Спорт
„Визер – Скопски маратон“ се одложува
Поради ширењето на коронавирусот, „Визер – Скопски маратон“, наместо во мај, ќе се одржи на 4 октомври.
„Иако вие тркачите, исто како и ние, се подготвувате за вашата омилена трка, сепак некои работи не можеме да ги контролираме во одредени ситуации, но веруваме дека на крајот сите ќе излеземе победници и дека заеднички ќе ја пребродиме оваа ситуација. Поради влошувањето на ситуацијата со коронавирусот, како кај нас така и во светот, и заради почитување на мерките што ги презема нашата Влада заедно со институциите и препораките од Светската здравствена организација, Сојузот на спортовите на Скопје како организатор на ‘Визер – Скопскиот маратон’, кој беше планиран за 10 мај 2020, донесе одлука трката да се одложи за 4 октомври 2020 година“, соопштија организаторите.
Сите пријави остануваат важечки и се префрлаат за новиот датум, а доколку некој од пријавените е спречен од кои било причини да учествува на новиот датум, ќе им бидат понудени следниве опции:
• промена на постојната регистрацијата на друго име за 4 октомври 2020 година;
• откажување на регистрацијата за 2020 и добивање бесплатна регистрација за 2021 година;
• откажување на регистрацијата за 2020 и учество на виртуелна онлајн-трка 2020.
Сите овие опции ќе бидат можни да се реализираат со рок до 31 јули 2020 преку порталот за регистрација www.smartrace.club, деталите ќе бидат објаснети директно до секој учесник со испраќање имејл-порака со конкретни упатства како да ја изберат посакуваната опција доколку не се во можност да учествуваат на 4 октомври 2020.
Пријавувањето останува отворено до 15 септември 2020 година. Повеќе информации на www.skopskimaraton.com.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Црвена звезда во триумфална серија, Динамо доживеа дебакл во Загреб
Фудбалерите на Црвена звезда победија во Штурм во 6. коло од Лигата на Европа и ја задржаа шансата да ја обезбедат европската пролет, додека од друга страна Динамо од Загреб доживеа пораз на домашен терен од Бетис.
Звезда победи со 1:0 во Грац со голот на Мирко Иваниќ во 55-та минута. По лошиот старт во Лига Европа, кога во првите три рунди освоија само еден бод, во наредните три кола, црвено-белите забележаа три идентични победи од 1:0, пред Штурм славеа над Лил и ФЦСБ.
Фудбалерите на Динамо доживеаа убедлив пораз (1:3) од Бетис. Натпреварот беше решен во првиот дел, кога Бетис од 31-та до 38-та минута постигна три гола.
Гостите од Севилја поведоа со автоголот на Домингез, а потоа следеа головите на Рикелме и Антони.
Утешниот гол за домашните го постигна Галешиќ во 89. минута.
На две кола пред крајот, Звезда има 10 бода и можна шанса за Топ 8, додека хрватскиот претставник е на седум бода.
Црвено-белите се во групата на тимови со ист број на бодови, кои на табелата се наредени од 14-то до на 17-то место, додека Динамо се наоаѓа на 26-та позиција.
Лига Европа, шесто коло:
Динамо – Бетис 1:3 (0:3)
/Галешиќ 89 – Домингез 31 г., Рикелме 34, Антони 38/
Ференцварош – Ренџерс 2:1 (1:1)
/Отвос 45+5, Варга 72 – Миовски 27/
Лудогорец – ПАОК 3:3 (1:1)
/Станиќ 33, Вердон 71, Чоичев 77 – Десподов 39, Вољако 48, Миту 90/
Митјиланд – Генк 1:0 (1:0)
/Чо 17/
Ница – Брага 0:1 (0:1)
/Виктор 28/
Штурм Грац – Црвена Звезда 0:1 (0:0)
/Иваниќ 55/
Штутгарт – М. Тел Авив 4:1 (2:0)
/Асињон 24, Томас 37, Мителштад 50 пен, Вагонман 90+4 – Ревиво 52/
Утрехт – Нотингем Форест 1:2 (0:0)
/Ван дер Хорн 73 – Калимуендо 52, Игоир Жесус 88/
Јанг Бојс – Лил 1:0 (0:0)
/Малеш 61/
Foto/ freerangestock
Спорт
(Видео) Миовски стрелец, Ренџерс поразени од Ференцварош
Глазгов Ренџерс загубија во Будимпешта од Ференцварош (2:1), во шестото коло, во Лига Европа.
Пкотскиот великан водеше со спектакуларниот гол на Бојан Миовски во 27-та минута. Македонскиот репрезентативец влегува во форма, откако беше стрелец изминатиот викенд, во Премиер лигата на Шкотска.
Ференцварош до крајот на полувремето изедначи, во петтата минута од судиското надополнување на времето погоди Отвос. Победата на Унгарците им ја донесе Варга во 72-та минута.
По шест рунди Ренџерс се на 33-то место со само еден бод и реално без шанси за пласман во нокаут фазата, додека Ференцварош со 14 бодови се наоѓа на четвртото место.
Foto/ freerangestock
Спорт
(Видео) Шкендија го победи Слован Братислава
Фудбалерите на Шкендија го победија Слован од Братислава со 2:0 (2:0), во петото коло во Конференциската лига. Шкендија дојде до втората победа и вкупно седмиот бод, што и донесе скок на 18-то место на табелата. Шкендија сега има реални шанси да се пласира во нокаут фазата.
Шкендија го скрши Слован во втората половина од првото полувреме. Во 33-та минута Бајриќ си постигна авто гол, а во првата минута од судиското надополнување на времето, водстото го дуплираше Спахиу.
Покрај освоените три бода, Шкендија за овој триумф ќари и 400.000 евра, колку што УЕФА ја вреднува победата во Конференциската лига.
Foto/ EPA/GEORGI LICOVSKI

