Peugeot го зголемува електричниот опсег на Peugeot Е-208, нудејќи 433км, најдобриот опсег во својот сегмент – потврдувајќи го неговиот статус на најпродаван модел.

Peugeot го оптимизира својот исконски модел Peugeot E-208, кој минатата година беше најпродаваниот модел во електричниот Б-сегмент во Европа.

Веќе наградуван и признат за својата исклучителна ефикасност, Peugeot E-208 сега нуди најдобар опсег во својот сегмент и воведува дополнителни придобивки, како што се интегриран планер за патувања (Trip Planner) и функцијата Vehicle to Load (V2L), која овозможува лесно полнење на мали електрични уреди.

Во 2024 година, Peugeot E-208 го зазеде врвното место како најпродаван модел во 100% електричниот Б-сегмент во Франција и Европа. За да го продолжи овој успех, Peugeot сега воведува неколку дополнителни елементи кај Peugeot E-208…

Peugeot E-208 сега нуди најдобар електричен опсег во својот сегмент со до 433 km (WLTP комбиниран циклус) за верзијата опремена со мотор од 156 КС (115 kW), што претставува подобрување од 23 km. Овој развој ја зацврстува позицијата на моделот како репер за ефикасност, што беше потврдено и за време на 2024 Ecotest спроведен од престижниот ADAC, кој го прогласи PEUGEOT E-208 за најефикасен автомобил на европскиот пазар.

За да обезбеди целосен мир и спокој за своите клиенти, PeugeotT сега го до-опремува Peugeot E-208 со Trip Planner. Во комбинација со поврзаниот навигациски систем (достапен како опција), оваа функција ги планира патеките на возење, на оптимален начин, за да го максимизира опсегот на автомобилот и да го олесни полнењето. За пресметување на идеалната рута, системот ги зема предвид растојанието што треба да се помине, нивото на наполнетост на батеријата при поаѓање, посакуваното ниво на наполнетост при пристигнување и достапните полначи во близина на дестинацијата, земајќи ја предвид потрошувачката на енергија според различни критериуми, како што се брзината, сообраќајот, типот на патот и надморската височина.

Воведувањето на функцијата „80% лимит на полнење“, достапна при полнење со наизменична струја (AC), исто така овозможува приспособување на нивото на наполнетост според дневните потреби.

Peugeot E-208* сега е опремен со прединсталација за функцијата V2L, која нуди можност за напојување на електрични уреди преку високонапонската батерија на автомобилот. На пример, може да се полни електричен велосипед или да се напојува мобилно осветлување. Двонасочниот адаптер овозможува напојување на надворешни уреди преку влезот за полнење и може да обезбеди до 3,5 kW и 16A. Адаптерот е достапен како додаток во салоните на Peugeot.

Сите нови модели Peugeot 208 ги добиваат следниве подобрувања:

· Нова мултифункционална видеокамера, која ја зголемува безбедноста со проширување на „областа на детектирање“ за автоматското сопирање во итни случаи, со подобро препознавање на велосипедисти и пешаци.

· Нова боја на каросеријата – Okenite Бела, која ја заменува бојата Ice Бела и сега е достапна во целата гама.

· Нова класификација на хибридните мотори. HYBRID 100 КС и HYBRID 136 КС стануваат HYBRID 110 КС и HYBRID 145 КС, за да ја претстават вкупната комбинирана моќност на нивниот бензински мотор и електричен мотор. Со ова, PEUGEOT однапред ги исполнува барањата на стандардот Euro 7.

Сите модели Peugeot 208 ќе го задржат виокото ниво на квалитет што го направија овој модел успешен: атлетски дизајн со новиот светлосен потпис на Peugeot, подобрено уживање во возењето со сè понапредниот PEUGEOT i-Cockpit®, и целосна палета на мотори за различни потреби (Бензин 100 КС, Хибрид 110 КС и 145 КС, Електричен 136 КС/100 kW и 156 КС/115 kW).

ПР

Сѐ поголем број граѓани се одлучуваат за користење на кредитните картички поради големиот број на предности и бенефиции кои тие ги нудат покрај основната бенефиција – практично и безбедно решение за плаќање. Во таа насока, Mastercard World Contactless кредитната картичка на Халкбанк се издвојува како премиум производ наменет за корисници кои бараат да добијат нешто повеќе од класично плаќање.

Оваа картичка овозможува брзи и сигурни трансакции благодарение на бесконтактната технологија, при што за износи до 2.000 денари не е потребно внесување ПИН. Покрај оваа предност, корисниците добиваат пристап до низа дополнителни бенефиции.

Како дел од понудата, Халкбанк АД Скопје им овозможува на корисниците на Mastercard World картичката членство во Lounge Key програмата. Преку оваа програма, сопственикот на картичката, заедно со уште една личност по негов избор, може да ужива во погодности и привилегии при патувања, на бројни аеродроми ширум светот. За полесен преглед на достапните локации, корисниците можат да ја преземат мобилната апликација достапна за iOS и Android уреди.

Картичката е поврзана со револвинг кредитен лимит до 1.200.000 денари, достапен 24/7, со минимална месечна отплата од 10% од искористениот кредит. Дополнително, последните седум дена од секој месец, корисниците имаат можност да повлекуваат готовина без провизија од банкоматите на Халкбанк.

Mastercard World Contactless овозможува и интернет плаќања без провизија – и на домашни, и на странски веб-страници – со целосна сигурност, благодарение на највисоките безбедносни стандарди: 3D Secure – Verified by Visa и Mastercard SecureCode.

Меѓу дополнителните поволности, картичката нуди 10% пониски цени при купување полиси за доброволно осигурување од Халк Осигурување. Исто така, корисниците можат да купуваат на рати без камата кај трговци со кои Халкбанк има воспоставено соработка – до 60 рати.

Аплицирањето за Mastercard World Contactless е едноставно и достапно – во најблиската филијала на Халкбанк или онлајн преку веб страната на банката.

Во време кога удобноста, флексибилноста и сигурноста се очекувани стандарди, Mastercard World претставува модерен начин за управување со финансии, без компромис во квалитетот на услугата.

ПР

Проектот Македонска Бесконечна Трансверзала, познат и под уметничкото име Sammiana се развива со брзо темпо и веќе оваа година се очекуваат и првите странски планинари.

Целото источно крило во должина од 1166км е веќе дигитално мапирано со сите потребни информации за трасата на оваа наша мега планинарска патека.

Она што е можеби најважно е сепак тоа дека четири секции од источното крило веќе се дел од светската Open Street Map, односно истите веќе се наоѓаат на сите популарни апликации кои ги користат планинарите од целиот свет. Со ова Македонија се вброи на списокот на земји со понуда за долгометражно пешачење и планинарење, односно конечно почнува да се искористува потенцијалот на она што Македонија може да го понуди.

Во југоисточниот регион низ кој поминуваат втората, третата и четвртата секција од источното крило веќе се и теренски маркирани скоро 300км од трансверзалата, додека во останатиот дел од источното крило има маркирани околу 80км од патеката. Со зголемување на температурите ќе се зголеми и темпото на маркирање и целта е до крајот на оваа година целото источно крило освен дигитално да биде маркирано и теренски – ни изјави Гоце Монев, координатор на југоисточниот реон на Асоцијацијата Македонска Бесконечна Трансверзала која го развива овој проект.

Најголемиот предизвик при маркирањето со кој се соочува асоцијацијата е како што се очекуваше – дивата, а на некои места и легалната сеча на шумите, што води кон уништување не само на маркациите туку и на самата патека.

Се очекува до крајот на оваа година да биде комплетирано и дигитално мапирано и целото западно крило во должина од 870км, со што ќе се комплетира целата трансверзала со вкупна должина од 2070км, најдолга на балканот и една од најдолгите во Европа и светот.

Секоја секција по една трансверзала

Секоја секција од Македонската Бесконечна Трансверзала е воедно и посебна трансверзала сама по себе, па така на светската Open Street мапа веќе се трансверзалите I1- Партизанска, I2 – Јужна Македонска , I3 – Спили и водопади и I4 – Источна Македонска во вкупна должина од 708км. Во следниве месеци на OSM мапите ќе бидат мапирани и I5-Осоговска, I6 – Славишка и I7 – Историска трансверзала.

Европски патеки

Европските патеки Е1 – Е12 се мрежа на долги пешачки патеки кои поминуваат на територијата на цела Европа

Со самото комплетирање се создаваат услови еден огранок од трансверзалата да стане дел од официјалните европски патеки, поточно дел од рутата Е7 која започнува од Португалија и води преку Шпанија, Франција, Италија, Словенија, Унгарија и во моментов завршува во Србија поточно на нашата северна граница . Дополнително, во иднина ќе може многу лесно, преку кратки странични патеки да се поврземе и со европските патеки Е4 која поминува низ Бугарија и Е6 во северна Грција.

Голем бенефит за руралниот туризам

Со овој проект Македонија ќе стане примамлива дестинација за сите планинари од целиот свет кои се љубители на трансверзалното планинарење, каде планинарите поминуваат од неколку дена до неколку месеци поминувајќи одредена подолга патека.

Овој тип на туристи се задржуваат многу подолго , што значи голем бенефит за македонскиот туризам и економија, а посебно за развој на средините низ кои поминува трансверзалата. Земајќи во обзир дека посетителите се движат пред се во руралните предели на земјата, каде ги вршат своите набавки и ги користат услугите на локалната заедница, повеќе од очигледни се придобивките за овие подрачја и нивниот развој.

Што е всушност Македонска Бесконечна Трансверзала?

Македонска Бесконечна Трансферзала ( кодно/уметничко име Sammiana ) е мега кружна трансверзала – непрекината планинарска патека која поминува низ поголемиот дел на територијата на Македонија, поминувајќи директно или во непосредна близина на огромен број природни убавини, историски локалитети и други знаменитости. Проектот се реализира од страна на асоцијацијата Македонска Бесконечна Трансверзала и досега се трасирани и дигитално мапирани над 90% од трасата а јавно од неодамна е достапно целото источно крило во должина од 1166км.

Се работи за огромен и импозантен проект, не само поради импресивната должина , туку и поради тоа што поголемиот дел од трансверзалата, односно околу 1500км се нови патеки кои наменски се трасираат за оваа намена.. Дополнително, со трасата се промовираат и многу предели кои се помалку познати за планинарската заедница и на некој начин се неправедно запоставени и покрај својата убавина.

Повеќе информации за новата македонска мега трансверзала може да се најдат на веб страната www.sammiana.com

ПР