Соопштенија
Маријана Агиќ-Молнар е новиот регионален извршен директор на Direct Media United Solutions
 
																								
												
												
											Маријана Агиќ-Молнар е новиот регионален директор на Direct Media United Solutions.
Од почетокот на кариерата, Маријана е активна во маркетинг индустријата повеќе од 25 години. Таа е стратег за маркетинг и data science и експерт за креирање на нови деловни решенија користејќи достапни податоци.
Маријана ја започна својата кариера како истражувач на пазарот во тогаш водечката компанија за маркетинг истражување “Mark-Plan“, а продолжи во компанијата Coca-Cola како стратешки менаџер за pre-search, истражување и трендови. Таа го основа својот прв стартап (Focus MR) во 2000 година, кој се занимаваше со маркетинг истражување. Две години подоцна, Focus MR го презема една од водечките светски компании за истражување на пазарот – GfK, а Маријана станува генерален менаџер на земјите од Адриа регионот, а потоа и член на одборот на директори за управување со посебни истражувања во Централна и Источна Европа. Таа беше одговорна за развој на напредни аналитички проекти и нови извори на податоци на ниво на Централна и Источна Европа. Во 2019 година доаѓа на позиција извршен директор и стратег за податоци во својот втор старт-ап “DATA DO”, компанија која развива интригантен модел – комбинира Data Science со разбирање на пазарот и потребите на потрошувачите за да им помогне на компаниите да откријат нови можности и да го зголемат приходот. На полето на data-driven стратешки консалтинг има соработувано со многу меѓународни и регионални компании како што се: Ahold Delhaize, The Coca-Cola Company, Erste, Nelt, Molson Coors, Carlsberg, Atlantic Brands, Lidl, KFC, Phoenix Pharma… Маријана Агиќ-Молнар е Магистер по економија и член на одборот на директори на IAA, еден од основачите на AcademIAA – модул за маркетинг истражување и аналитика.
„Многу сме задоволни што Маријана Агиќ-Молнар ќе биде на чело на водечкиот агенциски систем во Југоисточна Европа, Direct Media United Solutions. Direct Media е моќен систем и затоа избравме компетентен и искусен професионалец да раководи со него. Пазарот за рекламирање полека се трансформира и употребата на податоци при носење маркетиншки одлуки ќе донесе голема промена на пазарот. Затоа Маријана е вистинскиот избор. Со нејзиното доаѓање, мрежата на професионалци во Direct Media United Solutions добива додадена вредност, уште една гранка на бизнисот и со тоа станува уште посилна“, изјави Дирк Геркенс, директор за програми, продукција и рекламирање во United Media.
„Среќна сум што сум на чело на тимот на Direct Media, мрежа на професионалци кон кои имам голема почит, а некои од нив ги познавам долги години. Заедно, ќе ја зајакнеме водечката позиција на адвертајзинг пазарот во Србија и регионот, ќе го зачуваме и негуваме она што ја прави оваа компанија толку успешна. Исто така, ќе развиеме нови деловни модели и ќе најдеме нови можности за користење на податоците и нивна монетизација. Целта е, користејќи податоци, да го трансформираме начинот на кој обезбедуваме услуги и да им помогнеме на партнерите да бидат подобри и поуспешни “, изјави Маријана Агиќ-Молнар.
Direct Media е водечки агенциски систем во Југоисточна Европа, мрежа на професионалци во повеќе земји: Србија, Македонија, Црна Гора, Босна и Херцеговина, Словенија и Албанија. Во нашиот единствен пристап кон маркетингот и комуникациите, го комбинираме најдоброто од медиумите, креативноста, технологијата и податоците. Сите тие заедно се движечката сила за растот на нашиот бренд, чии темели се во медиа закупот и адвертајзингот.
За United Media
United Media е дел од United Group и е водечка медиумска компанија во Југоисточна Европа. Присутна е во осум земји и има 4.200 вработени, а годишно произведува повеќе од 40.000 часа оригинална содржина која преку водечките меѓународни оператори се дистрибуира на пазар од повеќе од 40 милиони луѓе. Покрај тоа, во своето портфолио има 55 телевизиски станици, од кои седум имаат национална лиценца и успешно дигитално портфолио од 30 веб портали, како и шест печатени изданија и пет радио станици. Компанијата нуди и уникатни адвертајзинг услуги преки продажба на рекламни слотови и прецизно таргетирање според целната група за избраните канали.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Соопштенија
ВМРО-ДПМНЕ: Левичарите од „Али експрес“ си измислуваат приказни во кои само тие си веруваат
 
														Левичарите од „Али експрес“, како Димче Апасиев и Амар Мециновиќ, па дури и целото раководство од президиумот, си измислуваат лажни приказни во кои само тие си веруваат и мислат дека и народот ќе им верува, велат од ВМРО-ДПМНЕ.
„Откако јавноста виде со какви луѓе располага Левицата, од типот на Амар Мециновиќ, човек што лаже дека е дипломиран, а има 7 предмети положено на факултетот на кој е запишан, човек што не знае колку јавни претпријатија има градот Скопје, човек што не знае колку средни училишта има во градот Скопје, човек што не си ги знае булеварите во градот ниту, пак, проектите што му се во програмата, посегна по глумење жртва и ширење лажни вести во медиумскиот простор.
Токму тие лажни вести, кои се обидуваат да ги шират во јавноста, в недела на 2 ноември ќе ги разбудат од овој нивен сон што го сонуваат. Реалноста е сосема поинаква од она што тие го живеат.
Затоа граѓаните својот глас ќе го дадат за вистинскиот избор, а тоа е Орце Ѓорѓиевски и ВМРО-ДПМНЕ! Заокружете го бројот 9“.
Соопштенија
Герасимовски: Го санираме покривот на фискултурната сала на училиштето „Песталоци“, создаваме подобри услови за учениците
 
														Градоначалникот на Општина Центар Горан Герасимовски, изврши увид во санацијата на покривот на фискултурната сала на ООУ „Јохан Хајнрих Песталоци“. Со овој зафат, како што најави, се решава долгогодишниот проблем со протекување на покривот, поради што во објектот имаше оштетувања и влага.
„Санацијата опфаќа површина од 405 квадратни метри. Поставена е висококвалитетна изолација , камена минерална волна, која е одличен термоизолатор и обезбедува високо ниво на заштита од пожар. Врз неа е поставен пластифициран ребрест лим, материјал со висока издржливост и отпорност, кој овозможува долговечна и енергетски ефикасна санација на покривот,“ рече Герасимовски.
Покривот врз спортската сала повеќе од една деценија не беше саниран, велат од општината.
„Со оваа интервенција Општина Центар обезбедува подобри услови за учениците и наставниците, но и долгорочна заштита на објектот,“ додаде Герасимовски.
Соопштенија
„Влен“: Секој обид да се поврзе кандидатот што го поддржуваме со каков било вид вештачка тензија е неточен
 
														Обидите да се создаде ситуација во Струга, каде што навистина нема и не може да има, се разочарувачки и се поврзуваат со коалицијата која со право го носи името на агонизирачкото трио Ахмети, Таравари и Села, велат од коалицијата ВЛЕН.
„Секој обид да се поврзе коалицијата ВЛЕН или кандидатот што го поддржуваме, Менди Ќира, со каков било вид вештачка тензија е неточен и надвор од секоја политичка логика. Зошто коалицијата или кандидатот кој е фаворит за победа на изборите на 2 ноември би создавале тензии? Политичката логика е едноставна, оној што е во очај се обидува да создаде непостоечки ситуации за да се претстави како жртва во очите на гласачите, стратегија што оди во прилог на кандидатот на Зијадин Села и ЛЕВИЦА, Арсим Далипи. Целата јавност знае дека соработката помеѓу НАИ и ЛЕВИЦА е очигледна, и во Тетово и во Струга. Затоа, овие обиди за создавање конфузија се залудни и разочарувачки“, се вели во соопштението.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											