Партизан стигна до 2:1 победа над Молде во првиот бараж-меч против норвешкиот Молде, триумф со кој може да се надеваат на влез во натпреварите по групи, и победа која е многу важна за неколкуте илјади деца на стадионот.

Партизан има казна од два меча играње зад затворени врати, а според правилата на УЕФА ова значи дека меѓу публиката може да има само деца до 15 години. Гостите поведоа преку Боли во 44. минута, но „црно-белите“ веднаш вратија преку Сума, пред Зоран Тошиќ да обезбеди победа во 84. минута од мечот.

Во можеби најинтересниот дуел, Торино го пречека премиерлигашот Вулверхемптон во меч со пет гола, по кој на крај сепак победија гостите.

Хрватскиот претставник Риека пак, пропушти водство од 1:0 и загуби со 2:1 од Гент на гостувањето во Белгија. Гент беше апсолутен фаворит во овој дуел, но Риека беше таа која прва дојде во водство во 40. минута преку Халиловиќ. Сепак, фаворитите го направија своето – прво во 57. минута израмнија преку Депотр, а потоа во 71. минута истиот фудбалер ги постави конечните 2:1.

Во „балканското“ дерби, бугарскиот шампион Лудогорец одигра само 0:0 со словенечкиот Марибор, Феенорд и ПСВ Ајндховен имаа лесни победи од по 3:0, додека Еспањол со 3:1 ја победи Зорја.

ЛИГА ЕВРОПА, БАРАЖ, 1.НАТПРЕВАР

Астана (Каз) – БАТЕ Борисов (Блр) 3:0

Арарат (Ерм) – Дуделанж (Лук) 2:1

Малме (Шве) – Бнеи Јехуда (Изр) 3:0

Судува (Лит) – Ференцварош (Унг) 0:0

Феенорд (Хол) – Хапоел Бер Шева (Изр) 3:0

Лудогорец (Буг ) – Марибор (Сло) 0:0

Копенхаген (Дан) – Рига (Лет) 3:1

АЕК Атина (Грц) – Трабзонспор (Тур) 1:3

Легија (Пол) – Глазгов Ренџерс (Шко) 0:0

АЗ Алкмар (Хол) – Антверпен (Бел) 1:1

ФЦСБ (Ром) – Гимараеш (Пор) 0:0

Гент (Бел) – Риека (Хрв) 2:1

ПСВ Ајндховен (Хол) – Аполон (Кип) 3:0

Стразбур (Фра) – Ајнтрахт Франкфурт (Гер) 1:0

Брага (Пор) – Спартак Москва (Рус) 1:0

Селтик (Шко) – АИК Стокхолм (Шве) 2:0

Линфилд (СИр) – Карабаг (Азе) 3:2

Еспањол (Шпа) – Зорја (Укр) 3:1

Партизан (Срб) – Молде (Нор) 2:1

Слован Братислава (Свк) – ПАОК (Грц) 1:0

Торино (Ита) – Вулверхемптон (Анг) 2:3

Даниел Субашиќ минатото лето беше на врвот на светот откако неколку пати ја спасуваше хрватската репрезентација на патот до историското финале на СП во Русија, но потоа 2019 не му беше најдобра, барем засега.

Монако имаше катастрофална сезона во која се бореше за опстанок, а сега неговото место во клубот стана неизвесно, откако Леонардо Жардим го донесе Бенжамин Леком како прв голман на тимот. Но, неочекувано, сега шпанска „Марка“ тврди дека Хрватот го очекува спектакуларен трансфер во Реал Мадрид, каде што би бил замена на првиот голман Тибо Куртоа и би го „фатил“ местото  на Кејлор Навас, кој бара нов клуб.

Иако ситуацијата за него е иста – во двата клуба ќе биде резервист, сепак, морате да се сложите дека е подобро да си резерва во Реал, отколку во Монако.

🙌 A new Diego López?@marca reports that @realmadriden will look to sign an experienced goalkeeper as backup to Thibaut Courtois if Keylor Navas leaves.@diarioas suggest possibilities include Pepe Reina, Danijel Subašić, Antonio Mirante & Maarten Stekelenburg.#LLL
🧡🇪🇦⚽️ pic.twitter.com/H4u6aofrFM

— La Liga Lowdown 🧡🇪🇸⚽️ (@LaLigaLowdown) August 22, 2019

Рускиот ракометар, Глеб Калараш на социјалните мрежи се пофали дека се враќа во Скопје, само неколку месеци откако попиша договор со украинскиот клуб Мотор Запорожје.

Калараш, очигледно, не може без Вардар, и го раскина договорот со украинскиот шампион, и веднаш се пофали на Интернет со фотографија со авионските билети со кои пристигнува во Скопје.

Се очекува набргу, РК Вардар да го потврди неговото враќање во тимот со кој лани ја освои Лигата на шампиони.

Балканы. Линейный сборной России Глеб Калараш покидает украинский “Мотор”. Контракт расторгнут. Сегодня он прилетел в Скопье!https://t.co/la60aYLV7w pic.twitter.com/zSz81872mB

— Гандбол. Быстрый центр (@handballfast) August 22, 2019

Фото: РК Вардар