Репрезентативецот на Македонија Иван Тричковски го постигна голот со кој АЕК ларнака забележа победа 2.1 против АЕЛ Лимасол.

Најдобриот стрелец минатата сезона во кипарскиот шампионат во 63 минута го постигна голот со која АЕК ги освои трите бода. За Тричковски ова беше трет гол во новата сезона.

Претходно гостите водеа со голот на Риера во 24 минута, а осум минути подоцна израмни Макрис.

АЕК по пет кола со натпревар повеќе се наоѓа на делба на првата позиција на табелата со Аполон.



Виктор Давидовски денеска по едногодишна пауза се врати на трките во ТЦР Евопа, и во овој настап на легендарната патека Монца го постигна својот досега најголем успех.

Поради дождливото време на тренинзите, македонскиот пилот со својот „хонда сивик“ немаше доволно време за местење на идеалниот сет-ап, а дополнително автомобилот доби 90 килограми тежински пенал (60 килограми според БОП-системот на организаторите, како и 30 килограми за неучество на претходната трка), па поради тоа освои 16. место на квалификациите. Сепак, во првата трка која се возеше во сабота попладне, Давидовски успеа да напредува дури шест места, со што се избори за пласман на 10 место.

По трката, стјуардите му доделија казна од 30 секунди на Сами Тафик, па така Давидовски беше унапреден на деветто место.

Истовремено, тој беше најдобро пласиран поединец од возачите кои се дел од „Јокохама“ купот, каде што се вреднуваат постигнувањата само оние кои не се дел од профи тимовите, поради што се најде на победничкиот пиедестал заедно со победникот Брише од Пежо, Лојд од Хонда и Берт од Ауди.

Утрешната трка е закажана за попладне во 13 часот на автодромот во Монца, а истата може да се следи преку официјалниот јутјуб-канал на ТЦР Европа.

Брилијантен меч на Хоторнс одиграа Вест Бромвич Албион и Челси (ВБА). Челси имаа негатива по првиот дел 0:3, но на крајот изборија реми 3.3 со голот на Тами Ејбрахам во 93 минута.

Првиот дел од натпреварот уште еднаш г откри сите слабости кои Челси ги имаат во одбраната.

Од грешките на Маркос Алонсо и Тијаго Силва, кој на овој меч дебитираше за Челси, ВБА постигнаа два гола преку Робинсон во четвртата и 25 минута. Три минути подоцна лошото позиционирање на играчите на Челси го искористи Фурлонг.

ВБА со 25 отсто од поседот на топката во првиот дел на пауза заминаа со предност 3:0.

За разлика од првиот дел кога играчите на Челси не ги користеја своите шанси, во вториот дел беа нешто подобри.

Мејсон Маунт во 55 минута со удар од 23 метри г изненади голамнот Џонстон. На гол негатива „сините“ се доближија во 70 минута кога Хадсон-Одои ја затресе мрежата на ВБА.

Во самиот финиш ВБА не го издржаа притисокот под кои се наоѓаа во текот на целиот меч. Ејбрахам успеа да постигне гол во 93 минута за конечни 3:3.