/business5k.

По трката, сите учесници уживаа во одлична забава на отворено со бендот The Ringtones и DJ Vito, кои приредија енергичен музички настап. Атмосферата беше полна со позитивна енергија, дружење и насмевки, а учесниците се освежија и засладија со вкусен оброк и пијалаци. Вистинска after-run забава која ќе се памети!

Овој настан понуди повеќе од само трка – беше вистинска платформа за вмрежување, тимска мотивација и промоција на здрави животни навики. Со овој настан, компаниите добија уникатна можност да изградат поцврсти тимски релации, надвор од канцеларискиот контекст.

(ПР)