Тренерот на Челси Френк Лампард не крие дека е разочаран од изданието на неговиот тим на гостувањето во Шефилд. „Сините“ вчера беа поразени со 3:0 поради што сега „висат“ во борбата за пласман во Лигата на шампионите.

Члеси се трети на табелата со 60 бодови, но можат да бидат престигнати од Лестер и Манчестер Јунајтед.

Члеси против Шефилд имаа посед на топка од 74 отсто меѓутоа не успеаја да направат нитуе една шанса за постигнување на гол.

„Игравме бавно, не ги вклучувавме крилата во нападите, бевме безопасни. Многу научив од овој натпревар. Сигурно е дека нема да го заборавам. Мораме добро да го анализираме ова и да се насочиме кон борбата за пласман во Топ 4“, рекол Лампард.

„Во сите елементи беа подобри од нас. Психички и физички. Кога нема публика можеш да слушаш што се случува на теренот, а јас ги слушав само играчите на Шефилд. Направивме многу грешки. Големо разочарување за нас“.

Челси во наредната рунда ќе игра против Норич.

Кун Агуеро ќе го пропушти осмина-финалниот реванш во Лигата на шампионите против Реал Мадрид.

Најдобриот стрелец на Манчестер сити се повреди пред неколку недели на натпреварот против Барнли. Тој неколку дена по повредата го оперираше менискусот.

Иако во клубот се надеваа дека тој ќе биде подготвен за реваншот против Реал тоа нема да се случи.

„Нема шанси да игра против Реал“, рекол тренерот на „граѓаните“ Пеп Гвардиола.

Манчестер сити имаат предност од 2:1 по првиот меч во Мадрид. Реваншот на домашен терен ќе го одиграат на 7 август.

Победникот од пресметката помеѓу Сити и Реал во четврт-финалето ќе игра против подобриот од дуелот Јувентус-Лион.

Фудбалската федерација на Македонија денеска го одржа Редовното Генерално Собрание.
Според одобрен здравствен протокол од Министерството за здравство и Комисијата за заразни болести, Фудбалската федерација на Македонија го организираше Редовното Генерално Собрание.

Присутните делегати на Собранието на ФФМ ја потврдија одлуката на Управниот одбор на федерацијата во однос на регионалната поставеност и промена на организацијата на трети лиги и систем на натпревари. Новата регионална поставеност ќе се имплементира од сезоната 2020/2021 и вклучува поделба на пет региони со пет трети лиги кои би броеле од 6 до 16 екипи.

На Редовното Генерално Собрание е усвоен извештајот за работа на претседателот и Управниот одбор на ФФМ, потоа извештаите од правните органи и лиценцни тела на ФФМ, како и извештајот од администрацијата на ФФМ за исполнување на стратегискиот план 2016-2026 за 2019. година.

Присутните делегати го усвоија ревизорскиот извештај за работата на ФФМ, завршната сметка на федерацијата и финансискиот план – буџет на Фудбалската федерација на Македонија.

Собранието на ФФМ даде согласност и го овласти Управниот одбор да утврди буџетска позиција со која ќе се финансираат инфраструктурните проекти на начин што средствата предвидени за реализација на активностите за кои Управниот одбор ќе утврди дека не се реализирале ќе бидат реализирани во новата буџетска позиција.

извор/ffm.mk