Спорт
Алисон руши рекорди, се сели во Ливерпул за 75 милиони евра
Голманот на Рома, Алисон Бекер, наскоро ќе стане член на Ливерпул, откако римскиот клуб ја прифатил рекордната понудата на тимот од „Енфилд“, објави британскиот сервис Би-би-си.
Ливерпул за бразилскиот репрезентативец на Рома и понудил 75 милиони евра,…


Голманот на Рома, Алисон Бекер, наскоро ќе стане член на Ливерпул, откако римскиот клуб ја прифатил рекордната понудата на тимот од „Енфилд“, објави британскиот сервис Би-би-си.
Ливерпул за бразилскиот репрезентативец на Рома и понудил 75 милиони евра, што е рекордна сума кога станува збор за голмански трансфер. Во моментов рекордот го држи Јувентус, уште од 2001 година, кога на Парма и плати 53 милиони евра за Џиџи Буфон.
Ливерпул со трансферот на Алисон планира долгорочно ќе го реши горливото прашање на голманската позиција, бидејќи Симон Мињоле не е постојан во својата форма, а Лорис Кариус беше директен виновник што Ливерпул не успеа да ја освои Лигата на шампионите.
Рома, од друга страна, парите од трансферот на Алисон, според шпекулациите на медиумите ќе ги насочи кон младиот голман на Милан, Донарума.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Скај Спорт: Кевин Де Брујне го напушта Манчестер сити

Кевин Де Бујне (33), еден од најдобрите играчи од средниот ред во светот и легенда на Манчестер сити, на крајот од сезоната ќе го напушти клубот како слободен играч, објави „Скај Спорт“.
Белгиецот кој во Сити пристигна во 2015 година за 76 милиони евра, одби да го продолжи договорот со клубот. Де Брујне одигра 409 натпревари за Сити, постигна 105 голови и забележа 173 асистенции. Со клубот освои шест титули во Премиер лигата, два ФА купа, пет Лига купови и во 2023 толку посакуваната Лига на шампиони.
Иако Де Брујне и понатаму е еден од најдобрите играчи во светот, се чини дека Пеп Гвардиола решил да тргне во насока на подмладување на тимот. Белгиецот во јуни ќе наполни 34 години, а во последно време често го мачат повредите.
Според последните информации тој би можел да ја продолжи кариерата во МЛС. Сан Диего новиот клуб во лигата, наводно е во напредни преговори со белгискиот играч за врска. Американскиот клуб му нуди статус на ѕвезда и улога на клучен играч во првата сезона во МЛС.
Спорт
Лука Карабатиќ ја заврши репрезентативната кариера

Францускиот ракометар Лука Карабатиќ објави дека ставил крај на репрезентативната кариера.
Карабатиќ (36) со француската репрезентација има освоено десет медали на големите натпреварувања, од кои пет златни. Во моментов е член на Пари Сен Жермен.
„По Олимпијадата дојде до смена на генерацијата, а кога се вратив на тренинзите по мојата повреда во ноември 2024 година, сфатив дека многу познати лица повеќе ги нема. Тоа ме натера да се преиспитам. По неуспехот на Олимпијадата, не сакав да ја завршам репрезентативната кариера со чувство на горчина.
Сè уште имав можност да играм на големо натпреварување и да се обидам да ја завршам кариерата на високо ниво“, изјави меѓу другото Карабатиќ на социјалните мрежи.
Карабатиќ годинава со репрезентацијата на Франција го освои бронзениот медал на Светското првенство.
„Уживав на последниот турнир. Не беше лесно, но успеав да уживам. Секако, не ја освоивме титулата, но да ја завршам репрезентативната кариера со медал е посебно чувство“, истакна ракометарот на Пари Сен Жермен.
Спорт
Артета: Не се откажуваме од борбата за титулата

Арсенал не се откажува од борбата за титулата во Премиер лигата.
Така барем вели Микел Артета, иако предноста на Ливерпул е огромна. „Црвените“ имаат 11 бода и меч повеќе од Арсенал на девет кола пред крајот на првенството.
„Нема откажување од борбата за титулата. Само преку мене мртов“, истакна шпанскиот стручњак, а потоа дополнително објасни: „Ако престанам да верувам, ќе си одам дома. Математички се уште е можно“.
Арсенал во среда гостува кај Нотингем Форест во вонредно коло, додека лидерот Ливерпул го пречекува Њукасл.