Спорт
Аталанта ги одби 50.000.000 евра на Јунајтед

Аталанта ја одби понудата на Манчестер Јунајтед од 50.000.000 евра за бразилскиот фудбалер Едерсон.
Италијанските медиуми пренесуваат дека челниците на Аталанта му порачале на раководството на англискиот клуб дека не сакаат да го продадат Едерсон, бидејќи сезоната во Серија А веќе започна.
Едерсон (25) пред две години пристигна во Аталанта од Салернитана за 23 милиони евра, а со тимот од Бергамо има договор до 30 јуни 2027 година.
Минатата сезона одигра 53 натпревари за Аталанта и постигна седум гола, а со клубот ја освои и Лигата на Европа и беше многу важен дел во тој поход.
Едерсон за репрезентацијата на Бразил настапи на два натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алкараз го освои турнирот во Токио

Првиот светски рекет, Карлос Алкараз, го победи петтиот играч во светот, Американецот Тејлор Фриц, со 6:4, 6:4 во финалето на АТП 500 турнирот во Токио и со тоа ја освои својата осма титула оваа година, а вкупно 24-та во кариерата. Ова беше нивниот петти дуел и четврта победа за Шпанецот.
За време на паузата помеѓу првиот и вториот сет, Фриц побара помош од физиотерапевт поради болка во бутниот мускул и се чинеше дека ќе претрпи поубедлив пораз кога Алкараз водеше со 5:1. Американецот се закани со пресврт со серија од три гема. Сепак, Алкараз ја искористи втората можност да го заврши мечот на својот почетен удар.
Алкараз е неоспорен лидер на листата на освојувачи на трофеи на АТП турнејата оваа година со осум титули, како и по бројот на индивидуални победи (66:6). Оваа година, 22-годишниот Шпанец загуби само две од десет финалиња, против Холгер Руне во Барселона и Јаник Синер во Вимблдон.
Покрај 500 поени за титулата во Токио, Карлос Алкараз освои и награден фонд од 416.365 американски долари (354 илјади евра). Тејлор Фриц, кој го претрпе својот прв пораз во третото финале годинава, доби 330 поени и награда од 224.035 долари (190.000 евра).
Спорт
ПСЖ без четворица стартери против Барселона

Фудбалерите на Пари Сен Жермен денес пристигнуваат во Каталонија, каде што во среда ќе и гостуваат на Барселона во дербито од второто коло од Лигата на шампионите.
Луис Енрике денес доби лоши вести, бидејќи нема да може да смета на напаѓачката тројка, како и на капитенот Маркињос. Покрај Бразилецот, а во Париз останаа и Усман Дембеле, Дезире Дуе и Хвича Куарачели.
Ова е секако голем удар за Енрике, кој ќе мора да импровизира, особено во нападот, каде што од стандардните е достапен само Бредли Баркола, додека Маркињос ќе биде заменет од новодојдениот Илија Забарни.
Натпреварот Барселона – ПСЖ е закажан за среда во 21:00 часот.
🔴🔵 PSG's squad list to face Barça: Vitinha, Joao Neves and Fabián travel. Marquinhos, Doué, Kvaratskhelia and Dembélé miss out. pic.twitter.com/MAEXQptPvx
— BarçaTimes (@BarcaTimes) September 30, 2025
Спорт
Салиба го продолжи договорот со Арсенал

Фудбалерот на Арсенал, Вилијам Салиба, потпиша нов повеќегодишен договор, објави лондонскиот клуб.
Арсенал не ги прецизираше деталите од договорот, а британските медиуми објавија дека станува збор за петгодишен договор и дека 24-годишниот француски фудбалер ќе остане во клубот до летото 2030 година.
„Се чувствувам како дома. Имаме добар тим, имаме добар тим, имаме добар тренерски персонал. Тренерот е совршен за мене, па затоа ова е најдоброто место за мене. Уживам во секој ден кога имам можност да го носам овој дрес. Се обидувам да дадам сè, а сега ќе дадам уште повеќе за овој клуб и за навивачите“, рече Салиба за веб-страницата на клубот.
Тој влезе во последните две години од договорот, но сега ќе остане на „Емирати“ долгорочно.
Салиба се приклучи на Арсенал во 2019 година од Сент Етјен и одигра 140 натпревари за англискиот клуб, постигнувајќи седум гола и освојувајќи два трофеи од Комјунити Шилд.
Тој се етаблираше како еден од најдобрите централни бекови во Премиер лигата, ги одигра сите 38 натпревари во сезоната 2023/2024, а пропушти само три минатата сезона.
Foto/ EPA