Соопштенија
Македонска премиера на ŠKODA ENYAQ: Емотивен, ефикасен и електрифициран

› Прв модел на ŠKODA базиран на MEB платформата
› Погон на задни или на сите тркала, батерија od 82 kWh и моќност од 285 KS
› Досег од 510 km – 560 km според WLTP и брзо полнење на батерија
› Емотивен и динамичен нов дизајнерски јазик на ŠKODA
› Нов концепт на дизајн за внатрешноста и типични Simply Clever решенија
Со претставувањето на сосема новиот ENYAQ на нашиот пазар, ŠKODA го прави следниот чекор во имплементацијата на својата стратегија за е-мобилност. Целосно електричниот SUV е првиот сериски модел на чешкиот производител на автомобили кој се базира на модуларната платформа за електрични автомобили MEB на групацијата Volkswagen. ŠKODA ENYAQ нуди погон на задните или на сите тркала, заедно со опсег што е совршено погоден за секојдневна употреба, покривајќи од 510 км – 560 км* според циклусот WLTP и типична пространост препознатлива за брендот.
ŠKODA продолжува да го развива својот емотивен дизајнерски јазик – за таа цел, новиот SUV се одликува со целосно нов внатрешен концепт кој нуди избор на пет дизајн селекции наместо класични нивоа на опременост и сосема нова структура на достапните опции.
Миле Станчев, Бренд Менаџер за ŠKODA изјави: „Со лансирањето на ENYAQ отпочнува нова ера за ŠKODA. Ова е нашиот прв целосно електричен и еколошки автомобил. Со лансирањето на овој модел, електричната мобилност ја правиме Simply Clever – со голем досег, брзо полнење и лесно ракување. Освен што е еколошки ENYAQ е и исклучително забавен и возбудлив за возење, што се отсликува преку техничките податоци за забрзување од 0 до 100 км/ч за само 6,7с и максимална брзина од 180 км/ч .
Најважните моменти на сосема новиот ŠKODA ENYAQ:
› Електричен погон: ENYAQ може да се пофали со целосно нов погонски концепт, искористувајќи ги можностите што ги нуди модуларната платформа за електрични автомобили MEB на групацијата Volkswagen во која батеријата е вградена во подот на возилото со цел да се добие добра распределба на тежината. Батеријата е со капацитет од 82 kWh (бруто) или 77 kWh (нето) со максимална излезна моќност од 210 kW или 285 KS, вртежен момент од 545 Nm и погон на задните или на сите тркала. Со опсег до 510 km – 560 km* според циклусот WLTP, новиот ENYAQ е идеален секојдневен придружник.
› Безбедност: Новите системи за асистенција вклучуваат Travel Assist, кој сега има уште повеќе функции, како и функција за паркирање со далечинска контрола.
› Надворешност: Дизајнерскиот јазик на ENYAQ е емотивен, моќен и динамичен. Новиот SUV се карактеризира со совршени пропорции и извонредна просторност и се нуди во две каросериски варијанти, како класичен SUV во ENYAQ и како спортска купе-SUV варијанта во ENYAQ Coupe. И двете варијанти на ENYAQ нудат сличен внатрешен простор како ŠKODA KODIAQ, и покрај тоа што се пократки по должина од ŠKODA OCTAVIA. Како опционални додатоци, осветлената кристална предница – која доаѓа со анимирана функција Coming/Leaving Home – и целосно LED матрични фарови го красат впечатливиот преден дел со големата маска на ŠKODA. Целосните LED задни светла вклучуваат динамични индикатори, а имаат и анимирана функција Coming/Leaving Home. Стандардно ENYAQ доаѓа со Алуминиумски тркала од 19”, но по желба може да има и тркала од 20 или 21” како што се тркалата Supernova со кои е опремено изложеното возило.
› Внатрешност: Новите Дизајн селекции – Loft, Lodge, Lounge, Suite & Eco Suite ги заменуваат класичните нивоа на опременост и поставуваат нови стандарди за внатрешноста. Секоја опција на дизајн, обезбедува прекрасен внатрешен простор со кој буди исклучително добро чувство и содржи природни, одржливо обработени и рециклирани материјали. Новата структура на достапните пакети на опрема – пет тематски пакети, како и некои поединечни опции – го прави брзо и лесно приспособувањето на возилото за да одговара на вкусот на сопственикот. За спортски расположените возачи, ŠKODA го нуди ENYAQ Sportline кој со надворешниот „Black” пакет, спортски профилираните седишта и спортската шасија ги нагласуваат спортските амбиции на автомобилот.
› Поврзување: Со 13 инчи, централниот екран на ENYAQ е поголем од која било друга ŠKODA. Уште повеќе, целосно новиот SUV е секогаш онлајн и паметно поврзан. Полнењето на батеријата и климатизацијата во внатрешноста може лесно да се контролираат од далечина преку апликацијата ŠKODA Connect.
› Simply Clever: ŠKODA разви решенија Simply Clever специфични за електричните возила, како што е средство за чистење на кабелот за полнење, заштитно капаче за приклучокот за полнење и преграда за кабелот за полнење под подот на багажникот. Новата централна конзола распоредена на две нивоа обезбедува многу простор; „паметната“ преграда гарантира дека багажникот е секогаш уреден. Во ENYAQ, класичната гребалка за мраз на ŠKODA се наоѓа во внатрешноста на автомобилот – поточно во неговата задна врата.
› Полнење: ŠKODA нуди неколку верзии на ѕидната кутија ŠKODA за полнење дома. Користејќи го кабелот за брзо полнење, сопствениците можат да го полнат својот ŠKODA ENYAQ и на сите станици за брзо полнење, како и на најбрзите DC полначи во државата кои се наоѓаат во Порше Македонија.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Од канцеларија до кеј – компаниите покажаа спортски дух во Скопје – Croatia Osiguruvanje Business Run 5K

На 12 јуни, со почеток во 18:00 часот, на кејот пред болницата Acibadem Sistina, беше успешно одржано првото издание на Croatia Osiguruvanje Business Run 5K – нов и енергичен тим-билдинг настан во организација на Здружението за спорт и рекреација „Прв до Врв“.
Ова претставува најмасовниот корпоративен спортски настан во Македонија, кој собра повеќе од 45 компании од најразлични индустрии: финансии, ИТ, телекомуникации, фармација, логистика, производство, јавни институции, дипломатски мисии и невладини организации. Трката се одвиваше по патека од 5 километри покрај реката Вардар, каде учесниците уживаа во спортска атмосфера исполнета со тимски дух, забава и позитивна енергија.
Настанот е дел од Adria Corporate Run League, регионална иницијатива што ги поврзува корпоративните заедници од Македонија, Србија, Црна Гора, Босна и Херцеговина и Хрватска. Победничкиот тим од Скопје ќе ја претставува Македонија на големото регионално финале.
Во пресрет на стартот, учесниците ги поздрави г-а Катерина Јордановска Манева од Croatia Осигурување, која го истакна значењето на вложувањето во здравјето и добросостојбата на вработените. Загревањето го водеше фитнес инструкторката Ангела Јованоска Конески од Premium Sport Center.
Најбрзите три тима во трката беа:
· Халкбанк со време од 58:40 минути,
· Комерцијална банка со време од 1:00:14,
· Шпаркасе банка со време од 1:06:49.
Во индивидуалната конкуренција, титулата најбрза учесничка ѝ припадна на Снежана Димовска од Комерцијална банка со време од 22:23, додека најбрз учесник беше Мартин Дамески од Халкбанк со 17:22 минути. Целосните резултати од трката се достапни на: www.prvdovrv.mk/business5k.
По трката, сите учесници уживаа во одлична забава на отворено со бендот The Ringtones и DJ Vito, кои приредија енергичен музички настап. Атмосферата беше полна со позитивна енергија, дружење и насмевки, а учесниците се освежија и засладија со вкусен оброк и пијалаци. Вистинска after-run забава која ќе се памети!
Овој настан понуди повеќе од само трка – беше вистинска платформа за вмрежување, тимска мотивација и промоција на здрави животни навики. Со овој настан, компаниите добија уникатна можност да изградат поцврсти тимски релации, надвор од канцеларискиот контекст.
(ПР)
Соопштенија
Халкбанк овозможува кредит целосно онлајн, без шалтер и документација

Зошто сè уште би оделе во банка за кредит – кога целиот процес може да се заврши онлајн, без хартија, без чекање и без дополнителни трошоци? Халкбанк веќе нуди услуга која ви овозможува да подигнете потрошувачки кредит од каде било, во кое било време. Online кредитот е дизајниран за клиентите што сакаат сигурност, едноставност и услуга што се прилагодува на нивниот животен ритам.
Кредит од дома – без шалтер и без документација
За аплицирање за Online кредит, клиентот треба да биде примател на плата или пензија во Халкбанк АД Скопје и да има активна електронска банкарска услуга. Дополнително, потребно е во последните шест месеци редовно да има примања на трансакциска сметка во банката. Апликацијата се поднесува со логирање на електронското или мобилното банкарство и избор на табот „онлајн производи“. Договорот се потпишува електронски, со дигитален токен преку VASCO токен (e-signature) , што овозможува сигурен, заштитен и целосно дигитален процес – без физичко присуство.
Достапност во секое време, од било каде
Аплицирањето за Online кредит е достапно 24 часа, седум дена во неделата. Клиентите можат да пристапат до услугата во кое било време, од кој било уред – без разлика дали се дома, на работа или во странство. Тоа го прави процесот не само брз, туку и крајно практичен.
Фиксна камата, без провизии, јасни услови
Износот на кредитот може да биде до 1.500.000 денари, со рок на отплата до 95 месеци. Каматната стапка е фиксна и изнесува 6,5% за целиот период, а вкупниот годишен трошок за кредитот изнесува 6,70%. Висината на кредитот што може да се одобри зависи од месечните примања на клиентот, при што максималниот износ на месечниот ануитет не смее да надмине 40% од нивната плата или пензија. Халкбанк не наплаќа провизија за апликација, нема трошоци за обработка, ниту надомест за предвремена отплата.
Фокусот е на клиентот
Online кредитот не го менува само начинот на аплицирање, туку и целиот пристап кон банкарските услуги. Наместо да се прилагодувате вие на процедурата, процедурата е прилагодена на вас – едноставно, сигурно и во моментот кога навистина ви треба.
(ПР)
Соопштенија
„Сетек Денови“ – ДО 70 % ПОПУСТИ

Oд 9 јуни, понеделник, започнува најголемата акција на Сетек – сè од техника, најпосетуваните Сетек Денови каде попустите стигнуваат и до 70%!
„Сетек Денови“ е акција каде љубителите на најпознатите брендови, на едно место можат да видат и да одберат се што сакаат и се што им е потребно од техника, по најниски цени.
Во сите салони на Сетек низ Македонија, следува огромен избор на производи од бела техника, фрижидери, телевизори, компјутери,лаптопи, се од ИТ, мобилни, смартфони, голема палетана додатоци, мали апарати, гејминг опрема, опрема за фитнес, мали и големи апарати и многу повеќе.
Акцијата, СЕТЕК ДЕНОВИ, дава можност за многу поволности како на цените, така и на изборот на производите. Салоните во овој период стануваат зборно место за техника, а веб страната www.setec.mk најпосетуваното место за online продажба.
Искористете ја можноста, дојдете во Сетек и купете најмногу техника, со најниски цени.
Компанијата Сетек, како лидер на пазарот, повеќе од 30 години, во континуитет ја развива својата мрежа и стратегија за блискост со купувачите.
Со мрежа од 33 различни локации, модерно опремени салони и премиум продавници, вклучувајќи ја и онлајн продавницата, Сетек е достапен до секој љубител на современата техника.
Покрај актуелната акција, Компанијата, во континуитет нуди и услуги за полесен пристап и поголема можност за корисност на купувачите, како лојална програма, кешбек, премиум достава, можности за кредитирање, рати без камата и многу експертски услуги за правилен избор и долготрајна употреба.
Сепак, обожавателите на техника најмногу ја чекаат акцијата СЕТЕК ДЕНОВИ, кога буквално СÈ СЕ КУПУВА !
(ПР)