Женската кошаркарска репрезентација на Македонија доживеа уште еден катастрофален пораз во квалификациите за пласман на Европското првенство. Во Скопје Летонија ја декласира Македонија 98:39 (25:4, 21:7, 27:19, 25:9).

Каков тек ќе има натпреварот беше јасно уште по првите десет минути во кои избраничките на селекторот Ѓоровиќ постигнаа само чети поени, а примија 25. На полувреме Летонките водеа со 46:11. Некаквва преодна оценка може да добие третиот период во кој Македонија уфрли 19 поени.

Единствена со двоцифрен број на поени кај македонија беше Селцова со 11 кошеви.

За сениорките следи официјална пауза од една година, до вториот прозорец од евроквалификациите.

фото/kfsm.mk

Луис Хамилтон остана без третото место на трката за Големата награда на Бразил. На патеката Интерлагос победи Макс Ферстапен пред Пјер Гасли.

Светскиот првак доби казна од пет секунди поради инцидентот со Александер Албон во последниот круг. Хамилтон се обиде да го престигне возачот на Ред Бул во борбата за третото место, иницираше контакт, поради што Албон заврши на 14 место.

A first podium was in sight for Alex Albon, until this 😱

Lewis Hamilton received a post-race penalty, dropping him from third to seventh#BrazilGP 🇧🇷 #F1 pic.twitter.com/s3tkcHVL7C

— Formula 1 (@F1) November 17, 2019

Третото место на трката му припадна на Карлос Саинц од Мекларен, а Хамилтон во конечниот пласман го освои седмото место.

Конечен пласман во Бразил: Ферстапен, Гасли, Саинц, Раиконен, Џовинаци, Рикардо, Хамилтон, Норис, Перез и Квјат.

Стефанос Циципас ја свои најголемата титула во досегашната кариера. Грчкиот тенисер триумфираше на Завршниот мастерс во Лондон.

Во финалето Циципас за два часа и 36 минути го победи Доминик Тим со 6/7, 6/2, 7/6. Гркот ја забележа третата победа во седмиот дуел против Тим.

Најмалдиот учесник на годинешниот турнир на најдобрите осум тенисери во сезоната беше подобар играч на теренот, можеше да го реши натпреварот во два сета, меѓутоа лошо го одигра тај-брејкот во првиот сет.

Откако го загуби првиот сет Циципас потоа „протрча“ низ вториот сет, два пати му го одзеде сервисот на Тим и го заклучи сетот со 6/2.

Добрата игра Циципас не успеа да ја материјализира во решавачкиот сет, иако направи брејк, Тим со серија од три гема се врати во мечот.

Тај-брејкот Циципас го одигра на повисоко ниво и на крајот заслужено ја однесе победата.

Годината Циципас ќе ја заврши на шестото, а Тим на четвртото место.