Соопштенија
Меккен Скопје е „Адриатик Агенција на годината“ и добитник на сребрена и бронзена награда за кампањата „Стартап пакет“ на Халкбанк
Агенцијата Меккен Скопје е прогласена за „Адриатик Агенција на годината“ на овогодишниот фестивал Голден Драм, кој се одржа минатата недела во Порторож. Ова престижно признание, заедно со сребрената награда во категоријата креативна ефикасност и бронзената во категоријата надворешно рекламирање за кампањата „Стартап пакет“ на Халкбанк се резултат на посветеноста на Меккен Скопје кон иновации и извонредност во рекламната индустрија.
„Овие признанија се огромни за нас и за нашиот клиент Халкбанк, тие се доказ за трудот и страста на нашите тимови. Наградите ја потврдуваат нашата посветеност кон квалитет и способност да создаваме влијателни, уникатни и паметни комуникациски решенија што се поврзуваат со нашата целна публика и му помагаат на клиентот во остварувањето на своите бизнис-цели. Наградите се фактор плус во остварувањето на нашата визија да бидеме најпосакуваниот комуникациски и креативен партнер“, изјави Бојан Кочовски, директор на Меккен Скопје.
Овогодишното издание на фестивалот уште еднаш на едно место ги собра најдобрите идеи, најдобрите тимови и најдобрите креативци од целиот свет. Проектите на Меккен Скопје и Халбанк се единствените од Македонија што се пласираа како финалисти. Во конкуренција на повеќе од 1.000 пријави од околу 200 агенции од целиот свет, интернационалното жири составено од 56 исклучителни професионалци им ги додели сребрената и бронзената награда, а Агенцијата ја доби најпрестижната награда на фестивалот, „Адриатик Агенција на годината“.
Меккен Скопје е една од најголемите и најуспешни маркетинг-агенции, присутна во Македонија 27 години. Во своето портфолио ги вклучува едни од најреномираните интернационални и домашни компании и брендови. Дел е од интернационалната Меккен мрежа, McCann Worldgroup, која исто така на Голден Драм доби престижна награда ‘’Најдобра агенциска мрежа’’.
Фестивалот Голден Драм во Порторож е најреномираниот годишен настан во нашиот регион, во Европа и пошироко, кој ги слави креативноста и иновациите во рекламната и комуникациската индустрија. Традиционално, секоја година на едно место ги обединува најдобрите светски агенции и професионалци со цел да ги претстават своите исклучителни кампањи, да разменат идеи, да дискутираат за трендови и да се дружат.
Погледнетe ја наградената кампања ‘’Стартап пакет’’ на следниoв линк:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
„Aлкалоид“ повторно дел од најреномираниот глобален фармацевтски собир CPHI
CPHI 35 години по ред обединува фармацевтски експерти, иноватори и пионери од индустријата. Оваа глобална мрежа нуди можности за учење, иновации и разни типови на соработка. Тимот на „Алкалоид“ на овогодишниот собир брои околу 30 професионалци од различни организациски сектори на компанијата
„Алкалоид“ годинава од Милано ја започна третата деценија како традиционален учесник на најреномираниот светски настан во областа на фармацијата – CPhl (Convention of Pharmaceutical Ingredients). Под мотото „Во срцето на фармацевтската индустрија“, овогодишното јубилејно 35. издание на CPhI се одржува од 8 до 10 октомври во Италија, a тимот на „Алкалоид“ и оваа година забележува маркантно учество со свој штанд, како рута на глобалната фармацевтска мрежа, од каде што ја проширува својата листа на еминентни соработници од редот на фармацевтските лидери во светот.
„CPhI за ’Алкалоид’ е значајна алатка за одржување на трендот на експанзија и за одржување чекор со сите новини во нашата динамична индустрија. CPhI е единствениот глобален one-stop-shop за генеричката фармацевтска индустрија кој нуди можност за средби со постојните и со потенцијалните добавувачи на суровини, ексипиенси и амбалажа, како и со лиценцни партнери и консултанти за регулаторни активности, истражување и развој и слично. Огромни се можностите од прва рака да дознаеме повеќе за најновите трендови во индустријата, зелените технологии, новите молекули и формулации, како и за придобивките од вештачката интелигенција за фармацијата; да пробаме да ги оптимизираме предизвиците во синџирот на набавки и да градиме нови синергии и партнерства. ’Алкалоид’ за првпат учествуваше на овој собир во 2003 година, а со оглед на бенефитите остануваме тука редовно“, истакна Генералниот директор и Претседател на УО на „Алкалоид“, Живко Мукаетов.
CPhI, како глобален настан за светската фармацевтска елита, годинава во Милано собра повеќе од 2.400 изложувачи и 62.000 посетители од 166 земји во светот. CPhl е најважниот настан во годината од областа на фармацевтската индустрија, кој во текот на своето 3,5-децениско постоење прерасна во заедница која го обединува глобалниот синџир на снабдување во фармацевтската индустрија, креира врски и инспирира партнерства..
Соопштенија
Втора посета во рамките на проектот „Малите алкалоидовци го истражуваат ‘Алкалоид’“
Децата на вработените заедно со своите родители го посетија производството фармација.
Водени од грижата за човечките ресурси и од континуираните заложби за негување и јакнење на врската меѓу компанијата и вработените, со оваа иницијатива децата на вработените во „Алкалоид“ имаа ретка можност да го посетат производствениот објект фармација во Автокоманда и одблиску да се запознаат со производствените процеси и активности на работните места на нивните родители.
Низ организирана прошетка, малите алкалоидовци, преку наративно објаснување со лесен тон на раскажување приспособен на нивната возраст, имаа можност да се запознаат со сите процеси: од почетокот на производството, па сѐ до процесната контрола и пакувањето. Младите истражувачи учествуваа и во практични активности со симулирани контролни тестови и мерења и со мешање течности и бои, наменети да ја разбудат нивната љубопитност. Како и при претходната посета, децата уживаа и во забавниот аспект на настанот, при што се вклучија во групни игри и организирани активности за меѓусебно дружење и зближување, што дополнително го збогати нивното искуство.
Оваа иницијатива продолжува да биде значаен дел од корпоративната култура на „Алкалоид“, воведувајќи ги децата на вработените во светот на науката и технологијата на забавен и едукативен начин. Овие моменти на заедништво ја дополнуваат визијата на „Алкалоид“ за создавање средина во која вредностите на компанијата се живеат и се споделуваат со идните генерации.
ПР текст
Соопштенија
Анѓушев на Машинскиот факултет: Државата да одреди какви кадри ѝ се потребни да се образоваат за да може да се развива
Не може сите млади да бидат ИТ-инженери бидејќи на државата ѝ се потребни и архитекти, и градежници, и металурзи и технолози.
Вака проф. д-р Кочо Анѓушев се брати на дебатата на Машинскиот факултет во Скопје по повод 20 години од Институтот за мехатроника.
„Мора да се земе предвид дека стопанството денес не е истото што беше пред 30 или 40 години. Индустријата има потреба од друг тип на кадри и одговори и затоа и факултетите треба да продуцираат кадри на друг начин и со друг пристап, кој одговара на економијата денес.
Можеби е добро на факултет, уште по првата година, да се прави насочување на студентите во два правци: инженери што сакаат да работат во академија, на факултет, во наука и инженери што сакаат да работат апликативно машинство, односно што сакаат да работат во индустријата.
Така и двете групи подобро ќе се спремат за работните обврски во иднина.
Исто така, потребна е државна интервенција на пропишување колку студенти и каде да се запишат на факултетите, и тоа во согласност со потребите на државата и општеството.
Сега сè помалку има запишани студенти на градежен факултет, на архитектура, металургија, технолошки факултет итн. Не може сите млади луѓе да бидат информатичари, како што е сега мода и посакувана професија, бидејќи тоа не е одржливо затоа што државата, за да функционира, има потреба од стручни кадри во сите сфери. Треба некој да гради и патишта, на пример, а денес не можете да најдете градежни инженери ни да вршат надзор на градбата на патишта.
Една држава не може да постои и да се развива без инженери во индустријата“, рече проф. д-р Кочо Анѓушев, сопственик и извршен директор на групацијата „Феро инвест“, на панелот на Машинскиот факултет, на кој говореа и министерката за образование, Весна Јаневска, ректорката на Унверзитетот „Св. Кирил и Методиј“, Билјана Ангелова, и директорот на КОСТАЛ, Виктор Мизо.