Кошаркарот на Вашингтон визардс, 22-годишниот Томас Брајант во НБА-лигата го доби прекарот „кошаркарски Нејмар“.
Причина за тоа е неговата реакција, односно глумата дека е повреден по еден најобичен дуел со кошаркарот на Мајами Хит, Канаѓанецот Кели Олинк.

Олинк на 5 минути пред крајот на мечот само малку го оттурна Брајант, а овој се истркала по паркетот слично како бразилскиот фудбалер кој стана цел на потсмев на зелениот терен.

Погледнете ја целата ситуација:

Thomas Bryant always gives it 💯😉 pic.twitter.com/SMKNOdDOyT

— NBC Sports Wizards (@NBCSWizards) March 24, 2019

Прославениот Диего Армандо Марадона, за кого многумина сметаат дека е најдобриот фудбалер на сите времиња, често се конфронтира со оние кои сметаат дека во „неговото време“, кога тој играше, конкуренцијата била послаба.

За да им ги затвори устите на „душегрижниците“, Марадона на Инстаграм објави фотомонтажа на која се наоѓаат 20-тина играчи од неговото време за кои тој мисли дека се најдобрите. До фотографијата напишал: „Како можете да речете дека немав достојни ривали. Играв против овие титани“.

Во друштво на Марко ван Бастен, Роберто Баџо, Лотар Матеус, Мишел Платини, Руд Гулит, Христо Стоичков, Георге Хаџи, Ромарио, Валдерама и останатите големи имиња на фудбалот има место и за еден играч од поранешна Југославија. Марадона во редот на најдобрите го смести и прославениот играч на Црвена Звезда, на СФРЈ, а подоцна и на Хрватска, Роберт Просинечки.

 

View this post on Instagram

 

¿Cómo pueden decir que yo no tenía rivales en mi época? Yo jugaba contra estos cracks: #Baggio, @MarcoVanBasten, @PibeValderramap, @LotharMatthaus10, #Hagi, @Hristo8Oficial Stoichkov, #Laudrup, #Prosinecki, @RomarioFaria, @Futre, #Gullit, #Scifo, @BochiniOficial, @BryanRobson, #MágicoGonzález, #Francescoli, @Mario.Kempes78, @GiancarloAntognoni, @NeneCubillas10, @KarlRummenigge, #Platini, @Zico, #Keegan, y MUCHOS más. Mi respeto y mi recuerdo para todos ellos ⚽👊

A post shared by Diego Maradona (@maradona) on Mar 25, 2019 at 11:52am PDT

Фудбалскиот клуб Јувентус на својот официјален сајт ја информираше јавноста за повредата на првиот ас, Кристијано Роналдо кој синоќа во 30. минута го заврши натпреварот на Португалија против Србија откако почувствува болка во бутниот мускул. Повредата ги загрижи многубројните фанови на Роналдо, но и на Јувентус. Сепак самиот фудбалер ја смири ситуацијата и наговести дека паузата за него ќе трае десетина дена.

И Јувентус објави дека повредата не е сериозна.

„Кристијано Роналдо беше подложен на испитувања во Португалија кои покажаа мала повреда на десниот бутен мускул. Неговата состојба ќе биде следена и ќе биде предмет на нови тестови за да утврдиме кога ќе им се врати на натпреварите“ – соопштија од клубот.

Il bollettino medico sulle condizioni di @Cristiano
➡️ https://t.co/fQ2WkfTXD2 pic.twitter.com/sCA6L8RpUN

— JuventusFC (@juventusfc) March 26, 2019

На Јувентус на 10 април му претстои првиот четвртфинален натпревар од ЛШ против Ајакс, а реваншот на двобојое ќе биде на 16 истиот месец.