Соопштенија
Шахистите на ШК „Алкалоид“ ќе настапат за македонските репрезентации на претстојното ЕП во екипна конкуренција
![](https://makfax.com.mk/wp-content/uploads/2023/11/IM-Filip-Pancevski-Round-5-Macedonia-Open-2023.jpg)
ШК „Алкалоид“, како најуспешен шаховски колектив во историјата на нашата земја и актуелен носител на титулите во машка и во женска екипна конкуренција во Македонија, ќе биде застапен со свои играчи во репрезентациите што ќе настапат на Европското екипно првенство во Будва.
Новиот селектор на машката репрезентација ИМ Атанас Кизов за овој настап ги повика ИМ Филип Панчевски и ИМ Тони Лазов меѓу петтемина што ќе патуваат за Црна Гора. Обајцата беа дел од државниот тим кој настапи на претходното ЕП во Словенија, каде што ИМ Филип Панчевски играше на првата табла.
– Ја прифатив поканата од селекторот Кизов, кој во својот прв мандат ме повика да дебитирам во националниот тим. Сѐ уште не знам точно како ќе настапиме по табли, но, во договор со селекторот, оваа година јас нема да играм на првата табла. Имав успешна година на клупски план. Со колегите од ШК Алкалоид освоивме нова титула. Исто така, шампионски трофеи освоив со клубовите за кои настапив во Србија и во Германија. Сакам да одиграм добар турнир и квалитетни партии. Кај мене, а гледам и кај другите шахисти во Македонија, периодот кој беше обележан со појавата на пандемијата на КОВИД 19 влијаеше негативно. Сите изгубивме рејтинг споредено со нивото пред тоа. Имам освоено две велемајсторски норми и размислувам за освојување на третиот бал, но тоа не ми е главната цел на овој турнир. Се надевам на добар резултат во Црна Гора, а догодина повторно ќе се борам за освојување на државната титула – изјави ИМ Филип Панчевски.
ИМ Тони Лазов, исто така, имаше подобри резултати во вториот дел од годината, со одличен настап на Државното екипно првенство, каде што освои шест победи од шест партии, а неодамна го освои и рапид-турнирот „Шах-шех Вавилон опен“ во Битола.
Во женската репрезентација селекторот ФМ Љубиша Андоновски ќе ѝ ја довери првата табла на ЖФМ Моника Стојковска. Таа годинава ја одбрани шампионската титула во поединечна конкуренција, а со колешките од ШК Алкалоид го врати трофејот на екипно ниво во витрините на клубот.
– Во согласност со резултатите би требало да сум задоволна од својата играчка форма, но шахот е непредвидлив спорт, а и формата за игра подлежи на брзи промени, односно зависи од бројот на одиграни партии во одреден период, од психофизичката состојба на играчот итн., така што партиите на претстојното Европско првенство ќе бидат најдобар показател за мојата моментална играчка форма. Настапите на европските првенства сами по себе се многу напорни бидејќи најголем дел од нашите противнички се професионални шахистки. Настапот како предводник на екипата, односно играта на првата табла, е уште понапорен бидејќи секоја партија е против најдобрата шахистка од некоја европска држава, а не треба да заборавиме дека Европа како континент има одличен шах. Во составот на македонската женска шаховска репрезентација сум од 2009 година во континуитет, додека, пак, товарот да бидам играч на првата табла го презедов од 2016 година и годинава ќе се обидам да продолжам во таа насока. Гордост е да се претставува Македонија и колку и да е тежок предизвикот секогаш го прифаќам со задоволство – вели ЖФМ Стојковска.
Стојковска ја има освоено титулата женски фиде-мајстор (ЖФМ), а ги има остварено и трите норми за освојување на следната титула како женски интернационален мајстор (ЖИМ), но за таа да биде верификувана, потребно е да ја достигне границата од 2200 рејтинг-поени.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Соопштенија
IQOS-карванот на нова локација, во Струмица
![](https://makfax.com.mk/wp-content/uploads/2024/09/караван-Струмица.jpeg)
Новата генерација IQOS ILUMA уреди со револуционерната технологија на индукциско загревање, без сечило и без потреба од чистење може да се набават на новата локација на IQOS караванот, поставен во близина на плоштадот во Струмица, а овој петок (06.09.2024) ќе биде поставен на влезот на претстојниот фестивал Get EXITed, во градот. Работното време е среда и четврток, од 10 до 22 часот и петок од 17:30 до 00 часот.
На оваа привремена локација, сите полнолетни пушачи ќе можат да се запознаат со IQOS уредите и да дознаат повеќе за нив и за напредната технологија на индукциско загревање, купување додатоци, замена на стар уред за нов, корисничка поддршка и друго.
IQOS ILUMA семејството вклучува три модели на уреди, кои се засновани на иста технологија на индукциско загревање. Сите три модели на уреди го загреваат, а не го согоруваат тутунот, со што се намалува нивото и количината на штетни материи во просек и до 95 проценти во споредба со чадот од цигарите. IQOS не е без ризик, создава никотин кој предизвикува зависност, но претствува подобар избор за возрасните пушачи, кои инаку би продолжиле да пушат.
Освен во Струмица, овој уред е достапен и кај продажните партнери во повеќе градови во земјата. Во главниот град Скопје има два IQOS бутика во трговските центри Ист Гејт Мол и Дајмонд Мол и IQOS зони моментно сместени во трговските центри Скопје Сити Мол и Капитол Мол, Веро Тафталиџе и Палма Мол во Тетово. Покрај тоа, овој производ може да се купи и онлајн преку IQOS веб-страницата.
ПР текст
Соопштенија
5 причини зошто спортот треба да е дел од животот на младите
![](https://makfax.com.mk/wp-content/uploads/2024/08/IMG_1113.jpeg)
Олимпијадата е причина да зборуваме повеќе за спортот додека трае. Така и со менување на нашите навики, зборуваме за нив, сакаме да ги смениме, но најчесто остануваме само на зборови.
Но и во нашиот случај да не остане недокажано еве 5 причини зошто да спортуваме и зошто да бидеме физички активни посебно во младоста.
1. Здравје
Сé повеќе забележуваме дека нашата младина е недоволно активна, има прекумерна телесна тежина и поминува премногу време пред екраните. Во минатото, децата поминуваа многу повеќе време на спортски терени каде што се занимаваа со различни спортови. Здравјето е дефинитивно најважната причина зошто новите генерации треба да се одлучат за спорт и активен начин на живот.
2. Социјализација
Преку организирано или неорганизирано вежбање или занимавање со некој спорт, децата повеќе ќе се дружат и ќе напредуваат како личности. Со тоа, тие полесно ќе се снаоѓаат во меѓучовечките односи и во иднина.
3. Самодоверба
Младите ќе се чувствуваат подобро и ќе имаат поголема самодоверба ако се занимаваат со физичка активност. Особено, ако по одредено време совладаат одредени пречки или предизвици, кои претходно не можеле, или ако станат посилни, побрзи и поиздржливи.
4. Забава и рекреација
Една од најважните придобивки од спортувањето е што младите се забавуваат и се рекреираат. Преку спортот, тие можат да уживаат во играта, да се смеат и да се ослободат од стресот што им го предизвикува динамичниот начин на живот. Спортувањето создава позитивни емоции и помага во градење здрави навики.
5. Носење паметни одлуки
Преку спортот, младите учат како да носат паметни одлуки, како да се справуваат со предизвици и да решаваат проблеми. Тие развиваат стратегиско размислување, способност да проценат ризици и да направат брзи и вистински одлуки под притисок. Овие вештини се многу важни и ќе им помогнат како во секојдневниот живот, така и во нивната професионална кариера.
Освен спортот и активниот начин за живот, една од најмудрите одлуки на младите претставува и вистинскиот избор на банка што ќе биде вистински пријател и поддржувач на нивниот развој и клучен чекор за нивната финансиска стабилност и успех во иднина. Следејќи ги потребите на младите и нивниот динамичен стил на живот, Халкбанк АД Скопје креираше нов, иновативен банкарски пакет Halk EZ (Halk Easy), кој што е прилагоден на стилот и животните навики на секој современ млад човек. Покрај низата финансиски услуги и поволности, пакетот претставува и платформа за едукација, забава, дружење и вмрежување, а идејата е Halk EZ да прерасне во платформа што ќе овозможи сосема поинакво, брзо и лесно банкарско искуство. Нуди голем број поволности и динамични содржини за сите корисници на возраст од 16 до 24 години: бесплатно мобилно и електронско банкарство, Visa PayWave дебитна платежна картичка без надоместок за годишна членарина, со која може да се повлекува готовина без надомест на сите банкомати во земјата и во странство, платежна сметка без трошоци за водење на истата, и низа иновативни услуги како GarminPay, SmartSend и SmartCash.
И додека спортот ги учи младите да носат паметни и одлуки, така ХалкЕз им помага да направат мудри финансиски избори.
ПР
Соопштенија
„Кожувчанка“ донираше 15.000 литри за Општина Пехчево
![](https://makfax.com.mk/wp-content/uploads/2024/07/1-21.jpg)
Ситуацијата со пожарите низ цела држава во која веќе подолг временски период се наоѓаме не ги остави рамнодушни од Кожувчанка. Последниот пожар кој го зафати Пехчево и околината, го остави овој крај и без вода за пиење. Кожувчанка ДОО денес итно испрати 15.000 литри вода донација на Општина Пехчево.