Соопштенија
Светлосна покана за големото отворање на „Дајмонд мол“

Скопјани вчеравечер (четврток) беа сведоци на интересна и невообичаена глетка – на 4 места низ градот на небото светнаа 4 снопа светлина. Доколку ги забележавте и вие, сигурно се запрашавте за што се работи.
Светлосните зраци на дијамантот што беа формирани на небото и официјално го најавија големото отворање на новиот шопинг мол, Дајмонд мол, кој денеска се отвора во вистинското срце на градот. Официјалното отворање ќе биде одбележано со тридневна забава за сите генерации, која започнува денеска и ќе заврши в недела навечер.
Дајмонд мол е новиот шопинг мол, кој прави спој на новите незаборавни шопинг искуства, на гастрономското уживање и неверојатната забава што ќе ги очекува сите посетители на молот од 20 октомври. Модерен амбиент со продавници со најпознатите и актуелни домашни и светски брендови, улица со различни и неодоливи ресторани наречена „Гурмет авенија“, како и 7 000 квадратни метри едукативен центар за забава за деца и млади „Dream Zone“ во кој наскоро ќе може да уживаат посетителите.
Градот добива ново срце, од каде што ќе пулсираат многу активности во кои ќе може да се пронајдат секојдневно сите идни посетители на молот. Големото отворање трае три дена и започнува на 20 октомври (петок) од 21:00 часот со концерт на Џијан Емин и неговиот „Magical Orchestra“, вокално придружувани од „Voices of Skopje“, кои ќе изведуваат „Diamond hits“, а истовремено, за првпат кај нас, на небото над Дајмонд мол ќе има неверојатно дрон-шоу. По завршувањето на концертот, до полноќ, посетителите ќе ги забавува диџеј Flooder со екстравагантен диџеј-сет.
Вториот ден од отворањето, 21 октомври (сабота), започнува точно напладне со забава за тинејџерите со настап на тинејџ-атракцијата „Teen Camp“, а вечерта, до полноќ, посетителите на молот ќе може да уживаат во неколкучасовен магичен диџеј-сет на познатите диџеј Tom Novy, Mr. Mike и нашиот диџеј Никифор.
Третиот ден од големото отворање, 22 октомври (недела), започнува повторно напладне, со забава за најмалите, кои ќе се дружат со своите омилени цртани ликови Биби и Боби. Свеченото отворање завршува в недела навечер, во 21 часот, кога свој несекојдневен концерт ќе одржи нашата поп-дива Каролина.
Покрај оваа богата понуда, од Дајмонд мол најавуваат уште многу други изненадувања што ќе ги очекуваат посетителите на молот овие три дена.
Затоа подгответе се и не пропуштајте ги овие три незаборавни дена полни со нови шопинг-искуства, уникатни гастрономски уживања и луда забава во вистинското срце на градот – Дајмонд мол!
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Фондацијата „Д-р Верица Механџиска“ и компанијата „Зегин“ донираа апарат наменет за лица со нарушување од аутистичниот спектар

Денес, Фондацијата д-р Верица Механџиска и компанијата Зегин донираа апарат TMS M50 Ultimate, наменет за подобрување на социјалната интеракција и комуникациските вештини, регулирање на сензорната хиперактивност и подобрување на когнитивната флексибилност на лицата со нарушување од аутистичниот спектар. Овој апарат, кој се донира на ЈЗУ Центар за рехабилитација на патологијата на вербалната комуникација претставува огромен исчекор во третманот и намалувањето на симптомите и предизвиците поврзани со аутизмот.
Директорката на Центарот за рехабилитација на патологијата на вербалната комуникација Нермин Теловска истакна дека оваа донација е од огромна важност бидејќи апаратот освен во директната работа со лицата со нарушување од аутистичниот спектар и бенефитите кои ги нуди, има напреден и современ софтвер и одлични функции за собирање и разработување на податоци кои ќе овозможат и истражувања и донесување на одлуки и протоколи базирани на податоци.
Оваа активност е директен резултат на трката со хуманитарен карактер „Зегин Спектратон-Трка на херои во сите бои“ која ја реализира Фондацијата д-р Верица Механџиска заедно со Зегин каде граѓаните преку трчање и спортски активности испраќаат моќна порака за еднаквост, солидарност и емпатија и со своите котизации поддржуваат создавање на инклузивно општество и позитивни промени за заедницата. Трката, која прераснува во традиционален настан, оваа година беше повод граѓаните да трчаат и да донираат за 4 активности, кои освен веќе-споменатиот апарат TMS M50 Ultimate, предвидуваат и опремување на сензорна соба во Здружението Рубико во Кочани, реновирање и доопремување на просториите во одделот за психофизиологија при Клиника за детски болести каде се нуди специјализирана грижа и третмани за децата со нарушување од аутистичниот спектар, како и бесплатна програма за рана проценка за нарушување од аутистичниот спектар која ќе ја спроведе Здружението Сина светулка.
Предвидените активности се доказ дека заедно можеме многу и со вклучување на сите хумани поединци и компании можеме да придонесеме кон создавање на позитивни примери и вредности за заедницата во целост.
(ПР)
Соопштенија
Приклучете се на Халкеко за активно лето со екопридобивки

Летото е период кога природата нè повикува да се движиме, да излеземе надвор и да го почувствуваме ритамот на животот. А кога тоа движење станува дел од иницијатива со вистинска еколошка вредност, секој чекор добива поголема смисла. Токму таква е мисијата на ХалкЕко, зелената платформа на Халкбанк која обединува луѓе околу заеднички вредности – грижа за природата, лична одговорност и фокус кон позитивна промена.
ХалкЕко не е обична апликација која само брои километри. Таа претставува целосно движење што ги менува навиките. Платформата нè мотивира да пешачиме, да планинариме, да трчаме, да возиме велосипед или едноставно, да ја одбереме поеколошката алтернатива во секој момент. За секоја активност, корисниците добиваат еко-поени кои може да се искористат за конкретни придобивки. Но, уште поважно, секој наш чекор придонесува за засадување нови дрвја и создавање поздраво и почисто опкружување, како дел од иницијативата што ја презема Халкбанк. Така сите заедно стануваме дел од мисијата со јасна цел, намалување на еколошкиот отпечаток и создавање поодржлива и позелена заедница.
Во изминатите пет години, Халкбанк има засадено околу 100.000 дрвја, уредено повеќе јавни простори, организирано спортски и едукативни настани, како и проекти за подигнување на еколошката свест кај младите генерации.
Ова лето е вистински момент да се приклучиме кон оваа промена. Дури и со најминималните активности во нашата најблиска околина, можеме да го намалиме негативниот белег кој го оставаме зад нас, додека истовремено се грижиме за сопственото здравје и благосостојба. ХалкЕко е потсетник дека одржливиот начин на живот не е секогаш сложен како што изгледа – доволни се мали чекори што имаат големо значење.
Токму овој период е од посебна важност бидејќи природата повторно се соочува со сериозни предизвици. Голем број пожари уништија значајни шумски површини низ нашата земја. Затоа, како дел од иницијативата „Еден милион садници за пет години“, Халкбанк во соработка со ЈП Македонски шуми наесен ќе започне со нов бран пошумувања на најпогодените локации. Оваа акција е продолжение на посветеноста на Халкбанк кон општествено одговорно делување и заштита на животната средина.
Приклучете се на ХалкЕко и направете го вашето лето активно, исполнето со движење и корисно за природата. Движете се повеќе, живејте одговорно и оставете зелен отпечаток зад себе. Затоа што иднината што ја посакуваме започнува од нас, од секој изминат километар и секое засадено дрво.
(ПР)
Соопштенија
Mint Credit Giveaway – лето со стил, лето со Mint!

Летото е време за авантури, нови спомени и уживање без грижи. А што ако ти кажеме дека ова лето може да биде уште повозбудливо? Со Mint Credit не само што добиваш кредит со 0% камата и трошоци, туку и можност да добиеш неверојатни подароци кои ќе ти го разубават секој ден.
Подароците што те чекаат
Во големиот летен GIVEAWAY подготвивме 9 фантастични подароци:
• 3x Дронови – долови ги најубавите летни пејзажи од птичја перспектива.
• 3x Polaroid камери – зачувај ги моментите со фотографии во рака веднаш.
• 3x Проектори – уживај во филмови и серии на големо платно, било каде.
Mint Credit нуди кредити по најповолни услови со брз и едноставен процес на аплицирање. Без долги редици, без непријатни изненадувања – само финансиска слобода и можност да го оствариш она што го посакуваш. Сега е совршено време да ги да ги направиш летните авантури уште попријатни со помош на Mint Credit.
Не чекај – ова лето направи го незаборавно!
Добиј подароци, создавај спомени и уживај во финансиска слобода со Mint Credit. Аплицирај лесно преку Mint App (достапна на Google Play и App Store) и остави Mint Credit да ги оствари твоите желби – летото никогаш не било повозбудливо!
Повеќе информации на 15 107 или на Mint Credit.
(ПР)