Германската тенисерка Татјана Марија е сензационална победничка на турнирот во Квинс.

Триесет и седумгодишната Марија дојде во Лондон, односно во Квинс Клуб, со цел да се обиде преку квалификациите да избори на турнирот, а си замина со титулата.

Во квалификациите, таа ги победи Чан и Родионова, кои вкупно ѝ однесоа шест гема.

Во првото коло, ја победи Лејла Фернандез (30. на ВТА листата), во второт славеше над Каролина Мухова (14), а потоа ветеранката славеше и над Елена Рибакина (11) и Медисон Киз (8).

Во неделата, во финалето Марија ја победи Аманда Анисимова (15) со 6:3, 6:4.

Ова е четврта титула за Марија во кариерата, а на речиси 38 години, таа стана најстарата шампионка на ВТА по Серена Вилијамс во 2020 година во Окленд.

„Кралица на Квинс“, напиша Марија пред камера по триумфот, посветувајќи ја титулата на својот сопруг и децата.

Патем, Марија е првата шампионка на Квинс по 52 години, бидејќи оваа година, за прв пат по повеќе од половина век, турнирот се одржа и во женска категорија.

Роберт Кубица, поранешен возач во Формула 1, ја освои трката на издржливост, најпознатата во светот. Ферари трета година по ред победи на култната трка 24 часа Ле Ман.

Овој пат, Роберт Кубица беше првиот што ја помина целта и ја обезбеди шампионската титула за Ферари на најпознатата трка во светот.

Кубица, поранешен возач на рели и возач на Формула 1, го предводеше екипажот со број 83 до победа, при што тимот на Порше беше втор, а Ферари со број 51 трет.

Интересно, но во недела наутро видовме и мини-конфликт во Ферари. Шефот на тимот му рече на Кубица да вози побавно и да биде зад возилото со број 51, но тој одби.

Одлуката што ја донесоа беше правилна бидејќи Ферарито со број 83 беше очигледно побрзо и на крајот победи во Франција.

Ова беше првата победа во Ле Ман за Кубица и Је, кои станаа првите возачи од Полска и Кина, што ја освоија трката. Заедно со нив славеше и Хенсон.

Порше Пенске Мотоспорт со бројот 6, Модел 963, управуван од Лоренс Вантор, Кевин Естре и Мет Кемпбел, заврши втор и покрај тоа што стартуваше последен во класата хиперкар.

Сепак, на крајот Порше ја пропушти можноста да ја освоји историската тројна круна во трките за издржливост: Возачот Вантор, оваа година ги освои трите Дејтона 24 часа и Себринг 12 часа. Ферариот на Кубица бееше побрзо за само 14 секунди.

Двете фабрички Ferrari завршија на третото и четвртото место, бројот 51 (Алесандро Пјер Гуиди, Џејмс Каладо, Антонио Џовинаци) пред автомобилот со број 50 (Антонио Фуоко, Мигел Молина, Никлас Нилсен).

Победата во категоријата LMP2 Pro/Am ја освои „Спајк д LMP2 Dragon“ – автомобил #199 AO од ТФ ОРЕКА, управуван од ПЈ Хајгет, Дејн Камерон и Луис Делетраз. Ова Pro/Am трио заврши трето меѓу сите LMP2 тимови.

Manthey Racing ја освои класата LMGT3 по втор пат по ред благодарение на доминантното возење од #92 Manthey 1st Phorm Porsche 911 LMGT3 R, управувано од дебитантите Рајан Хардвик и Рикардо Пера – и Ричард Лиц, кој ја освои својата шеста победа во главната класа во Ле Ман и втора по ред.

Мемфис Гризлис и Орландо Меџик, го шокираа светот на кошарката, откако договорија размена каква што никој не можеше да очекува.

Мемфис Гризлис го испратија Дезмонд Бејн во Орландо Меџик, во спротивна насока заминаа, Кол Ентони и Кентавиус Колдвел-Поуп, како и четири избори од првата рунда.

Зошто Мемфис Гризлис го направија ова?

Тимот што неодамна изгради јадро од млади играчи се согласи да се откаже од својот водечки стрелец Дезмонд Бејн и успеа да добие солиден пакет за него.

Кол Ентони, синот на Грег Ентони, може донекаде да го замени Бејн, а како дополнување, пристигнува КЦП, играш со шампионски титули со Денвер Нагетс и Лос Анџелес Лејкерс.

Изборите од првата рунда сигурно ќе играат голема улога бидејќи потенцијално би можеле да добијат нова ѕвезда.

Орландо, од друга страна, дополнително го засили својот состав, кој веќе се стреми кон највисоките цели со Франц Вагнер и Паоло Банкеро.