Спорт
Арина Сабаленко не му верува на соколовото око
Вимблдон
Од специјалниот известувач
Уште една вимблдонска традиција потклекна пред налетот на новото време. Доколку за онаа од 2021. година, кога организаторот на турнирот дозволи постојано да се игра тенис и во „средишната недела“, а за што причина беше природата или таканаречените климатски промени, поради кои секоја година во првата седмица рапоредот на мечевите беше целосно пореметен од „неочекуваниот“ дожд, за оваа, втора промена, виновен е технолошкиот прогрес. Од овој Вимблдон, прв пат во неговата 138 годишна традиција, нема повеќе да има линиски судии. Наместо нив, соколовото око или хокај системот ќе ја превземе улогата на единствен правичен делител на правда – дали топката е внатре или надвор од теренот.
Оваа промена беше причина и Арина Сабаленка од Вимблдон да ги прокоментира новите околности, односно дали ќе ѝ недостасуваат линиските судии и дали целосно му верува на хокај системот.
„Имам незгодно искуство и со двете ситуации. Некогаш не бев сигурна дали хокај системот е исправен, а некогаш судијата ја немаше донесено најдобрата одлука.“
За неа најголемиот проблем со хокај системот е притисокот кој го има во глава дали да го предизвика, а потоа да не може да се расправа со него.
„Што год да покаже, мораш да се согласиш дека е во право“.
Оттука и прашањето, дали веќе не постои сомнеж во нејзината глава околу точноста на електронскиот систем.
„Постои“, со смеење одговара белоруската тенисерка. „Додуша, понекогаш, но не многу често. Најмногу би сакала да се потпирам на главниот судија тој тоа да го види, бидејќи хокај системот очигледно прави грешки. Судијата да има право да ја промени одлуката – можеби тоа би било подобро.“ – ја заклучува расправата Арина.
Дали е оправдана недовербата на Арина во соколовото око одговор може да даде оној кој и најдобро го познава овој електронски ситем. А, тоа е нашиот Блаже Трифуновски, Македонец кој од самото воведување на хохај системот работи за Меѓународната тениска федерација како официјален контролор на хокај системот (official review). За полесно да се разбере неговата улога, тој е одговорното лице на кое судијата од терен по телефон му се јавува и го замолува да го прегледа спорниот поен.
Во интервјуто за Макфакс дадено во 2022. година, еве што ни одговори Блаже на прашањето „дали може да згреши безгрешниот хокај систем“:
„Како и секоја друга технологија и хокајот може да направи грешка и тоа зависи од многу фактори. Направен како технологија за следење на топче кое се движи со голема брзина, има многу елементи кои можат да афектираат во одредени случаји. На пример, кога има сенки во теренот, или пола терен е на сонце, а пола во осојница, тоа може да предизвика конфузија за камерите, бидејќи тие третираат топче кое има една боја и светлост и одеднаш доаѓа до промена кога топчето ќе дојде во сенка. Значи, може во некои случаји да има грешка, но тоа се толку ретки случаји, на пример на 10 илјади поени, еден да биде погрешно следен“.
Ако не може да погреши, дали хокајот може да биде наместен, односно техничарот да манипулира и лажно да го прикаже движењето на топчето на анимацијата која се прикажува на семафорот на тенискиот терен и на телевизиите.
„Не, системот е автоматски, а техничарот само го стартува и стопира кога да почне да го следи топчето и кога да престане“ – појаснува Трифуновски.
Со ова, една дилема е разрешена, но друга е пред нас: што е следното од традицијата што ќе попушти и отиде во заборав пред налетот на модерното време и технолошкиот напредок? Дали, можеби, следни за „отсрел“ ќе бидат собирачите на топчиња, и на нивно место ќе гледаме хуманоиди во улога на балбој и балгирл?! Ионака и овие од крв и месо се „испрограмирани“ како да се роботи.
Ненад Живановски-Столиќ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фјури ја потврди новата борба со Усик
Британскиот боксер Тајсон Фјури (34-2-1) официјално објави дека на 18 април 2026 година ќе се бори по трет пат против Олександр Усик (23-0).
На овој начин „Кралот на Циганите“ го потврди своето враќање од пензија и најави една од најочекуваните трилогии во историјата во тешка категорија.
Веста ја објави самиот Фјури на Инстаграм, наведувајќи дека борбата ќе се одржи на стадионот „Вембли“ во Лондон. Информацијата набрзо ја потврдија и водечките боксерски медиуми.
Ова соопштение доаѓа само неколку месеци откако Фјури го објави своето пензионирање од професионалниот бокс по втор пат.
Причината за пензионирањето беа два последователни порази против Украинецот, единствените во кариерата на Фјури.
Фјури и Усик прв пат се соочија на 18 мај 2024 година во Ријад, кога Украинецот стана апсолутен шампион во тешка категорија. Претходно тоа му спеа на Ленокс Луис.
Реваншот се случи на 22 декември минатата година, исто така во главниот град на Саудиска Арабија, каде што Усик го бранеше тронот.
Украинецот победи уште поубедливо со едногласна одлука на судиите, потврдувајќи ја својата доминација во тешката категорија.
Во неделите пред потврдата на трилогијата, Фјури во неколку наврати наговестуваше дека е заинтересиран само за борба против Усик, нагласувајќи ја својата желба за фер реванш во Англија.
Foto/ EPA-EFE/ALI HAIDER
Спорт
„Бројот 20 засекогаш ќе биде твој“
Навивачите, клубовите, фудбалските организации се збогуваат со Диого Жота овој четврток… Шпанската цивилна гарда ја потврди смртта на фудбалерот на Ливерпул и неговиот две години помлад брат, Андре Силва, кој бил во автомобилот со него.
Двајцата се возеле во автомобил „Ламборџини“ кога им пукнала гумата, во момент кога престигнувале друг автомобил.
Возилото излетало од патот, по што завршило во пламен. Несреќата се случила во раните утрински часови, околу половина час по полноќ.
„Тој дојде во Ливерпул во 2020 година. Носеше број 20. Ја освои својата 20-та титула. Бројот 20 засекогаш ќе биде твој“, е пораката што најчесто ја споделуваат навивачите на Ливерпул на социјалните мрежи.
Сите тие нè потсетуваат на фактот дека само пред десет дена се ожени со Рут, со која има три деца, но и на фактот дека ги одбележа последните денови од својот живот со два големи успеси – освојување на Премиер лигата и Лигата на нации со португалската репрезентација.
Крстијано Роналдо
„Ова нема смисла.
Тукушто бевме заедно во националниот тим. Тукушто се венчаше. Им упатувам најискрено сочувство на семејството, сопругата, на твоите деца, им ја посакувам сета сила на светот.
Знам дека ќе бидете со нив засекогаш.
Почивајте во мир Диого и Андре.
На сите ќе ни недостигате.“
УЕФА
„Во име на целата европска фудбалска заедница, длабоко сме ожалостени од трагичната смрт на Диого Жота, португалскиот репрезентативец и играч на Ливерпул, и неговиот брат Андре.“
Нашите мисли се со нивното семејство, пријатели, соиграчи и сите оние кои се погодени од оваа тажна вест.“
Џејми Карагер
„Скршен сум од веста за Диого Жота и неговиот брат утрово. Моите мисли се со нивното семејство и пријатели, особено со неговата сопруга Рут и нивните три деца.“
ФИФ про
„Длабоко сме погодени од веста за смртта на Диого Жота и неговиот брат Андре Силва.
Нашите мисли се со нивното семејство и најблиските. Почивајте во мир“.
Порто
„Фудбалскиот клуб Порто е во жалост. Со голем шок и тага им испраќаме најискрено сочувство на семејството на Диого Жота и неговиот брат Андре, кој исто така беше член на нашиот клуб во неговите помлади денови. Почивајте во мир“.
Манчестер Сити
„Сите во Манчестер Сити се шокирани и изненадени од тажната вест за смртта на Диого Жота. Нашето најдлабоко сочувство до неговото семејство и пријателите и до сите во Фудбалскиот клуб Ливерпул во ова тешко време“.
Почивај во мир Диого“.
Атлетико Мадрид
„Сите ние во Атлетико сме шокирани од смртта на нашиот поранешен играч Диого Жота и неговиот брат. Нашето најдлабоко сочувство до семејството и пријателите. Нека почиваат во мир“.
Сите европски клубови на овој ден се рекламираат со истата порака… Банфика, Свонси, Евертон, Галатасарај, Бешикташ, Милан, Тотенхем…
Foto/ EPA-EFE/JOSE SENA GOULAO
Спорт
Позната е причината за несреќата во која загина Жота
Португалскиот фудбалер Диого Жота (28) загина во сообраќајна несреќа во шпанскиот регион Замора, откако пукнала гумата на неговиот автомобил, поради што излетал од автопатот.
Шпанската цивилна гарда ја потврди смртта на фудбалерот на Ливерпул и неговиот две години помлад брат, Андре Силва, кој бил во автомобилот со него.
Двајцата се возеле во автомобил „Ламборџини“ кога им пукнала гумата, во момент кога престигнувале друг автомобил.
Возилото излетало од патот, по што завршило во пламен. Несреќата се случила во раните утрински часови, околу половина час по полноќ.
Единицата за итна медицинска помош (УМЕ) и медицинскиот персонал за примарна здравствена заштита (МАП) од здравствениот центар Момбуј можеле да ја потврдат само смртта на две млади лица на лице место, чиј идентитет го потврдил претставник на цивилната гарда.
Жота беше член на Ливерпул, каде што пристигна во 2020 година и оттогаш постигна 65 гола на 182 натпревари. Ја освои Премиер лигата два пати, ФА Купот и два Лига купа.
Во текот на својата кариера играше и за Пакош Фереира, Атлетико Мадрид, Порто и Вулверхемптон.
Тој одигра 49 пати за Португалија и постигна 14 гола, двапати ја освои Лигата на нации.
Foto/ EPA-EFE/ADAM VAUGHAN
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
(Видео) Тренчевска: Срамно, со ребалансот власта крати 30 милиони евра од социјални трансфери за да се луксузира
Додека граѓаните се соочуваат со поскапувања, зголемена сиромаштија и се полош животен стандард, владата одлучува во најголемиот буџет во историјата...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Посакувам среќа да се победи во барем една општина: Костадинов до СДСМ по најавата за ново дејствување
Aктуелниот градоначалник на Струмица, Костадин Костадинов, објави на социјалните мрежи дека поради тешката состојба на неговата партија ќе започне со...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
Украински функционер: Европа прави сè што може, но ќе биде тешко без американско оружје
Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев...
(Видео) Украинците уништија руско складиште за муниција, се шири снимка од огромна експлозија
Украина очигледно извршила напад врз руско складиште за муниција во градот Карцизк во окупираниот дел од Донецката област на 2...
(Видео) Траект потона во близина на Бали: четворица мртви, десетици исчезнати
Четири лица загинаа, 38 се водат како исчезнати, а 23 се спасени откако ферибот со 65 лица потона во близина...
Пентагон: Нуклеарната програма на Иран е забавена за две години
Пентагон објави дека американските напади ја уназадија нуклеарната програма на Иран за до две години, откако уништија три целни локации....
Во Лос Анџелес луѓето мора да живеат во токсични куќи по пожарот: „Осигурителните компании нè измамија“
Луис Казарес беше меѓу ретките чиј дом остана недопрен по разорните пожари што ја опустошија населбата Алтадена, североисточно од центарот...
ЦИА не оспорува дека Путин се обидел да му помогне на Трамп на изборите во 2016 година
Ревизијата на ЦИА откри недостатоци во подготовката на проценката на американското разузнавање дека рускиот претседател Владимир Путин се обидел да...
Костадинов го замрзнува членството во СДСМ, најави ново политичко делување
Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...
СДСМ објави 11 нови кандидати за градоначалници
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
„Пулс“ ќе се суди во Основниот кривичен суд Скопје, предметот е доставен
Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...
Арсовска до Тошковски: До сега полицијата не постапуваше по заканите, сега се заканува, што е следно
Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...
„Вреди“ бара истрага за намерна манипулација со бројот на Aлбанците на пописот
Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...
Мотоцилистот удрил во пешакот и избегал, МВР со детали за трагичната несреќа на кејот
Мотоцикл „кавасаки“ го прегазил пешакот кој загина вчера на кејот на Вардар, во близина на Паркот на франкофонијата. Според информациите...
50-60 магационирани БТР, „хермелини“ и „пинцгауери“ ќе гаснат пожари летово, им се вградуваат резервоари за вода, рече Мицкоски
Застарените и магационирани возила на министерствата за внатрешни работи и за одбрана се приспособуваат за гаснење пожари на непристапен терен....
