Анадолу Ефес стигна до импресивна 80:75 победа на гостувањето кај Реал Мадрид за своја шеста победа во низа во Евролигата, покажувајќи дека се сериозни кандидати за титулата оваа сезона.

Шејн Ларкин уштееднаш блесна за тимот на Ергин Атаман со 32 поени, 4 асистенции и 3 скока, Тибор Плајс додаде 13 поени, а Ефес стигна до 18-3 скор, со што се убедливи на првото место на табелата.

Од друга страна Реал сега имаат три порази во низа и се на второто место израмнети со Барселона и ЦСКА Москва. Треј Томпкинс имаше 15 поени, Серхио Љуљ заврши со 13 за „кралевите“.

Во другите мечеви, Фенербахче беше стабилен кога беше најпотребно за да го победи Милано со 73:64 и да го подобри скорот на 9-13, додека италијанскиот тим сега е на 10-11 по третиот пораз во низа.

На 60:58 во средината на последната четвртика, Никола Калиниќ, Нандо де Коло и Костас Слукас имаа тројки во одличната 11:4 низа со која Фенер поведе со 9 разлика на 1:14 пред крајот. Џиџи Датоме беше најефикасен со 14 поени и 6 скока, Де Коло заврши со 12, но стана првиот кошаркар со над 3.000 поени во Евролигата, а Слукас имаше 10 поени и 7 асистенции.

Во низа од три победи се и Панатинаикос, откако дома со 100:88 го победија Асвел во меч во кој имаа дури 13 тројки за 13-8 скор. Ник Калатес заврши со 10 поени и 17 асистенции, Џимер Фредет додаде 22 поени, а Јоанис Папапетру имаше 21 со четири тројки.

ЕВРОЛИГА, 21.КОЛО

Фенербахче – Армани Милано 73:64 (24:15, 17:16, 15:16, 17:17)

Жалгирис Каунас – Алба Берлин 104:80 (23:9, 31:18, 30:25, 20:28)

Панатинаикос – Асвел Лион 100:88 (20:18, 32:17, 21:23, 27:30)

Реал Мадрид – Анадолу Ефес 75:80 (20:20, 20:23, 15:16, 20:21)

Анте Ребиќ е на добар пат да стане херој на фановите на Милан во оваа мачна сезона за „росонерите“, откако втор натпревар во низа влегува од клупата и го постигнува победничкиот гол за својот тим.

Откако претходно против Удинезе на „Сан Сиро“ постигна два гола (од кој едниот во последните секунди од мечот) за 3:2 победа, овојпат на ближното гостување во Бреша, Стефано Пиоли го пушти Хрватот на местото на Рафаел Леао во 58. минута, за тој да одговори со победнички гол во 71. минута од мечот.

Ова е трет триумф во низа на Милан, со кој се искачуваат на шестото место на табелата со 31 поен, седум поени од местото кое води во Лигата на шампионите. Бреша се претпоследни со 15 поени, еден повеќе од последнопласираниот тим на Џенова.

Rebic’s goalpic.twitter.com/esl4gGlW2U

— 👍SS (@semo33x) January 24, 2020

Борусија Дортмунд очигледно доби „џек-пот“ со потписот на младиот голгетер Ерлинг Халанд, откако сензационалниот Норвежанец во вториот меч за „милионерите“ во кој добива шанса како замена се запишува во листата на стрелците, и тоа со два гола, при убедливиот 5:1 триумф над Келн во првиот меч од 19. коло на Бундеслигата.

Откако дебито го одбележи со хет-трик за пресврт и 5:3 победа кај Аугзбург, овојпат немаше потреба за херојство, откако Борусија имаше 3:1 предност кога тој влезе во игра во 65. минута со головите на Гереиро, Ројс и Санчо. Меѓутоа, секако, неверојатен е фактот што момчето од 19 години во два официјални меча за „милионерите“ веќе има пет гола!

Со трите поени, БВБ се придвижи на третото место на табелата со 36 поени, колку што има и второпласираниот Баерн Минхен и на четири поени зад лидерот РБ Лајпциг, иако овие два тима имаат натпревар помалку.