Спорт
Аталанта ги одби 50.000.000 евра на Јунајтед

Аталанта ја одби понудата на Манчестер Јунајтед од 50.000.000 евра за бразилскиот фудбалер Едерсон.
Италијанските медиуми пренесуваат дека челниците на Аталанта му порачале на раководството на англискиот клуб дека не сакаат да го продадат Едерсон, бидејќи сезоната во Серија А веќе започна.
Едерсон (25) пред две години пристигна во Аталанта од Салернитана за 23 милиони евра, а со тимот од Бергамо има договор до 30 јуни 2027 година.
Минатата сезона одигра 53 натпревари за Аталанта и постигна седум гола, а со клубот ја освои и Лигата на Европа и беше многу важен дел во тој поход.
Едерсон за репрезентацијата на Бразил настапи на два натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Најава за спектакл во Лондон, Арсенал против ПСЖ

Фудбалерите на Арсенал и ПСЖ, вечерва ќе ја отворат полуфиналната фаза во Лигата на шампионите.
Два тима, иста цел, конечно да го освојат трофејот во Лигата на шампионите. Арсенал и ПСЖ никогаш не го освоиле најпрестижниот трофеј во клупскиот фудбал. Победникот во финалето, во Минхен, ќе игра против Интер или Барселона.
Арсенал и ПСЖ се сретнале пет пати во последните 20 години – три победи извојува тимот од Лондон, а двапати било нерешени резултати.
Последниот пат, овие два тима играа оваа сезона во лигашкиот дел од натпреварувањето, а Арсенал успеа да ги победи Парижаните на својот стадион со 2:0, со головите на Каи Хаверц и Букајо Сака.
„Топџиите“ стигнаа до полуфиналето со убедлива победа над Реал Мадрид во четвртфиналето (вкупно 5:1). Од друга страна, Пари Сен Жермен се мачеше со Астон Вила (вкупно 5:4).
Арсенал доминираше во Лигата на шампионите во текот на целата сезона, што се докажува со фактот дека примија само три гола во лигашкиот дел од натпреварувањето и го зазедоа високото трето место на табелата.
Кога е во прашање Пари Сен Жермен, тие влегоа во натпреварувањето нешто полошо, но ја во вистинско време ја „фатија“ формата.
Тимот од Лондон се смета за благ фаворит во првиот натпревар. За време на викендот, Арсенал ги загуби сите надежи за освојување на титулата во Премиер лигата, па сега можат да се фокусираат што е можно повеќе на Лигата на шампионите, која никогаш не ја освоиле.
Трофејот е во фокусот и на ПСЖ, разликата е само што тие на шест кола пред крајот на сезоната во Лига 1 ја одбранија титулата.
Тренерот на ПСЖ, Луис Енрике, може да смета на сите играчи за претстојниот натпревар. Неговиот тим нема проблеми со повреди или суспензии.
Од друга страна, Микел Артета има проблеми. Тој нема да може да смета на суспендираниот Томас Парти (жолти картони), односно на Жоржињо, Каи Хаверц, Гарбиел Жесус, Такехиро Томијасу.
Микел Мерино, како и стоперот Бен Вајт, се под знак прашалник за натпреварот.
Првиот полуфинален натпревар Арсенал-ПСЖ на „Емирејтс“ стадионот во Лондон ќе започне во 21 часот, реваншот е на 7.мај во Париз.
Спорт
Рашфорд нема да игра до крајот на сезоната

Напаѓачот на Астон Вила, Маркус Рашфорд, би можел да го пропушти остатокот од сезоната поради повреда на тетивата.
Степенот на повредата сè уште се утврдува, па затоа не е исклучено Рашфорд, кој игра за Астон Вила како позајмен од Манчестер Јунајтед, да се врати во тимот пред крајот на Премиер лигата, објави денес Би-Би-Си.
Сепак, поверојатно е Рашфорд да се фокусира на закрепнување за да биде подготвен за натпреварите на Англија во јуни, односно за квалификацискиот натпревар за Светското првенство против Андора и пријателскиот натпревар против Сенегал.
Рашфорд не играше во поразот од Кристал Палас во полуфиналето на ФА Купот во саботата.
Тој одлучи да не разговара со ниту еден клуб за својата иднина до крајот на летото.
„Договорот на Рашфорд со Манчестер Јунајтед истекува во 2028 година, но тој не очекува повторно да игра за клубот сè додека Рубен Аморим е менаџер“, објави Би-Би-Си.
Новиот селектор на Англија, Томас Тухел, го повика во националниот тим во март откако 27-годишникот го пропушти Европското првенство во Германија минатото лето.
Спорт
Модриќ и Ридигер се степале во соблекувалната

Реал Мадрид го загуби трофејот во Купот, откако во драматичен натпревар, пол со тензии, загуби од Барселона со 2:3. Два дена по натпреварот „Дон Балон“, објави дека имало жестока конфронтација во соблекувалната на Реал по натпреварот во Севилја.
По втор пат во рок од неколку месеци, Реал доживеа пораз од Барселона во натпревар за трофеј. Финишот на мечот го обележа скандалозното однесување на Антонио Ридигер.
Германецот во „момент на лудило“, фрли пластично шише кон главниот судија, а потоа тргна и физички да се пресмета со него.
„Дон Балон“ објави дека во соблекувалната во кличн влегле Ридигер и капитенот на тимот Лука Модриќ.
„По натпреварот, двајцата играчи се судрија во соблекувалната, што резултираше со тепачка што мораа да ја прекинат другите играчи и членовите на тренерскиот штаб на Карло Анчелоти, кои зачудено гледаа што се случува“.
Хрватот го критикувал Рудигер за неговото однесување и му рекол дека е скандалозно тоа што направил, дека со неговото однесување го оцрнил грбот на Реал и дека тимот не загубил само поради судијата.
Иако Рудигер на почетокот бил бесен и го критикувал Модриќ за неколку работи, на крајот се освести и им се извинил на сите свои соиграчи и на тренерскиот штаб на клубот, а ден подоцна за однесувањето му се извинил и на судијата Де Бургос..
Германскиот дефанзивец се соочува со суспензија од четири до 12 натпревари.