Спорт

Вардар продолжува да гази – и Рајн Некар падна во Скопје

Вардар го задржа перфектниот старт во Лигата на шампионите. Четвртата победа во сезоната црвено-црните ја забележаа над Рајн Некар 29:27 (13:15). Вардар го израмни својот најдобар старт во елитната конкуренција и воедно ја забележа шестата победа во де…

Објавено пред

2 години

- 6 октомври, 2018

Од

TopSport.mk

Рајн Некар се закани, но борбеноста на Вардар не дозволи германскиот тим да остане непоразен во Скопје. Вардарци клучниот чекор кон победата го направија во финишот на првото и почетокот на второто полувреме.

Германците предводени од Петерсен и Колбахер (по пет гола во првиот дел) доминираа во првите 30 минути од натпреварот. Вардар во првото полувреме немаше никакви решенија за нападот на Рајн Некар.

Германскиот тим најчесто одржуваше предност од два гола, а на почетокот на 29.минута по голот на Петерсон разликата дојде до максимални четири гола (11:15).

Сепак во финишот на полувремето Мораеш и Дибиров погодија за минус два, а потоа рускиот репрезентативец имаше свое шоу на почетокот на вториот дел кога постигна три гола во низа.

Вардар прв пат стигна до предност во 35.минута (16:15). Следуваше период на израмнета игра, а Вардар завршниот удар го зададе во последните десет минути, кога стигна до позитива од три гола, а потоа победата ја одбрани и голманот Милосављев кој повторно имаше забележителна улога (10 одбрани).

Тимур Дибиров го предводеше Вардар со осум гола, четири постигна Игор Карачиќ. Кај Рајн Некар најефикасен беше Александер Петерсен со седум гола. а македонскиот репрезентативец Филип Талески постигна еден гол.

Вардар во наредната рунда ќе гостува кај Кјелце на 14.октомври.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport топ-тема

Следно

Мајсторија на Барди, Леванте победи во Мадрид (Видео)

Претходно

(Видео) Алиоски со асистенција спречи пораз на Лидс

Спорт

Тотенхем ги потврдија Герет Бејл и Серхио Регуилон

Објавено пред

1 час

- 19 септември, 2020

Од

TopSport.mk

Тотенхем го потврдија враќањето на Герет Бејл и потписот на Серхио Регуилон од Реал Мадрид, со што неочекувано станаа меѓу „победниците“ на летниот преоден рок.

31-годишниот Бејл се враќа во англиската престолнина, од каде што замина во 2013 година како најскап фудбалер на светот. Тој освои две титули од Ла лига, четири од Лигата на шампионите со Реал, но никогаш не успеа да стане миленик на публиката, но и на тренерите (посебно на Зинедин Зидан), и по „бојкотот“ на клубот, Реал се обидуваше да го продаде подолго време.

Додека беше фудбалер на „Вајт харт лејн“, Бејл постигна 55 гола во 203 настапи за Тотенхем, освојувајќи ја наградата за најдобар фудбалер во Премиер лигата. Овојпат тој доаѓа на позајмица од Реал, со можност за откуп на договорот следното лето.

Покрај Бејл, кој се враќа во својот стар тим, Тотенхем го добија и талентираниот дефанзивец Серхио Регуилон за 28 милиони фунти, иако 23-годишниот Шпанец беше во напреднати преговори со Манчестер јунајтед.

Регуилон минатата сезона ја помина на позајмица во Севилја, каде што го привлече вниманието на многу големи европски клубови и откако Севилја не успеа да се договори за уште една сезона, Тотенхем направија подвиг.

Bale. Is. Back.
Welcome home, @GarethBale11 😍 #BaleIsBack ⚪️ #COYS pic.twitter.com/iOIWC2ZwtC
— Tottenham Hotspur (@SpursOfficial) September 19, 2020

✍️ We are delighted to announce the signing of Sergio Reguilón from Real Madrid!#HolaReguilón ⚪️ #COYS pic.twitter.com/XYBxS4w4Sd
— Tottenham Hotspur (@SpursOfficial) September 19, 2020

Прикажи повеќе...

Спорт

Шок на ТдФ! Погачар со подвиг ја осигура жолтата маичка!

Објавено пред

2 часа

- 19 септември, 2020

Од

TopSport.mk

Словенецот Тадеј Погачар (УАЕ Тим Емирати) е пред сензационална победа на Тур де Франс, откако го примора неговиот сонародник Примож Роглич (Џамбо-Висма) на неверојатен колапс во претпоследната етапа на најславната трка, индивидуалната планинска трка на хронометар до Планш де Бел Фил.

21-годишниот Погачар, сега, треба само сигурно да стигне до целта на неделната славеничка последна етапа на Шам Елизе во Париз за да го комплетира еден од најневеројатните триумфи во историјата на велосипедизмот.

Погачар заостануваше 57 секунди зад Роглич пред 20-тата етапа, но веднаш почна да го „јаде“ водството на сонародникот, а откако направи предност на рамниот дел од етапата, Роглич очигледно ја загуби самодовербата. Двајцата беа во топ-форма пред последното искачување, но Погачар одеднаш беше пред неверојатна победа со која ќе стане најмладиот шампион на Трката околу Франција по 19-годишниот Анри Корне во 1904 година.

Финалето на трката на хронометар е еден од најдраматичните моменти во велосипедската историја, а многумина го споредуваат со легендарната последна етапа во 1989 година кога Грег Лемонд го победи Лорен Фињон за осум секунди.

„Мислам дека сонувам, навистина немам зборови во моментов. Не знам кога ќе сфатам што направив“, изјави очигледно шокираниот Погачар, кој во понеделник ќе го прослави својот 22. роденден.

An incredible TT saw 🇸🇮 @tamaupogi power his way into the Yellow Jersey 💛
🎬 Relive the emotion of that final kilometre!
Un mano à mano exceptionnel dans la Planche des Belles Filles ! Victoire de 🇸🇮 @TamauPogi qui s’empare du Maillot Jaune !#TDF2020 pic.twitter.com/mrYuM2b9aW
— Tour de France™ (@LeTour) September 19, 2020

“I think I’m dreaming”
The full first interview with the new 💛 Yellow Jersey wearer 🇸🇮@tamaupogi.#TDF2020 pic.twitter.com/AhYVTFNNf5
— Tour de France™ (@LeTour) September 19, 2020

He gave everything, but it wasn’t his day.
Il a tout donné mais ce n’était pas sa journée.#TDF2020 pic.twitter.com/UEplffOc0M
— Tour de France™ (@LeTour) September 19, 2020

Прикажи повеќе...

Спорт

Клоп се жалеше дека нема пари за трошење, па за два дена ги купи Алкантара и Жота!

Објавено пред

2 часа

- 19 септември, 2020

Од

TopSport.mk

Англискиот шампион Ливерпул, го потврди потписот на португалското крило на Вулверхемптон, Диего Жота во трансфер вреден 45 милиони фунти, со што Јирген Клоп доби две големи засилувања за два дена по петочното купување на Тијаго Алкантара од Баерн Минхен.

Покрај Жота и Алкантара на „Енфилд“ пристигна и грчкиот бек Костас Цимикас, по што зборовите на Клоп дека тие не можат да си приуштат засилувања како „државните“ клубови Челси и Манчестер сити изгледаат прилично незгодно.

23-годишниот Жота пристигна кај Вулфс во 2017 година од Атлетико Мадрид и постигна 44 гола во 131 настап за тимот на Нуно Еспирито Санто, помагајќи да влезат во Премиер лигата.

Се веруваше дека Ливерпул се заинтересирани и за ѕвездата на Вотфорд, Исмаила Сар, но одбија да ги платат 40-те милиони фунти кои ги бараа Вотфорд.