Нант ниту во домашниот реванш не успеа да го победи Мотор Запорожје, откако загуби на домашен терен со 23:27 во меч во кој македонскиот капитен даде пет гола. Со овој пораз, Нант си ги влоши шансите за пласман на Фајнал фор и во моментов е на третото место во групата Б со 7 поени, 5 помалку од лидерот Пари Сен-Жермен.

Една недела откако на гости одиграа 30:30 против Мотор, во Нант домашниот тим имаше предност на полувреме (13:12), пред во клучните моменти гостите да направат предност која не ја пропуштија. Никола Клер беше најефикасен за Нант со шест гола, Лазаров имаше пет (од кои два од пенал), додека за гостите Литванецот Аиденас Маласинскас беше во фантастична форма со осум гола.

Слатка одмазда пак имаа во тимот на Целје, откако со 30:21 го „прегазија“ ППД Загреб праќајќи го клубот на Лино Червар на последното место во групата А. Сегед дозволи Скјерн да извлече реми (33:33) во Унгарија, додека Татран Прешов стигна до драматична 29:30 победа на гостувањето во Данска кај Бјеринбро/Силкеборг.

ЛИГА НА ШАМПИОНИ, 7.КОЛО

Бјерингбро/Силкеборг – Татран Прешов 29:30 (17:14)

Целје – ППД Загреб 30:21 (10:9)

Нант – Мотор Запорожје 23:27 (13:12)

Пик Сегед – Скјерн  33:33 (14:15)

Русинот Евгениј Климов е изненадувачки победник на првото индивидуално натпреварување во новата сезона од Светскиот куп во скијачки скокови, откако беше најдобар во двете серии во полска Висла, потврдувајќи дека најдобриот скок од квалификациите не бил случаен.

Ова не само што е негова прва победа од Светскиот куп, туку е и прва победа во скијачки скокови на еден натпреварувач од Русија.

Подиумот покрај Климов го комплетираше Германецот Штефан Лајхе и Германецот Рјоју Кобајаши, додека домашниот фаворит Камил Штох мораше да се задоволи со четвртото место, откако вчера неговата Полска победи во тимското натпреварување.

Климов имаше скокови од 127.5 и 131.5 метри за да собере 263.4 поени, за победа пред Лајхе со 256.7 (124.5 и 130.5 метри) и Кобајаши со 255.6 (137.5 и 123 метри).

24-годишниот Климов дојде во Светскиот куп во ски скокови во 2015 година, откако претходно имаше просечна кариера на натпреварувач во нордиска комбинација (спорт кој ги комбинира скоковите со класични крос-кантри трки).

Во нордиска комбинација тој имаше најдобар пласман на 30. место, а по трансферот во скијачките скокови освои две медали на Универзијадата во Осрбље, Словачка во 2015 година, пред да дебитира во сезоната 2015/16.

Фото: ЕПА

Evgeniy Klimov is Russia’s first Ski Jumping World Cup winner!

He triumphs in Wisla! pic.twitter.com/nKqG5iA6yj

— Eurosport UK (@Eurosport_UK) November 18, 2018

Англија и следната година ќе игра во елитната А лига од Лигата на нации на УЕФА, откако во драматичен меч на Вембли со пресврт стигна до 2:1 победа над Хрватска и ги прати светските вице-шампиони во Лига Б следната сезона.

По првото полувреме, во кое Англичанците доминираа и во поседот на топката и во шансите, но не успеаја да стигнат до гол, Андреј Крамариќ во 57. минута со фантастичен „слалом“ ја зашемети англиската одбрана и го совлада Џордан Пикфорд.

Џеси Лингард во 78. минута по две пропуштени шанси на Хрватите, ја казнува грешката на Тин Једвај, човекот кој донесе победа против Шпанија во претходниот меч, за да израмни на 1:1. Во 85. минута, Једвај повторно промашува цела топка по изведување на аут, а Кејн со одличен потег им носи на „трите лава“ победа и прво место во групата 4, пред Шпанците и Хрватите.

Фото: ЕПА