Спорт
Ѓоковиќ откри низ каков пекол минувал: Ова ми се случи само против Надал, преживував

Српскиот тенисер Новак Ѓоковиќ го нокаутира Алехандро Давидович Фокина со 7:6(4)/7:6(5)/6:2 и со тоа се пласираше во осминафиналето на Ролан Гарос.
Во текот на мечот беше јасно дека Србинот физички не се чувствува најдобро, побара медицински тајм-аут, а главно го мачеше колкот, кој му правеше проблеми на почетокот на годината.
„Поголемиот дел од натпреварот навистина се мачев, преживував наместо да уживам и играв. Бев слаб во првиот сет, преживеав некако, успеав да излезам од бездната на првиот сет. Во вториот сет имаше многу осцилации, поради ветерот го изгубив ритамот на сервис, кога ќе ти влезе црв во главата, губиш самодоверба и играч од негов калибар го чувствува тоа. Не се сеќавам кога последен пат одиграв два сета во времетраење од три часа, можеби против Надал. Знаев дека ќе биде борба, но не толку многу. Заслужи да освои еден сет и тоа е тенисот, некако успеав да се пробијам и да го играм најдобриот тенис кога е најважно. Го зголемив квалитетот на мојата игра во третиот сет, генерално задоволен сум и секогаш можам подобро, но приоритет сега е да се опоравам за да бидам што е можно повеќе свеж“, изјави Новак, пренесе „Нова.рс“.
Тој не го избегна ниту прашањето за односот со публиката.
„Односот со публиката некогаш е добар, некогаш не. Знам дека сакаат аутсајдерот да победува, сакаат драма. Имам нешто против кога не ги почитуваат играчите, кога некој ќе почне да ти свирка. Посакувам повеќето луѓе да беа на моја страна, но знам дека тоа не е можно. Кога некој провоцира, познато е дека реагирам на неправдата. Не ја разбирам причината за тоа, тоа е дел од работата, спортот што го играте, тие платиле билет и јас го почитувам тоа, но поединци се истакнуваат со тие реакции и слично“.
Тој откри дека во останатиот дел од турнирот ќе ја има поддршката од семејството.
„Денес доаѓаат моите деца, мислев на нив кога ми беше многу тешко. Бев исцрпен и потоа ми се појавија, сега слетуваат и добив поттик“.
Фокина беше голем предизвик за Новак во оваа фаза од турнирот.
„Задоволни сте кога ќе поминете низ ваков предизвик и тоа може да биде поттик“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Во Реал Мадрид вината за поразот ја гледаат во судиите, Анчелоти вели дека тој е одговорен

По 3:1 поразот во мадридското дерби, од Реал Мадрид се пожалија на три судиски „грешки“ во текот на мечот, иако тренерот Карло Анчелоти изјави дека тој е одговорен.
Преку официјалната телевизија „РМТВ“, клубот ги критикуваше одлуките на судијата Алберола Рохас во дербито, сметајќи дека направил три големи грешки – фаулот на Џуд Белингем пред првиот гол на Атлетико, остриот старт на Хозе Марија Хименез кој не беше казнет со црвен картон и играњето со рака на Марио Ермосо во шестнаесетникот.
„Тоа беше гол кој мораше да биде поништен. ВАР не ги разгледа снимките. Имаше јасен фаул во корист на Реал Мадрид. Засрамувачки е што тоа не беше досудено и без ВАР. Се работеше одлучувачка игра, а ВАР судијата Куадра Фернандез требаше да го прекине мечот. Тој гол го постави риттамот на игра. Судењето на Алберола Рохас беше засрамувачко и го реши мечот. Реал Мадрид требаше да има 2:2 на полувреме, а Атлетико да биде со играч помалку“, се вели во коментарот.
Од друга страна, Анчелоти изјави дека резултатот е негова одговорност.
„Не почнавме најдобро, ниту се браневме најдобро. Кога имаа 2:0, ја имаа играта која ја посакуваа. Атлети беа подобри од нас во оваа контрола. Мислам дека нашиот систем не беше погрешен, туку дека бевме ранливи во одбраната, не бевме компактни и тие го искористија тоа. Кога тимот не го прави тоа што треба да го направи, тоа е одговорност на тренерот. Затоа, тоа е моја вина“, вели Анчелоти.
Спорт
Ко-сопственикот на Челси, Егбали продолжува со посетите во соблекувалната

И покрај критиките на англиската фудбалска јавност, ко-сопственикот на Челси, Бехдад Егбали ја продолжува необичната практика на посета на соблекувалната на играчите по ужасниот старт на сезоната. Ваков притисок вообичаено се поврзува со настаните во балканскиот фудбал, и е нешто сосема невообичаено во Премиерлигата.
Неговиот партнер во бизнисот, Тод Бели беше критикуван поради ваквите посети минатата сезона, а според „Дејли телеграф“, сега посетите ги прави Егбали, како при 1:0 поразот од Астон вила во неделата. Нивните извори велат дека тој не давал мислење за играта и за тактиките, туку само се ракувал со фудбалерите и со тренерите посакувајќи им среќа.
Челси се на 14. место на табелата во Премиерлигата со само една победа оваа сезона, поставувајќи голем притисок на менаџерот Маурисио Почетино. „Сините“ имаат најлош старт на сезоната во последните 45 години.
Спорт
Рафаел Леао: Саудиските пари? Борбата во Лигата на шампиони вреди повеќе!

Ѕвездата на Милан, Рафаел Леао посочува дека сака да „освојува големи работи“ со „росонерите“ на кои е фокусиран во блиската иднина и дека не го привлекуваат високите плати кои ги добиваат фудбалерите во Саудиска Арабија.
24-годишното португалско крило потпиша нов петгодишен договор со клубот во јули и е во добра форма со три гола и две асистенции во првите шест меча во сите натпреварувања, но италијанските медиуми го критикуваа што ги избегнува дефанзивните обврски и го критикуваат тренерот Стефано Пиоли дека цела игра на тимот се врти околу него.
„Верувам дека клубот е на вистински пат, успеавме да стигнеме до полуфиналето на Лигата на шампионите, и сега целта мора да биде да продолжиме да растеме, да носиме засилувања, да бидеме посилни. Сигурен сум дека Милан ќе се врати на титулите од Лигата на шампиони, што е нашата главна цел. За мене, јас сум млад и сакам да освојувам големи работи со Милан. Имам одиграно над 20 меча во Лигата на шампионите, така што имам искуство“, вели Леао во интервју за магазинот „Џи кју“.
Потоа тој зборуваше за својата иднина.
„Никогаш не вели никогаш, но јас сум во клуб кој ме прими многу добро и затоа го обновив договорот, што немаше да го направам ако мислев на заминување. Сакам следните две три години да освојам големи работи со Милан. Не сум подготвен да одам во саудиската лига. Последните денови парите се погласни, но за мене Лигата на шампиони е поважна од плата од 10 милиони евра, на пример“, вели Леао.