Соопштенија
Иконската елеганција се појави на македонските патишта: промоција на новото Porsche Panamera

- Подигитална, полуксузна, поефикасна: новата Panamera
- Porsche Active Ride суспензија за поголема удобност и динамика
- Подобрени E-Перформанси – поголема моќност, поголем опсег
- Нов надворешен дизајн со уште поголем акцент на ширината
- Porsche Driver Experience: нов концепт на контрола и дигитален кокпит
- Голем избор на иновативни системи за помош
Oлицетворението на автомобилската извонредност – Новата Panamera, официјално претставена и на нашиот пазар, на престижен настан во Music Bar Intermezzo. Aвтомобилските ентузијасти и претставниците на медиуми, на вечерен настан имаа можност први да ја погледнат новата Panamera.
Официјалниот почеток на настанот го најави Генералниот Директор на Порше Македонија – Златко Муцунски, кој им посака топло добредојде на гостите: „Дами и господа, почитувани гости, задоволство ми е да Ви посакам големо добредојде додека тргнуваме на возбудливо патување во светот на автомобилската извонредност со откривањето на најновото ремек дело од Porsche: новата Porsche Panamera. Со децении, Porsche е синоним за иновација, прецизност и немилосрдна потрага по автомобилско совршенство. Со секое ново издание, Porsche продолжува да ги редефинира границите на перформанси и луксуз, а новата Panamera не е исклучок“ изјави Златко Муцунски.
По воведниот говор, деталната презентација на новиот модел беше изведена од страна на Бренд Менаџерот на Porsche – Винко Марашевиќ, кој изјави: „Наследството на Porsche е она што е дефинирано со немилосрдните иновации, непоколебливата посветеност на извонредноста и непопустливата страст за уметноста на возење. И со новата Panamera, Porsche уште еднаш го подигнува нивото, поставувајќи нови стандарди во перформансите, луксузот и технолошкиот напредок. Panamera отсекогаш го претставувала совршениот спој на формата и функцијата – возило кое беспрекорно ја спојува елеганцијата со динамиката, луксузот со перформансите. И во оваа нова генерација, сите нејзини веќе познати карактеристики се издигнати на невидени височини.“
Супериорно чувство со најсовремените системи за суспензија
Новата Panamera доаѓа со двокоморно воздушно потпирање со два вентили со Porsche Active Suspension Management (PASM) како стандард. Технологијата со два вентили ги раздвојува етапите за компресија на контролата на амортизерите и затоа нуди уште поширок опсег помеѓу удобноста и динамиката. Системот значително ги намалува вибрациите од попречите споеви и нерамнините на патот, а во исто време обезбедува поголема стабилност при динамично возење.
Дополнително, иновативната активна суспензија на Porsche Active Ride е достапна како опција за моделите E Hybrid. Овој систем ги надминува сите други познати системи на суспензија и нуди невиден дијапазон на можности помеѓу удобноста и динамиката при возењето. Основата на овој систем се ново развиените активни амортизери кои се исто така со технологија со два вентили од кој секој е поврзан со електрично придвижувана хидраулична пумпа. Тоа генерира волуменски проток во амортизерот според побарувачката на истиот и затоа може да создаде сили меѓу телото и тркалата на молскавично брз, многу прецизен и насочен начин. Така целосно ги компензира силите што делуваат на суспензијата како резултат на нерамни површини на коловозот. Системот за воздушно потпирање со една комора пак е заштеда на тежина и така ја надополнува оваа технологија. Суспензијата го одржува телото на Panamera на ниво во секое време, дури и при динамично сопирање.
Е-Performance
Porsche нуди вкупно четири ефикасни E-Hybrid погонски единици за новата Panamera, како одговор на големата побарувачка за овој тип на погонски систем. Сите E-Hybrid варијанти во новиот модел имаат поголеми перформанси, опсег и ефикасност. Panamera Turbo E-Hybrid е достапна на самиот почеток како модел со најдобри перформанси помеѓу хибридните модели. Срцето на неговиот погон е фундаментално ревидираниот четирилитарски V8 турбо мотор. Моќноста на новоразвиениот електричен мотор е 140 kW (190 КС). Заедно, тие создаваат системска моќност од 500 kW (680 КС). Вртежниот момент на системот достигнува импресивни 930 Nm што овозможува забрзување од 0-100 за 3,2 секунди и максимална брзина од 315 km/h. Porsche го интегрира електричниот мотор во куќиштето на сеопфатно редизајнираниот осум-брзински PDK менувач со двојна спојка.
Луксузно и спортско внатре и надвор
Новата Panamera ги задржува карактеристичните линии и пропорции на моделската линија. Должината изнесува 5.052 mm, ширината е 1.937 mm и висината изнесува 1.423 mm. Фундаментално обновениот изглед му дава на спортскиот седан уште поизразен и спортски изглед. Напред, дополнителен довод на воздух над регистарската табличка компензира за зголемената потреба за воздух на погонските системи. Редизајнираната линија на прозорците во страничниот поглед го зајакнува лимузинскиот карактер на спортскиот автомобил со четири врати. Надворешните рабови на задното стакло се на исто ниво со контурата на каросеријата, создавајќи хармонични линии на задниот дел од автомобилот.
Концептот на Porsche Driver Experience во кокпитот се одликува со идеална рамнотежа помеѓу дигиталните и аналогните контролни елементи и ги позиционира влезните и излезните елементи неопходни за возење по оската на возачот. Рачката на менувачот се наога веднаш десно од воланот. Прекинувачот на режимот за програмите за возење Normal, Sport и Sport Plus и контролните рачки за помош се исто така директно достапни за возачот. Ова значи дека возачите не треба да го тргаат погледот од патот за да ги приспособат програмите за возење и системите за помош.
Новата Panamera е достапна веднаш во салонот на Porsche Center Skopje.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
„Алкалоид“ на Третата регионална ESG-конференција на AmCham: градење резилиентност во свет што се менува

Во својство на една од пионерските компании во имплементацијата на принципите на еколошко, општествено и корпоративно управување (ESG), „Алкалоид“ зеде активно учество на Третата регионална ESG-конференција, организирана од македонската подружница на Американската стопанска комора, во соработка со AmCham Србија, AmCham Албанија и AmCham Косово.
Настанот собра претставници од деловниот сектор, институциите и граѓанското општество, обезбедувајќи платформа за стратешки дијалог, регионална соработка и усогласување на ESG-приоритетите во контекст на заедничките предизвици и цели на регионот.
„За компаниите во земјава и регионот примената на ESG-принципите повеќе не е избор – тоа е стратешки чекор кон одржлив раст и поголема конкурентност на глобалниот пазар“, истакна во својот воведен говор Генералниот директор и Претседател на УО на „Алкалоид“, Живко Мукаетов.
Во својство на член на Бордот на директори на Американската стопанска комора, Мукаетов потенцираше дека иако општествената одговорност на компаниите (CSR) често се смета за правилната работа што треба да се направи, ESG сè повеќе се препознава како паметен пристап, особено во контекст на глобалните предизвици и стремежот кон долгорочна резилиентност и одржливост на бизнисите. Од објавувањето на првиот ESG-водич за известување од страна на Македонската берза во 2022 година, изработен со поддршка од Европската банка за обнова и развој (ЕБОР), започна видлив напредок во областа на ESG-сообразноста кај компаниите во земјава и регионот.
Сепак, како што беше нагласено од страна на говорниците на Конференцијата, процесот на имплементација сè уште е неконзистентен и нецелосен. Учесниците упатија јасен повик за појаснување на регулативната рамка, воспоставување посилни стимулации и обезбедување техничка и институционална поддршка за градење капацитети, со цел да се овозможи поширока, посистемска и поефикасна примена на ESG-стратегиите во сите сектори на економијата. Особено беше потенцирана важноста од усогласување на националните регулативи со стандардите на ЕУ за одржливост, имајќи предвид дека ЕУ е најголем трговски партнер на регионот.
Во рамките на втората панел-сесија насловена „ESG во рамки на ЕУ-регулативата: клучни импликации за компаниите од Западен Балкан“, говореше координаторот на ESG-одборот на „Алкалоид“ АД Скопје, Димитар Ристовски, кој изјави:
„За ’Алкалоид’ ESG-стандардите не претставуваат само формална обврска – тие се суштински дел од нашето секојдневно работење и стратешки двигател за управување со ризици, поттикнување иновации, обезбедување долгорочна конкурентност, градење доверба кај инвеститорите и пристап до одржливо финансирање. Денес вистинското лидерство не се мери само преку финансиските резултати, туку и преку влијанието што компанијата го има врз луѓето и животната средина.“
„Алкалоид“ досега има објавено три ESG-извештаи, а минатата година компанијата го доби признанието „Добри ESG-практики за 2024 година“ од страна на Македонската берза и Американската стопанска комора за својот најнов консолидаран извештај, изработен на ниво на целата групација.
(ПР)
Соопштенија
„Каде брзаш? Не брзај за да стигнеш!“ – ОКТА, МВР И РСБСП со заедничка кампања за поголема безбедност во сообраќајот

Под мотото „Каде брзаш? Не брзај за да стигнеш!“ стартува кампањата за безбедност во сообраќајот на ОКТА, Министерството за внатрешни работи (МВР) и Републичкиот совет за безбедност во сообраќајот на патиштата (РСБСП). Целта на кампањата е подигнување на свеста во јавноста за важноста на поголемото внимание на сите учесници во сообраќајот. Во рамките на кампањата ќе бидат преземени низа активности кои на иновативен начин ќе информираат, едуцираат и ќе алармираат за поголема одговорност во сообраќајот.
„Безбедноста во сообраќајот е еден од приоритетите во стратегијата за општествена одговорност на ОКТА. Многу внимателно и посветено пристапуваме кон активностите и кампањите кои што имаат за цел да ја подигнат јавната свест за тоа колку е важно да се биде одговорен учесник во сообраќајот. И тоа не го правиме само преку донации, туку и преку едукативни работилници и кампањи во кои што се вклучени релевантни партнери од општеството во кое работиме. Едукацијата и превенцијата се вистинскиот начин за подобрување на сообраќајната култура и намалување на негативната статистика од патиштата во државата“, изјави главниот извршен директор на ОКТА Димитриос Пасхос.
Кампањата „Каде брзаш? Не брзај за да стигнеш!“ е фокусирана на предупредување на јавноста за опасноста од неодговорно однесување во сообраќајот преку реални животни ситуации, со цел да поттикне промена на навиките и однесувањето на учесниците во сообраќајот.
„Состојбите на терен укажуваат дека покрај редовните контроли на нашите екипи, потребна е соработка и активно вклучување на повеќе чинители во подигнување на свеста кај луѓето. Праксата покажува дека информирањето и едукацијата се многу важни во превенцијата на поголем број на сообраќајни несреќи. Затоа сме уверени дека оваа кампања ќе допринесе кон она што е наша заедничка цел – безбедни улици и патишта за сите учесници во сообраќајот“, истакна Панче Тошковски, министер за внатрешни работи.
Според податоците, најголемиот број на незгоди се случуваат како резултат на невнимание во текот на сообраќајот.
„Брзиот и динамичен начин на живот го зголемува процентот на сообраќајни незгоди, што за нас е дополнителен аларм за интензивирање на активностите во насока на превенција преку едукација за подигнување на јавната свест кај сите учесници во сообраќајот. Веруваме дека и оваа кампања преку иновативни и суштински пораки ќе даде придонес учесниците во сообраќајот да бидат совесни и повеќе да внимаваат“, потенцираше Горан Ангеловски, претседател на Републички совет за безбедност во сообраќајот на патиштата.
Кампањата „Каде брзаш? Не брзај за да стигнеш!“ ОКТА ја лансира преку платформата „Јас Внимавам“ која што е еден од столбовите на кои што се базира стратегијата за општествена одговорност на компанијата. Во 2017 година оваа платформа беше прогласена за најдобра национална општествено одговорна практика на годишната манифестација организирана од Координативно тело за општествена одговорност на претпријатијата и Министерството за економија. Платформата беше оценета како најефективна и најсеопфатна во однос на прашањата со кои се занимава. „Јас внимавам„ беше избрана во конкуренција на 15 големи компании со вкупно 24 проекти.
(ПР)
Соопштенија
Клиника Жан Митрев официјален медицински партнер на Кошаркарската федерација на Република Македонија

Клиника Жан Митрев и Кошаркарската федерација на Република Македонија потпишаа договор за официјална медицинска соработка за сезоната 2025–2026, со што Клиниката станува официјален медицински партнер на македонските кошаркарски репрезентации.
Предмет на оваа стратешка соработка е обезбедување на професионална здравствена грижа, редовни дијагностички и специјалистички прегледи, спортска медицина за сите селекции под капата на КФСМ, сениорската машка и женска репрезентација, како и за младинските репрезентации (М16-М20) машки и женски на возраст од 12 до 20 години кои ќе настапуваат на европските првенства во рамки на сезоната.
„Нашата мисија отсекогаш била да вложуваме во здравјето и квалитетот на животот. Поддршката на спортот, особено на кошарката која обединува и инспирира генерации, е природно продолжение на таа мисија. Оваа поддршка е одраз на нашата верба во младите, во нивниот потенцијал и во потребата од силни, здрави и мотивирани идни лидери. Уверени сме дека преку ова партнерство ќе придонесеме за унапредување на спортските достигнувања и, уште поважно, за негова поширока афирмација меѓу младите, а нашата експертиза станува дел од успехот на националните репрезентации. Здравјето на спортистите мора да биде приоритет, а ние сме тука да го гарантираме тоа“, изјави д-р Жан Митрев, основач на Клиника Жан Митрев.
Оваа соработка претставува важен исчекор за КФСМ, обезбедувајќи системска, квалитетна и навремена медицинска грижа за сите категории на кошаркари кои настапуваат под државното знаме.
„Професионалната спортска медицина е клучен фактор за врвни резултати. Благодарение на ова партнерство со Клиника Жан Митрев, нашите репрезентативци добиваат врвна здравствена поддршка, дијагностика, консултации и континуирана грижа. Веруваме дека ова е модел на соработка кој ќе ја подигне грижата за спортистите на ново, европско ниво“, изјави Томе Главчев, претседател на КФСМ.
Со овој договор, Клиника Жан Митрев не само што станува медицински партнер, туку и симбол на поддршка за македонскиот спорт, градејќи мост помеѓу врвната медицина и врвните спортски напори.
(ПР)