Соопштенија
VIVATECH 2024: PEUGEOT со Hypersquare, Peugeot ја дизајнира иднината во насока кон целосно уживање при возењето
PEUGEOT, главен играч во полето на технолошките иновации, го „електрифицира“ VivaTech со својот смел концепт-автомобил INCEPTION, воведувајќи нова ера на електрична мобилност. На својот штанд, PEUGEOT ќе ја претстави и својата визија за иднината олицетворена преку револуционерниот Hypersquare управувач, кој ќе го редефинира возачкото искуство за во иднината и истиот претставува репрезент на најсовремените иновации денес.
ALLURE: за прв пат пред француската јавност, ќе биде претставен INCEPTION концепт-автомобилот.
EMOTION: Hypersquare управувачот радикално го трансформира искуството и задоволството при возење.
EXCELLENCE: PEUGEOT е лидер во технолошките иновации во Европа.
Надоврзувајќи се на повеќе од 200 години искуство во иновациите, PEUGEOT има за цел повторно да ја оживее одржливата мобилност на иднината, ставајќи ги задоволството при управување со автомобил и емоциите, на прво место кај корисничкото искуство.
На VivaTech 2024, претставници од врвното раководство на брендот PEUGEOT ќе ја презентираат стратегијата за иновации. Средби ќе се одржат четири пати и тоа секој ден на штандот на PEUGEOT, во 10:30, 12:00, 14:30 и 16:00 часот.
Иновацијата на PEUGEOT се однесува на технолошката креативност поврзана со реалноста, задоволување на реалните потреби на клиентите и зголемување на задоволството при возењето. На VivaTech 2024, PEUGEOT ја претставува својата визија за автомобилот на иднината со концепт-автомобилот INCEPTION и неговиот револуционерен управувач Hypersquare.
КОНЦЕПТ-АВТОМОБИЛ PEUGEOT INCEPTION: ЕЛЕКТРИЧНА МОБИЛНОСТ НА ИДНИНАТА
Концепт-автомобилот PEUGEOT INCEPTION е одраз на оптимистичката визија на PEUGEOT за одржлива мобилност во иднината. Претставен беше на CES во Лас Вегас, а сега на VivaTech 2024 ќе биде за прв пат презентиран ѝ пред француската јавност.
PEUGEOT INCEPTION CONCEPT отвора нова ера и ги најавува идните електрични возила на брендот. Создаден со нов дизајнерски јазик, ова возило доминира со лавовски и привлечен став, револуционерен внатрешен дизајн и ветувања за невидени возачки сензации.
PEUGEOT INCEPTION CONCEPT ги реинтерпретира гените на брендот. Тој е поедноставен и поелегантен, со завршна обработка и текстури се достојни за дигиталниот свет. Овој нов дизајн осцилира помеѓу сензуални линии и спортски облини, погеометриски и остри површини.
100% електричниот PEUGEOT INCEPTION CONCEPT е опремен со технологија од 800V. Неговата батерија од 100 kWh му овозможува да помине 800 km само со едно полнење.
Внатрешноста на INCEPTION CONCEPT прикажува низа нови техники кои PEUGEOT ќе ги примени за да ја исполни посветеноста на STELLANTIS да го намали својот јаглероден отпечаток за повеќе од 50% до 2030 година во споредба со 2021, а до 2038 година ќе постане бренд со гама на возила без емисии:
• Ре-произведен текстил: во дизајнерскиот центар за прототипи, исечоци од 100% полиестерска ткаенина поминуваат преку процес на термо-компресија под вакум, со вбризгување на врзивно средство во форма на смола.
• Спој на кадифе и 3D печатење: тапацирот на седиштата и подот е создаден од специјално и 100% рециклирано полиестерско кадифе, испечатено со 3D шари.
• Подлога Air Quilting®: удобноста на седиштата е зголемена со присуството на специјални подлоги кои прецизно можат да се прилагодат на нивото на рамената. Овој електро-тапацир создаден од едно парче на материјал е лесен за рециклирање.
КУЛТНИОТ PEUGEOT i-COCKPIT® ВО СВОЈА УШТЕ ПОНАПРЕДНА ВЕРЗИЈА, ЌЕ ПРОДОЛЖИ ДА ЖИВЕЕ ПРЕКУ HYPERSQUARE
Во изминатите 12 години, преку 12 милиони возила се опремени со PEUGEOT i-Cockpit®. Тој е симбол на иновациите на PEUGEOT и сакан од клинетите, бидејќи им овозможува уживање при возењето. Сето ова е потврдено, преку спектакуларната најнова генерација на панорамскиот i-Cockpit® претставена кај новите PEUGEOT E-3008 и Е-5008.
PEUGEOT INCEPTION Concept ја најавува најновата генерација на i-Cockpit®, со целосно осмислена архитектура која ќе ги замени традиционалниот управувач и палките со Hypersquare управувачот, кој е инспириран од дигиталниот и од светот на видео игрите.
Hypersquare ќе допринесе, говорот на телото при управување да биде поедноставен и поинтуитивен. Со едноставно кликнување или допир со врвовите на прстите, без да се отстрануваат рацете од управувачот, возачот ќе може да управува со сите параметри од возилото. Hypersquare е оживеан благодарение на технологијата „steer-by-wire“ што го прави возењето поинстинктивно и поедноставно.
Контролата при управување со Hypersquare е надополнета со флексибилен дисплеј, кој прикажува податоци за возењето или информации од инфозабавниот свиен систем за 360 степени. Овој HALO CLUSTER, преку својот кружен екран, обезбедува информации за возачот и патниците додека се приближуваат до автомобилот. Оваа надворешна комуникација го зајакнува концептот на споделување податоци и создава нова визија за автомобилот.
Hypersquare со дигитални електрични контроли се состои од екран со кружни ќелии на секој од неговите четири агли, кои имаат повеќе функции:
• Целосно природен и универзален стисок на управувачот.
• Удобност при возење со врвовите на прстите.
• Активирање на контролите на возилото со едноставни импулси на палецот.
Возачот ќе открие гестикулации слични на тие кај паметните телефони. Овој интуитивен аспект води до повисоко ниво на безбедност.
Центарот на Hypersquare управувачот се состои од екран како таблет, посветен на прикажување податоци за контролите. Различните функционалности како на пример: клима, јачина на звук на радио, системи за помош при возење и тн., се прикажани на двата странични дела, со цел да се олесни пристапот до командата која се избира. Командите вгнездени внатре во кружните ќелии се достапни преку едноставно движење само на палецот и без ослободување на управувачот. За уште поголема удобност при возењето, обложувањето на Hypersquare управувачот е направено со 3D печатење, додека пак дигиталниот стаклен екран дава високотехнолошки и луксузен изглед.
PEUGEOT Hypersquare управувачот и најновата генерација на i-Cockpit®, кои ќе предизвикаат револуција кај емоциите и зголемено задоволство при возењето, ќе бидат имплементирани ѝ во претстојните возила на брендот PEUGEOT до 2026 година.
ПОДАТОЦИ И ПОВРЗАНИ УСЛУГИ СО MOBILISIGHTS
На својот штанд на VivaTech 2024, PEUGEOT ќе им посака добредојде на Mobilisights. Овој оддел на групацијата Stellantis, специјализиран за дата-податоци (DaaS), обезбедува пристап до податоците од далечина, од поврзаните возила на PEUGEOT и други брендови на групацијата.
Податоците колектирани од Mobilisights овозможуваат персонализирање на искуството на возачот преку иновативни услуги и апликации од партнерски еко-систем од трето лице, со цел да се подобри секојдневниот живот на возачите, секогаш и само со нивна согласност.
На пример, податоците на Mobilisights може да се користат за развивање интуитивни апликации за сопствениците на електрични возила кои го поедноставуваат полнењето, овозможуваат прецизно следење на трошоците на возилото, а истовремено го подобруваат корисничкото искуство.
„ДАЛЕЧИНСКО ВОЗЕЊЕ“ СО VAY
PEUGEOT исто така, ќе го претстави својот партнер “scale-up Vay“ на штандот на VivaTech 2024, со кој PEUGEOT ги истражува потенцијалните апликации за „далечинско возење“.
„Далечинското возење“ се однесува на управување од далечина и функционирањето на возилото. Оваа технологија овозможува ефикасно управување со повеќе возила со само еден возач лоциран во далечина, користејќи мобилно поврзување и сензори како камери интегрирани во возилата.
На VivaTech 2024, PEUGEOT ќе го претстави и „telestation“ на својот штанд, кој ќе им овозможи на висококвалификуваните и сертифицирани „телевозачи“ на “scale-up Vay“ да возат на далечина управувајќи со: управувачот, сопирањето и забрзувањето на возилото. Телестаницата обезбедува преглед во реално време на околината околу возилото, обезбедувајќи целосно извонредна и одговорна контрола.
Оваа технологија овозможува зголемена ефикасност на операциите за испорака, на услугите „кликнете копче, добијте автомобил“, за споделување автомобили и изнајмување автомобили и им овозможува на сопствениците на приватни автомобили од далечина да го преместат своето возило во време и на локација која е потребна.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Не постои посовршено место од дома, а патот до него сега е полесен
Во деновите кога светлата се палат порано, а надвор студот нè потсетува да забавиме, домот станува повеќе од простор. Тој станува прибежиште. Место каде времето тече побавно, каде се собираат мислите, плановите и најубавите празнични мигови што остануваат во сеќавање.
Кога размислуваме за домот, најчесто се фокусираме на тоа како ќе изгледа животот во него. Помалку на самиот процес што води до таа цел. Токму таму, често се појавуваат трошоци и обврски што влијаат врз целокупното искуство.
Помалку формалности, повеќе простор за живот
Халкбанк АД Скопје нуди промотивна можност за станбен кредит без нотарски трошоци, со важност заклучно со 31.01.2026 година. На овој начин, купувањето недвижност започнува без една од вообичаените дополнителни ставки што често доаѓаат во чувствителен момент. Наместо на тие формалности, вниманието може да остане на уредувањето, вселувањето и секојдневието што допрва ќе се гради во новиот простор.
Долгорочен пристап со јасни услови
Станбениот кредит на Халкбанк е креиран да се прилагоди на животниот ритам, со рок на отплата до 30 години. Каматните стапки започнуваат од 3,2% фиксна каматна стапка за првите 10 години, провизијата за обработка изнесува 0%, а кредитот е достапен и со можност за грејс период до 12 месеци. Износот може да достигне до 400.000 евра, со минимум 10% учество, доколку станува збор за купување на прв стан.
Сигурност што носи спокој
Дополнителната сигурност доаѓа преку полиса за животно осигурување од „Триглав Осигурување – Живот“, која обезбедува заштита за клиентот и неговото семејство. Различните опции овозможуваат избор според индивидуалните потреби, а дел од нив нудат и поврат на премијата, со што се оптимизираат вкупните трошоци на долг рок.
Дом по ваша мерка
Понудата е наменета за купување стан или куќа, недвижност во градба, како и за рефинансирање постоечки станбени кредити од други банки. Таа одговара на различни животни приказни, од прв дом, до нов почеток со повеќе мир и подобра организација на обврските.
Во празничните денови, кога највредни стануваат тивките мигови, разговорите и чувството на припадност, домот го добива своето вистинско значење. Со помалку грижи на почетокот, секој нов почеток може да биде потопол, посигурен и похармоничен.
(ПР)
Соопштенија
Мали ритуали – големи надежи со игрите на среќа на Државната лотарија
Игрите на среќа на Државна лотарија одамна се дел од секојдневието, не само како можност за добивка, туку и како мигови на забава, надеж и исчекување. Тие претставуваат мала пауза од рутината – простор за сонување во кој луѓето си ги проектираат сопствените желби. Во тие мигови очекувањето станува дел од доживувањето, а играта добива посебна вредност.
За многумина од играчите, игрите на среќа се поврзани со мали лични ритуали и верувања што му даваат автентичност на секое индивидуално искуство и го прават самиот момент попосебен.
Без разлика дали станува збор за креирање лото комбинација од среќни броеви или купување инстант лозови, ритуалите се секогаш присутни како невидлив соиграч на патот до големите добивки.
Среќните броеви на лото ливчето ретко се само случаен избор. Зад нив стојат лични приказни, моменти и емоции, кои на бројките им даваат значење. За некои тоа се родендените на најблиските, за други датумот на венчавка или други датуми значајни за нив. Многу луѓе ги избираат истите броеви со години како симбол на континуитет и како знак дека нешто познато и свое останува непроменето.
Освен бројките, секој има и сопствени навики и ритуали. Некои играчи сакаат да ја предизвикаат среќата сами, некои во друштво со пријателите, за други е важно да ги уплаќаат своите комбинации на истото место или секогаш во ист ден од неделата. Некој го зема првиот лоз од купчето, некој сака самиот да избира, некои имаат омилен инстант лоз, други избираат различни, а некои секогаш купуваат точно одреден број инстант лозови. Ритуалите се инстинктивен обид за дофат до среќата и во свет полн со промени тие остануваат константа.
Интересно е што овие практики и среќни броеви често се пренесуваат низ генерации. Комбинации што се играат со години и навики што се повторуваат прераснуваат во традиција што ги поврзува луѓето. Приказните и верувањата што стојат зад ритуалите ги трансформираат игрите на среќа во нешто повеќе од случајност и бројки. Токму тие моменти носат дел од среќата и потсетуваат дека надежта е важен дел од секојдневието.
(ПР)
Соопштенија
Фондацијата „Д-р Верица Механџиска“ и „Зегин“ доделуваат стипендии за студенти на Фармацевтскиот факултет
Фондацијата д-р Верица Механџиска и Зегин доделија 14 стипендии за студентите запишани во прв и втор интегриран циклус на студии на Фармацевтскиот факултет при универзитет „Св. Кирил и Методиј” во Скопје. Стипендиите се насочени кон поддршка и охрабрување на идните професионалци во фармацевтските науки.
Фармацевтите играат витална улога во здравствената заштита. Тие обезбедуваат безбедна употреба на лекови, ги поддржуваат лекарите и ги насочуваат пациентите кон подобро здравје. Доделувањето на овие стипендии е можност за студентите да се почувствуваат поддржани, а со тоа да постигнат подобри академски резултати и понатаму да придонесат значајно во здравствениот систем.
Христина Маханџиска Георгиевска, една од сопственичките на компанијата Зегин истакна: „Оваа соработка е резултат на заедничка визија во која образованието и знаењето на младите кадри се темел на развојот на фармацевтската професија и здравствениот систем во нашата држава. Преку овие стипендии вложуваме во оние кои покажуваат посветеност, одговорност и искрена желба за напредок. Оваа активност ја спроведува Фондацијата д-р Верица Маханџиска која меѓу другото е посветена и на мотивирање на општествен развој преку поддршка на човечкиот капитал.“
Деканот на Фармацевтскиот факултет при универзитетот „Св. Кирил и Методиј” во Скопје, Проф. д-р Зоран Стерјев, изрази благодарност за поддршката на студентите и истакна дека на овој начин студентите можат да се фокусираат на учење и развивање вештини со цел да придонесат кон развој на општеството. Оваа програма за поддршка на студенти овозможува да се отстранат финансиските бариери и секој студент да има можност да постигне подобри академски резултати.
Оваа иницијатива ги нагласува континуираните напори на Фондацијата д-р Верица Маханџиска и компанијата Зегин да придонесат кон општествен развој и еднакви можности за сите.
(ПР)
(Видео) Трамп: Преговорите се во финална фаза, можен е брз крај на војната – состанокот со Зеленски е во тек
Во резиденцијата Мар-а-Лаго на Флорида започнаа разговорите меѓу американскиот претседател Доналд Трамп и украинскиот претседател Володимир Зеленски. Објавени беа и...
Имав продуктивен разговор со Путин, рече Трамп пред состанокот со Зеленски
Американскиот претседател Доналд Трамп објави дека имал добар и многу продуктивен телефонски разговор со рускиот претседател Владимир Путин. Соопштението доаѓа...
Зеленски пред средбата со Трамп: Многу работи можат да се решат пред Нова година, одлуката зависи од партнерите
Украинскиот претседател Володимир Зеленски денес изјави дека Киев прави сè за да ја заврши војната со Русија, но дека на...
Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор
Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало...
Почина Брижит Бардо
Француската актерка Брижит Бардо починала денеска на 91-годишна возраст, пренесе „Гардијан“. Бардо, француска актерка и пејачка која стана меѓународен секс-симбол,...
СДСМ: „Златната виза“ не е злато, туку налепница во пасош
Опозициската СДСМ реагираше на обвинувањата од ВМРО-ДПМНЕ, оценувајќи ги како измислени вести и дефокус од главните теми. Од СДСМ наведуваат...
Донбас и Запорожје во фокусот на разговорите Зеленски–Трамп
Украинскиот претседател Володимир Зеленски и американскиот претседател Доналд Трамп ќе се сретнат попладнево на Флорида за да разговараат за планот...
ВМРО-ДПМНЕ: Филипче да ги објави документите или да одговори од каде 500 илјади долари за златна виза во Дубаи и инвестиции
Во свое појавување пред медиумите, Венко Филипче рече дека тој не бил бизнис партнер на Зоран Заев во градбата на...
Сојузниците му дадоа поддршка на Зеленски пред средбата со Трамп на Флорида
Сојузниците му дадоа силна поддршка на украинскиот претседател Володимир Зеленски во пресрет на неговата средба со американскиот претседател Доналд Трамп...
Родителите за загинатите деца во Пулс со порака: Пред Нова година и Божиќ кога сите се радуваат, ние живееме во болка
Со солзи и голема болка денеска маршираа низ кочанските улиците семејствата на загинатите млади луѓе во кочанската дискотека „Пулс“. Во...
Граѓанската иницијатива „Стоп за Усје“ ги објави заедничките усогласени барања
Граѓанската иницијатива „Стоп за Усје“ ги објави заедничките усогласени барања, кои, како што велат оттаму, се направени во отворена координација...
Таткото на загинатата Надица во „Пулс“: До последен здив ќе се борам за правда за моето дете
Александар Наунов, татко на Надица која го загуби животот во трагичниот настан во дискотеката „Пулс“ во Кочани, денеска се обрати...
По рускиот напад над 2.600 станбени згради, 187 градинки, 138 училишта и 22 социјални згради се без греење во Киев
Околу 600.000 потрошувачи во Киев и околниот регион останаа без електрична енергија. Енергетските екипи се на терен и вложуваат максимални...
Две тела најдени во стан во Крушевац, сомнежот е дека син ги убил родителите со нож, па се фрлил од зграда
Двојно убиство и самоубиство се случија утрово во семеен стан во Крушевац, а полицијата ги утврдува сите околности на овој...
Расте бројот на повредени во рускиот напад врз Киев
Бројот на повредени во рускиот напад со беспилотни летала и ракети врз Киев се искачи на 19, објави Укринформ. „Вкупниот...
Уште трае рускиот напад, во Киев нема струја и парно, има и загинати
Речиси 9 часа Киев ноќеска беше под опсада. Во градот воздушната опасност сè уште е на сила поради заканата од...
Има повредени во рускиот напад врз Киев
Пет лица се повредени во рускиот напад врз Киев синоќа, објави градоначалникот на главниот град, Виталиј Кличко, на Телеграм, цитиран...
(Фото+Видео) Се шират снимките од бруталниот напад на Киев, станува сè полошо
Аеродромите во Жешов и Лублин во југоисточна Полска беа привремено затворени откако полските вооружени сили испратија борбени авиони како одговор...
Намалена видливост поради магла на неколку патни правци
Намалена видливост поради појава на магла до 100 метри има на планинските превои Стража и Ѓавато, до 30 метри на...
(Видео) Британските ракети „Сторм Шедоу“ погодија клучна руска рафинерија
Украина потврди дека употребила британски крстосувачки ракети „Сторм Шедоу“ за напад врз голема рафинерија за нафта во Русија, нанесувајќи нов...
