Менаџерот на Арсенал Унаи Емери им порачал на двајца фудбалери дека имаат време крајот на преодниот рок да си најдат нови екипи бидејќи не сметал на нивните услуги.

Во пресрет на дербито со Ливерпул, Емери, на новинарите им соопштил дека не смета на Шкодран Мустафи и Мохамед Елнени.

„Сакам играчите овде да бидат среќни, сакам да бидат протагонисти, а минатата сезона Шкодран и Мо не беа среќни кога не играа…Многу разговарав со нив двајца и мислам дека е позитивно да потпишат за друг тим каде ќе бидат меѓу главните актери и каде ќе бидат среќни“, рекол Емери.

Мустафи има понуда да се пресели во Рома, каде сезонава би играч како позајмен фудбалер. Меѓутоа тој најавил дека нема да замине од Арсенал.

Слична понуда има и Елнени. Негова позајмица побарале од Галатасарај.

„Тоа се големи фудбалери, но тука поради околностите ќе имаат малку шанси да го покажат својот капацитет…Тие знаат каква е ситуацијата, јас им посакувам се најдобро и мислам дека треба да најдат нов предизвик“, заклучил Емери.

Американскиот спринтер Кристијан Колмен, сопственик на најбрзиот резултат во 2019 година на 100 метри (9,81 секунди) се наоѓал под истрага на Светската анти-допинг агенција.

Би-би-си објавија дека Американецот три пати, со намера пропуштил допинг-тест, што било доволно да биде покрената истрага против него. Интересно, барем засега по повод случајот не се изјасниле од Меѓународната атлетска федерација, ниту пак од Анти-допинг агенцијата на САД.

Доколку се докаже дека е виновен, Колмен се соочува со едно годишна суспензија, поради која ќе го пропушти Светското првенство во Катар и Олимписките игри во Токио.

Колмен, минатиот месец бил најбрз на државното првенство на САД во трката на 100 метри (9,99 секунди).

Шпанскиот фудбалер Фернандо Торес на натпреварот помеѓу Саган Тосу и Висел Кобе в петок, ќе стави крај на професионалната кариера.

Искусниот напаѓач во сениорскиот фудбал дебитирал на 18-годишна возраст во Атлетико Мадрид, а во текот на кариерата играл и за Ливерпул, Челси и за Милан. Во Јапонија, во Саган Тосу се пресели во летото 2018 година.

„Тоа беа возбудливи години, освоив многу трофеи и заработив почит во светот на фудбалот, што е најважно. Остварив многу повеќе од она што го очекував и сега ми преостанува уште само еден натпревар. Ќе се трудам да уживам од првата до последната минута. Ова ќе биде посебен меч за мене“, рекол Торес.

Во фудбалскиот свет познат и како Ел Нињо, Торес во кариерата ја освоил Лигата на шампионите со Челси, Лига Европа со Атлетико Мадрид, а со репрезентацијата на Шпанија станал европски и светски првак.