Спорт
Армани Милано со тројка во последната секунда до победа над Ефес! (видео)
Во Милано се одигра најинтересниот и најдраматичниот меч од петтото коло во Евролигата, откако Армани Милано дозволија да се „стопи“ предноста од 14 поени, за во последната секунда да стигнат до 81:80 победа над Анадолу Ефес.
Домаќините доминираа во пр…


Во Милано се одигра најинтересниот и најдраматичниот меч од петтото коло во Евролигата, откако Армани Милано дозволија да се „стопи“ предноста од 14 поени, за во последната секунда да стигнат до 81:80 победа над Анадолу Ефес.
Домаќините доминираа во првите три четвртини од играта, пред турскиот клуб да се врати и да дојде до водство во последните минути во играта. Мајк Џејмс со неверојатна тројка во последната секунда од мечот успеа да извлече победа за италијанскиот клуб. Џејмс беше најефикасен за домаќините со 15 поени, Мицов додаде 14, додека за Ефес, Адријен Мерман имаше 23 поени.
Во Подгорица пак, Будуќност имаше шанси да ја запише првата победа во настапите од Евролигата, но на крајот немаше сили за подвиг против Панатинаикос, кој славеше со 72:67. Дешон Томас имаше 14 поени, а Јоанис Папапетру 13 за гостите, додека за Будуќност најдобар беше Ален Омиќ со 16 поени и 10 скока.
Првата победа во натпреварувањето ја обезбеди руски Химки, со 87:72 над Гран Канарија, откако Алексеј Швед повторно имаше топ-партија со 24 поени и 7 асистенции.
Шампионот Реал Мадрид остана „совршен“, откако во Каунас со 90:79 го победи Жалгирис, иако домашниот клуб имаше предност и од +11 во втората четвртина од натпреварот. Ентони Рендолф имаше 16 поени, а Руди Фернандез 15.
ЕВРОЛИГА, 5.КОЛО
Химки – Гран Канарија 87:72 (25:21, 24:12, 28:20, 10:19)
Будуќност – Панатинаикос 67:72 (15:18, 16:13, 16:19, 20:22)
Жалгирис Каунас – Реал Мадрид 79:90 (32:18, 12:25, 24:19, 11:28)
Милано – Анадолу Ефес 81:80 (24:17, 19:18, 25:19, 13:26)
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нејмар повторно е повреден

Нејмар повторно ќе мора да паузира. Искусниот и прославен бразилски напаѓач на претходниот меч не беше во составот на Сантос, поради нова повреда. Нејмар не се чувствувал подготвен и не се најде ниту на клупата за резерви.
Бразилецот се пожали на болки кои ги чувствува веќе неколку недели, но овојпат тоа го спречи претходната вечер да настапи за Сантос.
„За жал, чувствував болка во последните неколку недели… Навистина сакав да му помогнам на тимот, направивме тестови ова утро, но повторно почувствував болка“, рече Нејмар.
Нејмар беше во подем и во добра форма. Тој дури повторно беше повикан во репрезентацијата на Бразил, но сето тоа сега е под знак прашалник бидејќи не се знае колку време ќе отсуствува од терените.
Спорт
Тајсон се плашел само од еден боксер

Мајк Тајсон беше познат во текот на неговата кариера по својата бестрашност и бескомпромисна борба. Но, тој имаше и боксер од кој се плашеше и со кој не сакаше да влезе во рингот.
Тајсон се плашел од Џорџ Форман. Нивните менаџери преговарале за борба во 1990 година, но не успеале да се договорат. После тоа, Тајсон беше осуден за силување и мораше да оди во затвор, додека Форман го осови светскиот шампионски појас во 1994 година.
Боби Гудман, асистентот на најпознатиот боксерски менаџер Дон Кинг во тоа време, ги раскажа настаните околу потенцијалниот меч Тајсон-Формен во интервју за Boxing Scene.
„Дон и јас се обидовме да ја договориме борбата. Тој го убеди Тајсон дека Форман е стар и бавен и дека ќе заработи многу пари борејќи се со него. Тајсон стана и почна да вика: “Нема да се борам со тоа е..но животното. Ако сакаш влези ти и бори се”.
Од друга страна, ниту Форман не инсистирал премногу на борбата со многу помладиот и поексплозивен Тајсон.
„Тој беше кошмар во рингот. Не сакав да имам ништо со него. Тој беше чудовиште. Ако не те удри со лева или десна рака, ќе те гризеше. Не сакав да се борам со него“, изјави Форман за ESPN.
Спорт
(Видео) Аталанта среде Торино му одржа час по фудбал на Јувентус

Фудбалерите на Аталанта на Јувентус му одржаа фудбалска лекција во Торино, кој изгледаше како тим кој се бори за опстанок, а не како да се наоѓа на четвртото место на табелата. Конечниот резултат беше 4:0 за Ла Деа.
По 28. рунди во Серија, Аталанта е трета на табелата со два бода помалку од Наполи и три од лидерот Интер. Многу работи ќе бидат појасни во борбата за титулата веќе во следното коло кога Аталанта ќе го пречека Интер.
По првиот дел Јуве губеше само со 0:1. Ретеги погоди од пенал и го постигна 22. гол сезонава.
Дебаклот на Јувентус дојде во вториот дел. По само 40 секунди игра Де Рон ја зголеми предноста, а потоа погодија и Запакоста во 66. и Лукман во 77.минута.