Контакт

Соопштенија

Рудникот Саса инвестираше во нов систем за рано предупредување од елементарни непогоди

Објавено пред

Директорот за Центарот за управување со кризи (ЦУК), Стојанче Ангелов и генералниот директор на Рудник Саса, Кристофер Колбурн го потпишаа документот кој ги утврдува процедурите за соработка, координација и комуникација помеѓу оваа институција и рудникот. Со ова, новиот систем за рано предупредување на Рудник Саса и официјално стана дел од националниот систем за тревожење.

dobivaj vesti na viber

Покрај останатите технички елементи, новиот систем за рано предупредување на Саса вклучува и звучни уреди (сирени) поставени на неколку стратешки локации утврдени со експертска студија. Неговата примарна цел е преку звучни сигнали навремено да ги извести сите, вклучувајќи ги и жителите на населбите во близина на рудникот, како и оние кои живеат по течението на Каменичка река и во градот Македонска Каменица, за потенцијални опасности предизвикани од различни причини и природни непогоди кои можат да го загрозат живот и здравјето на луѓето и материјалните добра. Заради контрола на исправноста на системот предвидено е повремено вклучување на сирените, што ќе се врши согласно утврдените протоколи и во координација со ЦУК. За терминот и времетраењето на ваквите проверки жителите на општината Македонска Каменица ќе бидат навремено известени преку медиумите и други начини за информирање.

„Сведоци сме дека рудникот Саса во изминатиот период вложил многу во современа опрема и во имплементација на најдобри индустриски стандарди и практики наменети за намалување на  ризиците од инциденти и кризни ситуации кои можат да го загрозат животот, здравјето и безбедноста на вработените, како и на населението во околината на рудникот. Новиот систем за рано предупредување на Саса, кој од денеска и официјално станува дел од националниот систем за тревожење, секако е дел од ваквите напори на компанијата, кои се за поздравување и претставуваат добар пример што треба да го следат и другите компании и институции во земјата“, изјави директорот на ЦУК Стојанче Ангелов, при посетата на контролниот центар за далечинско управување со системот во Саса.

Градоначалникот на Македонска Каменица, Димчо Атанасовски го поздрави поставувањето на новиот систем, истакнувајќи ја неговата превентивна улога за поголема безбедност на целокупната локална заедница. „Горди сме на тоа што нашата општина е прва во нашата земја која има функционален систем за рано предупредување од елементарни непогоди. Заедно со противпожарната кула која неодамна беше направена и ставена во функција, овој систем ќе овозможи рано откривање на потенцијалните ризици по безбедноста на луѓето и материјалните добра, што во голем број случи е пресудно при справувањето со кризни ситуации предизвикани од различни елементарни непогоди“, истакна градоначалникот Атанасовски, заблагодарувајќи се на рудникот Саса за неговата поддршка и вложувањата во реализација на овие проекти.

Инсталирањето на овој систем во Саса се одвиваше паралелно со имплементација на Глобалниот индустриски стандард за управување со јаловишта (GISTM), креиран од страна на Меѓународниот совет за рударство и метали и Програмата за животна средина на Обединетите Нации, со крајна цел – нула штета за луѓето и животната средина.

„Овој современ систем за рано предупредување е само една од многуте активности и проекти во кои инвестиравме за да обезбедиме највисоко ниво на безбедност, што е приоритет број еден во Саса. Токму грижата за луѓето, за нивната безбедност и благосостојба, заедно со заштитата на животната средина и просперитетот на локалната заедница, претставуваат основа за нашиот одржлив развој. Затоа ние во Саса, благодарение на поддршката од групацијата ЦАМЛ каде припаѓаме, и понатаму ќе продолжиме со реализација на ваков вид иницијативи, доследно почитувајќи ги националните регулативи и глобалните индустриски стандарди и принципи на одговорно рударство“, истакна генералниот директор на Рудник Саса, Кристофер Колбурн.

Од вклучувањето кон групацијата Централ Азија Металс (ЦАМЛ) во ноември 2017 година, рудникот Саса инвестираше над 80 милиони долари во современа рударска опрема, дигитализација на техничките процеси, реализација на капитални проекти, подобрување на безбедноста, подигнување на стандардите и условите за работа во рудникот, како и во професионалниот развој на вработените, потврдувајќи ја со тоа својата посветеност на одржливото рударство.

ПР текст



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија

Новиот OPEL ROCKS: електрично лесно моторно возило во ново руво

Објавено пред

  • &nbspСмел, елегантен и непогрешлив: Rocks сега со црн Opel Vizor, бел Blitz и светло сива каросерија
  • &nbspСо„млад“ дух, иновативен, освежен: целосно електричниот Rocks овозможува мобилност без емисии
  • &nbspПредност на четирите тркала: лесното моторно возило за две лица со кабина за заштита од неповолни временски услови, панорамски кров и поврзување со паметен телефон

 

dobivaj vesti na viber

Со „млад“ дух, иновативен и без емисии: со Opel Rocks, младите од 15 годишна возраст (во зависност од законите во државата) можат да уживаат во независна, индивидуална електромобилност на опуштен начин и сега уште постилски од порано. Затоа што сега Rocks е посмел, поелегантен и поуникатен.

Ова го покажуваат и првите слики: Opel Vizor сега е во карактеристична црна боја, како и кај сите други модели, додека Opel Blitz на предната и задната страна сјае во контрастно бела боја.

Додека каросеријата под линијата на прозорецот ќе биде светло сива, црниот кров и црните тркала ќе останат контрасни. Tоа му дава на новиот Opel Rocks дизајн кој ја отсликува филозофијата на брендот ‘детокс’.

Смел, елегантен, освежен и едноставен: тоа е новиот Opel Rocks.

Едноставен за маневрирање, заштитени од неповолни временски услови, на четири тркала: Rocks идеален за влез во електричниот свет

 

Се разбира, Rocks ги задржува своите вообичаени моќни страни со свеж изглед. Од ова особено ќе имаат придобивка почетниците со електрични возила на возраст од 15 години (во зависност од законите во државата). Возачите на Rocks треба само да имаат возачка дозвола од класа AM (во зависност од законите во државата). Во споредба со е-велосипеди, е-скутери и други моторни средства на две тркала, Rocks овозможува релевантни предности.

На овој начин кабината на лесното моторно возило ги штити патниците од ветер и неповолни временски услови. Со Rocks патувањето е побезбедно благодарение на цевчестата просторна рамка и зоните на деформација, како и ветробранското стакло направено од ламинирано стакло. Покрај тоа, Rocks овозможува урбана мобилност без емисии.

 

Најмалиот модел во гамата на Opel oвозможува опсег до 75 km кои може да се поминат со брзина до 45 km/h. Rocks може да се полни преку секој нормален приклучок за домаќинство.

 

Соодветен кабел за полнење е поставен зад совозачката врата и може лесно да се повлече доколку е потребно. Со круг на вртење од само 7,20 m, возачите можат да управуваат со 2,41 m краткиот и само 1,39 m широкиот (без надворешни ретровизори) Rocks низ тесни кривини или да пристапат до мали паркинг места.

Со својот свеж стил, електричното лесно моторно возило повторно ќе ги привлекува Вашите погледи. Двете врати се идентични во типичниот дизајн на Rocks. Совозачката врата се отвара напред како и обично, додека возачката врата се отвара наназад во спротивна насока.

 

 

 

 

 

Елегантен, јасен, поврзан: внатрешност целосно прилагодена на младата генерација

 

Во внатрешноста, Rocks е исто така целосно приспособен на потребите на младата генерација. Дизајнот е многу функционален и импресионира со контроли лесни за дофат и јасни, едноставни за читање дисплеи кои се фокусираат на најважните работи.

Држачот за паметни телефони со USB приклучок и поврзувањето преку DAT приклучок, позициониран на централната конзола, обезбедува мрежно поврзување и овозможува пристап до апликацијата „myOpel“. Дополнително, возачите на Rocks можат да го поврзат својот паметен телефон преку Bluetooth преку одделен прекинувач „MyRocks“ на управувачот.

 

Со „MyRocks Play“, патниците можат да ја слушаат својата омилена музика, да го користат омилениот систем за навигација и да остваруваат телефонски повици без да го тргнат погледот од патот.

Управувачот кај Rocks се истакнува со својот нов дизајн: со бел Opel Blitz на црна позадина, сега совршено го рефлектира Opel Vizor и на тој начин ја внесува уникатната дизајнерска карактеристика во внатрешноста. Стандардниот панорамски кров обезбедува светлина и пријатна атмосфера, невообичаена за возило од оваа класа. Панорамскот кров заедно со страничните и задното стакло се изработени од калено безбедносно стакло. Современите LED предни светла кај Rocks обезбедуваат подобра видливост при дожд или темнина.

 

Новиот Opel Rocks ќе биде лансиран наскоро. Наскоро ќе следат дополнителни информации за Edition и GS нивоата на опременост, како и за атрактивните цени и условите за купување.

 

 

 

 

За ЕУРОИМПЕКС

Компанијата Еуроимпекс е основана 1990 година како мала трговска фирма за увоз-извоз. Започнува скромно и по осамостојувањето на Македонија, Еуроимпекс е првата приватна компанија чие работење е насочено кон трговија со автомобили и моторни возила од лесна категорија уште од далечната 1992 година, со првиот увоз на Peugeot автомобили.

Соработката со брендот Opel ја започнува кон крајот на 2020та година со што прераснува во Генерален увозник и дистрибутер на брендот OPEL за Македонија, Србија, Црна Гора, Косово и Албанија; Овој успех го круниса 30 годишниот јубилеј на Еуроимпекс кој беше одбележан истата година.

ПР текст

Прикажи повеќе...

Соопштенија

Двајца повредени во пожарот во Кочани утрово транспортирани во Шведска

Објавено пред

Уште двајца повредени во пожарот во Кочани во раните утрински часови се транспортирани во болница во Шведска, објави Амбасадата на Шведска.

dobivaj vesti na viber

Синоќа, во 3.30 часот, од Скопје полета тим за медицинска евакуација од Финска и екипа од Шведска превезувајќи уште двајца пациенти во Стокхолм на лекарска помош во Универзитетската болница „Каролинска“.

Шведска се солидаризира со Северна Македонија по трагичниот пожар викендов. Нашите мисли остануваат со сите засегнати“, стои во објавата.

Прикажи повеќе...

Соопштенија

Стручна конференција „Нови екобетони за одржлив свет“ – иновативни технологии во градежништвото преку зајакнати партнерства

Објавено пред

Градежништвото е основен двигател на економскиот развој, па имплементацијата на иновативни решенија базирани на вештачка интелигенција кои ќе го унапредат процесот и ќе создадат можност за нови одржливи производи е од клучно значење. Во услови на голема транзиција во скоро сите сектори, од клучно значење е зајакнување на соработката помеѓу науката, компаниите и институциите. Само на тој начин може развојот да се насочи кон креирање на одржливост на долг рок, зајакнување на конкурентноста на компаниите и економски раст. Ова беа главните заклучоци на стручната конференција „Нови еко бетони за одржлив свет“ што се одржа денес во организација на ТИТАН Усје и Градежниот факултет при Универзитетот Св. Кирил и Методиј од Скопје.

dobivaj vesti na viber

На конференцијата која е организирана во рамки на обележувањето на 70-годишнината од основањето на ТИТАН Усје пред присутните се обрати главниот извршен директор на компанијата Константинос Николау.

„Иновациите и воведувањето на нови технологии се наш врвен приоритет и голем дел од инвестициите се насочени во тој правец. Во последните пет години, компанијата вложи повеќе од 6 милиони евра во дигитализација, решенија базирани на вештачка интелигенција, иновативни технологии и одржливи практики, вклучувајќи и еколошки типови цемент и обновливи извори на енергија, како што се соларната енергија и алтернативните горива. Титан Усје е пионер во примената на принципите на кружната економија, а како резултат на тоа компанијата ги редуцираше емисиите на CO₂ за 2.600 тони. Токму тоа нѐ мотивираше да ја интензивираме соработката со сите релевантни партнери, да го споделиме нашето искуство и знаење со пошироката заедница и да поттикнеме поголема соработка помеѓу инволвираните страни“, истакна Николаоу.

ТИТАН Усје планира да инвестира дополнителни 20 милиони евра во нови технологии и модернизација во следните три години, а со производство и пласман на пазарот на нови еко цементи, компанијата дополнително ги намали  CO₂  емисиите за повеќе од 40.000 тони.

„Живееме во услови на брзи и нагли промени што предизвикува неизвесност. Скоро сите сектори, вклучувајќи го и градежништвото мора да се адаптираат на овие промени. Па оттука, соработката е многу важна, бидејќи ќе ни овозможи заедно да го најдеме најдобриот начин кој ќе гарантира раст и во следниот период. Градежништвото е исправено пред два предизвика. Едниот е поврзан со климатските промени и потребата од поголема имплементација на еколошки производи. Вториот предизвик е поврзан со потребата да не се запоставуваат базичните принципи на градежништвото – стручност, стандарди, свест и совест. За одржливо градежништво се потребни и двата аспекта и уверен сум дека со ваков тип на соработка во голема мерка ќе придонесеме за развој кој ќе се движи во вистинска насока“, истакна деканот на Градежниот факултет при УКИМ, проф. д-р Горан Марковски. За да ја потенцира важноста од стручноста во градежништвото и употребата на квалитетни и еколошки бетони, Марковски стави маска од диносаурус, алудирајќи дека ако не се грижиме за животната средина ќе имаме иста судбината на диносаурусите.

На првиот панел на тема Како до иднина со нула емисии – Истражување на можностите за одржливо градежништво настапија Деканот на градежниот факултет проф.д-р Горан Марковски, проф. д-р Петер Марк од СР Германија, проф. д-р  Снежана Маринковиќ од Република Србија, Христофорос Вулгарис од Титан и Иван Ангелов од Титан Усје. Говорниците преку своите стручни презентации ја подвлекоа важноста од употребата на еколошки бетони и градежни материјали за да се обезбеди одржлив развој и заштита на животната средина. Во таа насока акцент беше ставен на регулативата во земјава, но и во Европската унија, во насока на редуцирање на CO₂ емисиите. Законот за климатска акција кој е во работна верзија треба да ја зајакне домашната регулатива, а голем исчекор се очекува да има и воведувањето на СИБАМ системот. Покрај регулативата, говорниците се осврнаа и на значењето на новите технологии и зајакнување на стандардизацијата за да се обезбеди одржливост и на  градежништвото и на еко системите.

На вториот панел на тема Иднината на градежништвото – Бизнис стратегии и политики за зелена транзиција говореа директорот на Фабрика Карпош Силјан Михајловски, комерцијалниот директор на Адинг Даниел Цеков, главниот извршен директор на ТИТАН Усје Константинос Николауд-р Џевад Кицера, директор на Институтот за стандардизација и  Маја Дојчиновска Колиќ од Институтот за стандардизација.

Поголема имплементација на стандардите, тесно усогласување на развојот на индустријата во целосен склад со развојот на заедницата и животната средина и размена на искуства и знаења за најновите трендови во индустријата, беа во фокусот на овој панел.

Во насока на интензивирање на соработката помеѓу приватниот сектор и научната јавност, ТИТАН Усје започна соработка со Градежниот факултет при Универзитетот „Св. Кирил и Методиј“ која се реализира преку проектот „Знаење + CO₂ -“– со знаење и иновативност до помалку CO2. Токму оваа конференција е дел од овој проект, но предвидени се и многу други. Активностите на проектот се одвиваат преку три главни модули: Едукативен модул – организирање курсеви, практикантски програми, теренски посети и поткасти; Модул за истражување и развој – мултидисциплинарни истражувања и отворање на паметна лабораторија и Модул за подигнување на свеста – младински натпревари, годишна изложба и други активности.

ПР објава

Прикажи повеќе...

Најново

Македонија21 минута

Одземени 250 килограми грицки и оризови барови со поминат рок, казнет нелегалниот продавач

По добиено известување од полициски службеници дека при рутинска контрола на патничко моторно возило откриле значително количество кондиторски производи со...

Македонија1 час

ВМРО-ДПМНЕ: Триото Трендафилов, Деановски и Пешевски, заедно имаат месечни примања околу 5.000 евра

Триото Трендафилов, Деановски и Пешевски, заедно имаат месечни примања околу 5.000 евра, или над 3 милиони денари годишно, немаат претстава...

Свет1 час

Неколку згради во Бангкок се евакуирани како мерка на претпазливост поради последиците од земјотресот

Неколку згради во Бангкок се евакуирани поради извештаи за вибрации и пукнатини кои се појавиле во зградите, објави Бангкок пост....

Македонија2 часа

Охрид СОС алармира за изградба на хотел во Горица

Во извештајот на Реактивната мониторинг мисија (РММ) на УНЕСКО која престојуваше во Охрид минатиот март стои: „Додека мисијата се приближуваше...

Свет2 часа

Трамп: Зеленски сака да се повлече од договорот за минерали, ќе има проблеми ако го направи тоа

Американскиот претседател Доналд Трамп изјави дека украинскиот претседател Володимир Зеленски сака да се повлече од договорот за минерали, пренесоа американските...

Свет2 часа

Жена спасена по 60 часа под урнатините, најмалку 1.700 загинати во земјотресот во Мјанмар

Три дена по силниот земјотрес што го погоди Мјанмар, властите проценуваат дека загинале најмалку 1.700 луѓе. Спасувачките тимови се обидуваат...

Македонија20 часа

Христијан Стојанов е уште едно младо момче што влезе во „Пулс“ за да спасува луѓе: „Обезбедувањето ни помогна многу“

Осумнаесетгодишниот Христијан Стојанов е уште еден херој од трагедијата во дискотеката „Пулс“ во Кочани, кој не размислувајќи за сопствениот живот...

Македонија21 час

Подобрена е состојбата кај двајца пациенти кои се лекуваат во Солун, од интензивна нега преместени се на пластика

Министерството за здравство информира дека нема промени во бројот на хоспитализирани пациенти од вчера, во Скопје вкупно се лекуваат 16...

Македонија21 час

Oсмани и Адеми во посета на семејството на Бектеши за Бајрам: „Неправедно е обвинет, ја имате нашата поддршка“

Поранешниот министер за здравство Бујар Османи и портпаролот на ДУИ, Арбер Адеми, за Рамазан Бајрам го посетија семејството на ексминистерот...

Македонија22 часа

„Не пројдоа ни 40 дена од трагедијата“ – Мицкоски смета дека е рано да се размислува за градоначалник на Кочани

Премиерот Христијан Мицкоски смета дека рано е да се размислува за заеднички кандидат за градоначалник на Кочани, по информациите дека...

Македонија23 часа

Планинарката Ивона која загина во пожарот е ќерка на единствената пожарникарка во Кочани, колегите тагуваат

Дваесет и едногодишната Ивона Антова – планинарка која загина во дискотеката „Пулс“ во Кочани, е ќерка на единствената жена пожарникар...

Македонија1 ден

Прво сведоштво на Костадинов за пожарот: Се измокрив со црево и влегов низ прозорецот кај билетите, ги вадевме луѓето еден по еден

Со маса го скршив прозорецот и со цревото прскавме вода внатре. Вака 19 годишниот Јован Костадинов кој спаси 21 живот...

Македонија1 ден

Попладнево пороен дожд, грмежи и ветер, најавија метеоролозите

Времето денес ќе биде променливо облачно со повремени врнежи од дожд. Попладне, наместа ќе биде нестабилно со пороен дожд, појава...

Топ2 дена

Деца од Битола принудувале врснички сексуално да ги задоволуваат, имале компромитирачки материјали

Деца од Битола принудувале врснички полово да ги задоволуваат, заканувајќи им се со компромитирачки материјали кои ги поседувале. Случајот во...

Спорт2 дена

(Видео) Кочани, Кочани… емоции на првиот фудбалски натпревар во градот по трагедијата

Денеска беше одигран првиот фудбалски натпревар во Кочани по трагедијата со пожарот во дискотеката „Пулс“. Мечот се одигра помеѓу тимот на...

Македонија2 дена

Влошена е состојбата кај двајца критични пациенти кои се лекуваат по пожарот, информира Таравари

Влошена е состојбата кај двајца пациенти кои се лекуваат по пожарот во дискотеката „Пулс“ во Кочани. Вкупно четворица се во...

Македонија2 дена

(Видео) Пиротехниката во затворен простор ќе се најде пред пратениците, се менува Законот

Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред...

Македонија2 дена

Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата

Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра...

Македонија2 дена

(Видео) Шукова: Можеби храната што ја јадеме е под ризик порди излевањето во Крива Река

Се’ што се продава на пазарите во Скопје, Куманово, Паланка, Велес и другите градови, се наводнува од Вардар, Пчиња, Крива...

Култура2 дена

Филип беше ураган од љубов – во Штип се одржа комеморација за музичарот Стевановски кој загина во пожарот

Во Штип се одржа комеморацијата за директорот на штипскиот центар за култура „Ацо Шопов“, Филип Стевановски, кој тагично го загуби...