Спорт
Шпански АС: Скандал во Албанија, Европското првенство ја парализираше земјата
Албанија е во групата Б заедно со Хрватска, Италија и Шпанија. Албанците го отвораат Европското првенство во сабота од 21 часот со натпреварот против Италија на Вестфаленштадион во Дортмунд.
Ова ќе биде втор настап на Албанија на континенталните натпреварувања (дебито беше во Франција во 2016 година), а фудбалската еуфорија ја тресе оваа земја. Дури 50.000 Албанци, од кои огромното мнозинство живеат во Германија, се очекува да го следат дуелот со Италија, а репрезентацијата предизвика вистински политички скандал во Албанија, како што пишува шпански АС.
Имено, албанскиот парламент, радикално го промени својот план за работа поради Европското првенство, па повеќето од 140-те претставници на Собранието ќе отпатуваат во Дортмунд. Тамошните медиуми пишуваат дека поради тој натпревар редовната и планирана седница на парламентот нема да се одржи в четврток.
Преместена е за среда, за пратениците кои ќе одат во Германија, да имаат доволно време за патувањето. Проблемот немаше да биде толку голем ако беше само првиот натпревар. Скандалот излезе бидејќи огромното мнозинство на пратеници ќе останат на следните два меча во групата против Хрватска во Хамбург на 19 јуни и против Шпанија во Дизелдорф на 24 јуни. Поради ова, во тој период нема да има редовни пленарни седници на парламентот, што предизвика гнев кај опозицијата.
Лидерот на Демократската партија Газмент Барди побара од мнозинството со кое претседава премиерот Еди Рама да го разјасни ова „прекршување на прописите“.
„Одлучивте Собранието да го третирате како ваш приватен дуќан. Како претседавач ќе треба да им дадете на граѓаните убедлива причина зошто седницата е поместена од четврток за следната среда. Ова е ваша обврска, бидејќи таа одлука сте ја донеле без никаква консултација со опозицијата, ако патувањето на Европското првенство е навистина вистинската причина, тогаш тоа е срамен чин и се оградуваме“, рече Барди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона го прегази Баерн, Лил среде Мадрид го шокира Атлетико
Барселона во дербито на колото го декласира Баерн, а Лил на „Метрополитано“ го шокира Атлетико. Победи вечерва забележаа Манчестер сити, Динамо Загреб, Феенорд, Ливерпул и Интер.
Барселона со камата ги наплати сите порази од Баерн во изминатите неколку сезони. Под водство на екс тренерот на Баварците, Ханси Флик и со хет-трикот на капитенот Рафиња Барселона победи со 4:1.
Каталонците го започнаа натпреварот на најдобар можен начин бидејќи Рафиња ја искористи грешката на дефанзивците на Баерн во првата минута и им донесе предност на домаќините. Баерн одговори во 10.минута кога на Кејн му беше поништен гол поради офсајд. Сепак, Англичанецот повторно ја погоди мрежата во 18. минута.
Тимот на Ханси Флик беше подобар во поголемиот дел од првото полувреме. Роберт Левандовски во 36. минута донесе ново водство за Рафиња уште еднаш да се запише меѓу стрелците пред да замине на пауза. Така Барселона имаше +2 на полувремето.
Второто полувреме започна со поголема иницијатива на тимот на Винсент Компани, но Рафиња повторно ја презеде одговорноста и го комплетира хет трикот во 56. минута. Домашните рутински го приведоа натпреварот кон крајот и ја забележаа втората победа во Лигата на шампионите.
Лил во претходното коло го победи Реал, а во ова на „Метрополитано славвеше над Атлетико со 1:3.
Апсолутен трагичар на мечот е напаѓачот на 2јорганџиите“ Серлот кој во првото полувреме два пати беше сам со голманот Шевалие и не успеа да постигне гол. Фанцускиот голман се истакна и кога успеа од гол линијата да го одбрани ударот на Хименез.
Атлетико поведе во осмата минута преку Хулијан Алварез, кој искористи една грешка на Туре.
Она што го промашија домашните фудбалери во првиот дел на наплата дојде во вториот. Жегрова во 61.минута постигна брилијантен гол, во 74.минута Лил направи пресврт со гол од сомнителен пенал. Точка на мечот стави Дејвид во 89.минута, откако Атлетико преку Лино и Симеоне не исористи уште две големи шанси.
Резултати:
Атлетико . – Лил 1:3 (1:0)
/Алварез 8 – Жегрова 61, Давид 74пен, 89/
Барселона – Баерн 4:1 (3:1)
/Рафиња 1, 45, 56, Левандовски 36 – Кејн 18/
Бенфика – Феенорд 1:2 (0:2)
/Актуркоглу 66 – Уеда 12, Миламбо 33/
Манчестер сити – Спарта Прага 5:0 (1:0)
/Фоден 3, Халанд 58, 68, Стоунс 64, Нунес 88/
Салцбург – Динамо Загреб 0:2 (0:0)
/Куленовиќ 49, Петковиќ 84/
Јанг Бојс – Интер 0:1 (0:0)
/Тирам 90+3/
Лајпциг – Ливерпул 0:1 (0:1)
/Нуњез 27/
Спорт
(Видео) Брест го запре Баер, Селтик освои бод кај Аталанта
Два нечочекувани резултати донесоа првите натпревари од денешната програма, од третото коло во Лигата на шампионите. Фаворизираните Аталанта и Баер Леверкузен не успеаја да ги совладаат Селтик односно Брест.
Во Бергамо, Аталанта и Селтик одиграа без голови, иако во поголемиот дел од натпреварот се играше пред голот на шкотската екипа.
Аталанта не успеа да го пробие ѕидот на Селтик, иако имаше неколку шанси за тоа. Во 18. минута Марио Пашалиќ ја затресе гредата, а подоцна Давиде Запакоста, Матео Ретеги, Мартен де Рон и Шарл де Кетелар не ја искористи добри шанси.
Каспер Шмајхел секој пат излегуваше како победник од тие дуели и на својот тим му донесе потенцијално важен бод.
Во исто време Брест го пречека Баер Леверкузен, натпреварот заврши 1:1.
„Фармацевтиците“ беа фаворити и ја оправдаа таа улога во 24. минута. Голот го постигна Флоријан Вирц.
Тоа беше негов трет гол во третиот натпревар во Лигата на шампионите, а вкупно седми оваа сезона.
Брест не се предаде и не се исплаши во 39. минута Пјер Лес-Мелу постигна гол со прекрасен волеј од околу 18 метри и со тоа го израмни резултатот.
Брест остана непоразен во Лигата на шампионите. Има седум бода од три натпревари, што малкумина го очекуваа. Истиот учинок го има и Баер Леверкузен.
Спорт
Вучевиќ повеќе нема да биде Црногорец?!
Министерството за внатрешни работи на Црна Гора ќе проверува дали кошаркарот, Никола Вучевиќ, се стекнал со американски пасош и со тоа го прекршил тамошниот закон кој не дозволува двојно државјанство.
Доколку овие наводи се покажат точни, Вучевиќ ќе го загуби црногорското државјанство, пишува подгорички „Вијести“.
На официјалниот профил на Службата за државјанство и имиграција на САД на социјалните мрежи неодамна беше објавено дека Вучевиќ станал американски државјанин.
„Радосната церемонија на натурализација стана уште поспецијална кога играчот на Чикаго Булс, Никола Вучевиќ, положи заклетва и стана нов американски државјанин. Добредојде во американското семејство!“, се наведува.
Црна Гора до денес нема потпишано договор за двојно државјанство со ниту една земја.
МУП на Црна Гора во одговорот за „Вијести“ потсети дека земањето друго државјанство значи губење на црногорското.
Триесет и тригодишниот Вучевиќ, кој е роден во Швајцарија, се преселил во Соединетите Американски Држави во 2011 година.
Оттогаш игра за Филаделфија и Орландо Меџик, а од 2021 година игра за Чикаго Булс.
Тој ја претставуваше својата земја Црна Гора за прв пат на Евробаскетот на ФИБА во 2011 година, а неодамна учествуваше на Светското првенство во Манила во 2023 година.