Фудбалери на Манчестер Сити, на Ливерпул и еден член на Челси се номинирани кандидати во скратениот список за најдобар играч во Премиер лигата за актуелнава сезона.

Ова денеска го објави Асоцијацијата на професионални фудбалери.

На листата кандидати за престижната награда се Бернардо Силва, Рахим Стерлинг и Серхио Агуеро од Манчестер Сити. Потоа Садио Мане и Вирџил ван Дајк од Ливерпул, а шестиот номиниран е Еден Азар од Челси.

Најдобриот играч во Премиерлигата ќе биде прогласен на гала-свеченост на 28 април во Лондон.

Минатата сезона титулата отиде во рацете на голгетерот на Ливерпул, Мохамед Салах.

The nominees for the PFA Players’ Player of the Year!

🇦🇷 @aguerosergiokun
🇳🇱 @VirgilvDijk
🇧🇪 @hazardeden10
🇸🇳 Sadio Mané
🇵🇹 @BernardoCSilva
🏴󠁧󠁢󠁥󠁮󠁧󠁿 @sterling7#PFAawards | #POTY pic.twitter.com/j6YvXaRtSJ

— PFA | Professional Footballers' Association (@PFA) April 20, 2019

Екипата на холандски Ајакс несомнено ги собра симпатиите на неутралните љубители на фудбалот откако најпрво го елиминираше големиот Реал Мадрид од Лигата на шампионите, а потоа во следната фаза го „зема скалпот“ и на моќниот Јувентус. Младиот тим сега ќе игра полуфинале во елитното европско натпреварување против Тотенхем.

Сепак фудбалерите на Ајакс не можат да одморат кога станува збор за домашниот шампионат. Таму се во мртва трка со екипата на ПСВ.

Денеска Ајакс играше гостински меч против тимот на Гронингем. „Копјаниците“ од Амстердам со голот на Клас Јан Хунтелар во 78 минута славеа важна победа и барем до утре ќе останат единствени на чело на табелата.

ПСВ има три бода помалку од Ајакс, но утре ќе го одиграат натпреварот од ова коло, на домашен терен против Ден Хаг.

Јувентус попладнево со 2-1 ја победи Фиорентина и на 5 кола до крајот на годинешната сезона во Серија А повторно ја освои тутулата. Ова е осми трофеј за фудбалерите на торинскиот клуб во низа.

Сепак, денеска работите не одеа според планот на „Старата дама“. Фиорентина уште во 6 минута поведе со голот на Миленковиќ.

Израмнувањето на резултатот дојде во 37. Минута, стрелец за Јуве, Алекс Сандро. Со автоголот на Пецела, во 53 минута Јувентус направи комплетен пресврт и ги постави конечните 2-1.

Со новото Скудето, Јувентус во витрините веќе собра 33 трофеи од првата лига на Италија.

За првата ѕвезда на Јуве, Кристијано Роналдо ова е шеста национална титула, три има претходно во Шпанија и две во Англија. Сепак, куриозитет е што во Италија титула освои уште во првата сезона по доаѓањето, нешто што не му успеа во првенствата во кои настапуваше.

Двајца фудбалери на Јувентус се шампиони осум години во низа, тоа се Џорџо Кјелини и Андреа Барзаљи.