Соопштенија
Државната лотарија отвори своја нова мегазабавна интернет-плаформа MEGAWIN.MK

За прославување на отворањето отпочна наградна игра
„БИДИ ИН, РЕГИСТРИРАЈ СЕ НА МЕГАВИН“, 18. ꟷ 29.11.2023 година, со награди: автомобил BMW, патувања во Дубаи, гејминг лаптопи iPhone 14 Pro и со подароци за секој којшто ќе се регистрира заклучно со 29 ноември
Државна Лотарија, дополнувајќи ги можностите за среќа, забава, подароци, награди и добивки во претпразничниот период, со големо задоволство најавува дека ја отвори за регистрации својата нова веб-страница www.megawin.mk, за онлајн учество во игри на среќа. Во чест на отворањето на www.megawin.mk, Државна лотарија организира наградна игра за сите учесници коишто ќе се регистрираат на www.megawin.mk заклучно со 29 ноември. Страницата ќе биде официјално отворена за игра на 30.11.2023 г., а стартот ќе се одбележи на претстојниот концерт „Мегастарс“, на 30 ноември, од 20:00 часот во СЦ „Јане Сандански“.
Со www.megawin.mk, Државна лотарија прави голем чекор во дополнување на своето портфолио игри на среќа одговарајќи на барањата на играчите, а како членка на Европска Асоцијација на лотарии се здобива со уште една од карактеристиките на современите европски лотарии. Имено, по успехот на првата интернет-платформа за онлајн учество во игрите на среќа Лото 7 и Џокер − www.loto.mk, и врз основа на позитивните практики, тимот на компанијата ја постави новата страница www.megawin.mk преку којашто Државна лотарија самостојно и одговорно ќе приредува интернет-игри на среќа. Со www.megawin.mk, љубителите на спортско обложување и видеолотариски игри ќе добијат една нова мега забавна платформа за онлајн учество во забавни игри за атрактивни добивки, чести награди и уште почести подароци. Секој којшто ќе се регистрира на страницата во период од 18 заклучно со 29 ноември добива подарок, станува учесник во наградната игра „Биди ин, регистрирај се на Мегавин“ и има можност да добие влезница за концертот „Мегастарс“ на 30 ноември каде што ќе се реализира извлекувањето со помош на електронски генератор на броеви по случаен избор. Вкупниот фонд на награди и подароци изнесува 12 000 000 денари. Најатрактивните награди се и секој влегува 10 гејминг лаптопи Lenovo, 10 iPhone 14 Pro, 5 луксузни патувања за двајца во Дубаи и еден автомобил BMW.
Во последните две години тимот на компанијата посветено работи на подготовка на бројни убави изненадувања за играчите и за народот, на полето на игрите на среќа, поттикнувањето надеж и креирањето задоволство и среќни приказни. На тоа се должи што во овој период, Државна лотарија е во најинтензивен раст и бележи најголеми успеси досега. Имено, во историјата на Државна лотарија лепезата на истант лозови никогаш не била поразновидна и побогата; рекодна е 7-ката на Лото 7 (над 47 000 000), а рекодна е и уплатата по коло − над 5 000 000 денари. Воедно, Државна лотарија сега воведува и своја нова интернет-платформа за приредување онлајн игри на среќа, а ја организира и својата прва досега најбогата наградна игра, како и првиот концерт насловен „Мегастарс“, преку што Државна лотарија најавува една нова позабавна концепција на брендот, поблиска до народот. Убавите мигови допрва претстојат бидејќи Државна лотарија работи на тоа среќата да ја направи достапна секому и верува дека среќата е насекаде.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Европски младински олимписки фестивал (EYOF) 2025 во Скопје и Куманово: ќе учествуваат 50 делегации од повеќе европски земји

Најголемиот младински спортски настан во Европа, кој ги поврзува учесниците во духот на олимпизмот, пријателството, меѓусебната почит и поддршка, ќе се одржи во Скопје, Куманово и Осиек (Хрватска), од 20 до 26 јули 2025 година.
На традиционалниот престижен олимписки фестивал ќе учествуваат 50 делегации од повеќе европски земји, над 4000 спортисти на возраст од 14 – 18 години, нивни тренери и тимови за поддршка и околу 700 волонтери, кои ќе се натпреваруваат во 15 спортски индивидуални и групни дисциплини: атлетика, пливање, гимнастика, џудо, велосипедизам, маунтајн бајк, ракомет, одбојка, баскет 3х3, бадмингтон, стрелаштво, кајак слалом, теквондо и пинг – понг.
Претстојната манифестација беше повод за денешната прес – конференција во Општина Куманово, еден од градовите домаќини на спорсткиот собир, на која присуствуваа раководителот на Секторот за култура, спорт, социјална заштита, заштита на децата и здравствена заштита, Александар Крстевски, директорот на ЈП Куманово паркинг – Куманово, Андреја Маџовски и претставници од EYOF.
Соопштенија
Родителите од Кочани: Мицкоски ни рече да си одредиме цена за нашите деца

Родителите на загинетите деца во пожарот во дискотеката „Пулс“ во Кочани велат дека нивното барање со државниот врв, завршило со средба со премиерот, Христијан Мицкоски, на која како што тврдат, се соочиле со навреда и газње по нивната болка.
На 1 јули, тие испратиле барање до премиерот Христијан Мицкоски, претседателката Гордана Сиљановска-Давкова и претседателот на Собранието Африм Гаши. По две недели, единствен одговор добиле од кабинетот на премиерот, кој закажал состанок на 7 јули во Скопје.
И покрај нивната желба средбата да се одржи во Кочани, им било соопштено дека безбедносните услови не дозволуваат патување на премиерот, па состанокот се одржал во Владата.
На средбата, премиерот рекол дека барањето го гледа за првпат, а во врска со барањето за еднократна парична помош, изјавил: „Ова барање е исто како предлогот на СДСМ, само што вие немате ставено цена. Одредете си цена за вашите деца.“, тврдат родителите.
Велат дека тоа е навреда што никогаш нема да ја заборават и порачаа: „Доста е! Доста со манипулации. Доста со потценување на нашата болка. Доста со лаги и игри врз сметка на животите на нашите деца!“
Потенцираат дека немаат политички агенди и дека нивната единствена цел е правда за 62-те млади животи кои загинале.
„Нашите деца се херои. Ако вие не знаете да ја водите државата, ако не знаете да обезбедите правда… отстапете го вашето место на некој што знае, што умее, што има совест и храброст.“
Родителите го повикуваат премиерот и институциите да престанат со одолговлекување, додавајќи дека судскиот процес уште не започнал, а осомничените шетаат слободно.
Меѓу нивните барања се еднократна парична помош за секое погодено семејство, преку Фонд за итна поддршка, како и право на предвремено пензионирање или инвалидска пензија за родителите на починатите поради траумата низ која поминуваат и неспособноста да работат.
Соопштенија
Tefal store powered by Neptun ја отвора својата прва монобренд-продавница во Скопје

Францускиот бренд Tefal, кој речиси 70 години произведува садови за готвење и мали апарати за домаќинство, со гордост информира за големото отворање на својата прва моно-бренд продавница Tefal powered by Neptun, сместена во East Gate Mall, најголемиот шопинг центар во регионот.
Големото отворање на Tefal Store powered by Нептун во East Gate Mall (кат -1) ќе биде на 09.07.2025 (среда) во 12:00 часот. Првите 50 купувачи на денот на отворањето со сметка над 2.999 денари добиваат подарок.
Потенцијалните купувачи ги очекуваат многу изненадувања, награди и попусти до 50%. Погледнете леток на Tefal store powered by Neptun со промотивни цени од 09.07-13.07.2025.
Tefal е дел од групацијата SEB, што вклучува иновативни производи под бројни брендови како Rowenta, Krups, WMF итн.
Секоја година, повеќе од 200 милиони производи од групацијата SEB се продаваат во повеќе од 150 земји глобално, а до денес, Tefal, со своите 150 патенти, има продадено над 1,5 милијарди садови за готвење низ целиот свет.
Новата моно-бренд продавница, прва од ваков вид за брендот во нашата земја, претставува важен чекор во експанзијата на Tefal низ Југоисточна Европа, носејќи ја својата светски позната технологија, дизајн на производи и иновации директно до македонските потрошувачи.
„Отворањето на нашата прва официјална моно-бренд продавница Tefal Store powered by Neptun во Македонија претставува стратешка пресвртница за Tefal во регионот. Балканскиот пазар има огромен потенцијал, а нашата земја е во срцето на тој раст. Целосно сме посветени на градење долгорочна видливост на Tefal преку силни локални партнерства и директно малопродажно присуство. Нашата цел е да обезбедиме секој потрошувач да има пристап до безбедни и иновативни производи што го подобруваат нивното секојдневно искуство“, изјави Гоце Боцески – Генерален директор на Neptun, стратегиски партнер на Tefal за Македонија.
Категориите на Tefal вклучуваат мали кујнски апарати, апарати за одржување на домот, лична нега и садови за готвење – практични и ефикасни производи, усогласени со клучните општествени и еколошки предизвици.
Зад уредите, Tefal изгради репутација за квалитет, издржливост и доверба – вредности што овозможија лојалност на упатените потрошувачи што трагаат по попријатен, похармоничен и поисполнет живот.
Со силен фокус на иновации, безбедност и одржливост, Tefal е глобално признат во редефинирање на начинот на кој луѓето ги користат иновациите и го извлекуваат максимумот од нив секој ден.
„Горди сме што ја отвораме првата официјална моно-бренд продавница на Tefal во регионот, на 120 м² – токму тука во Скопје, во трговскиот центар East Gate. Ги покануваме сите да ја посетат и да ги истражат Tefal, Rowenta, Krups, WMF и да ја испробаат возбудливата технологија што ја носиме во ова инспиративно ново поглавје.
Во текот на изминатите неколку години, македонските потрошувачи покажаа неверојатен ентузијазам за високо квалитетни и безбедни производи, па така отворањето моно-бренд продавница беше природен чекор, што ни дава можност да го подобриме искуството во живо и да го претставиме целиот спектар на нашите најнови решенија – под еден покрив“, дополнува Гоце Боцески – Генерален директор на Neptun.
Купувачите што ќе ја посетат продавницата ќе можат да пробаат, тестираат и купуваат производи лично, со помош на високо обучен продажен персонал, кој ќе им обезбеди помош, демонстрации и најдобри совети.
(ПР)