Спорт
Бендтнер почна со отслужувањето на 50-дневната затворска казна
„Легендарниот“ дански фудбалер Никлас Бендтнер почна да ја отслужува својата 50-дневна затворска казна за напад на таксист, откако на Инстаграм се пофали со уредот за следење на неговиот скочен зглоб.
30-годишниот поранешен фудбалер на Арсенал кој стан…


„Легендарниот“ дански фудбалер Никлас Бендтнер почна да ја отслужува својата 50-дневна затворска казна за напад на таксист, откако на „Инстаграм“ се пофали со уредот за следење на неговиот скочен зглоб.
30-годишниот поранешен фудбалер на Арсенал кој стана миленик на публиката и дури доби прекар Лорд Бендтнер, сега игра за норвешкиот Розенборг и затворската казна ја отслужува во својот дом.
Инцидентот со таксистот се случи во септември кога по возењето со такси со неговата девојка одби да плати за возењето и го нападна таксистот велејќи дека тој фрлил шише или лименка кон него. Бендтнер во ноември се откажа од жалбата за да се фокусира „на клубот и семејството“, бидејќи норвешката сезона почнува во март.
Поранешниот фудбалер на Јуве и Арсенал вели дека почнал да пишува книга (која сигурно ќе биде интересна за читање).
„Никогаш не е доцна на учиш и да се подготвуваш за иднината и затоа решив да ги соберам добрите и лошите приказни во моите речиси 31 години. Не приказна за шпекулациите и сензациите, туку за моите сеќавања“, изјави Бендтнер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ФА откри што му кажал Слот на судијата Оливер

Англиската фудбалска асоцијација (ФА) објави извештај за истрага во која се вклучени тренерот на Ливерпул Арне Слот и судијата Мајкл Оливер.
Оливер судеше на натпреварот Евертон-Ливерпул (2:2) на „Гудисон Парк“ на 12. февруари кога му покажа црвен картон на Арне Слот по натпреварот поради протест.
Слот беше суспендиран на два натпревари и казнет со 70.000 фунти. Истата казна ја заработи и неговиот прв помошник, кој доби парична казна од 7.000 фунти.
ФА, денеска објави што му рекол Слот на судијата Оливер по дуелот кој заврши 2:2, благодарение на голот на Џејмс Тарковски во осмата минута од судиското надополнување, иако натпреварот беше продолжен за пет минути.
„Се што судеше, судеше за нив. Се надевам дека си горд на својата работа. Ако не ја освоиме Премиер лигата, ти ќе бидеш е..но крив“, рекол тренерот на Ливерпул, според извештајот на ФА.
Слот одби да признае дека го кажал сето тоа и истакна дека е точно дека претерал со зборовите поради фрустрација, но не и дека ги употребил тие фрази.
Спорт
Ливерпул има замена за ТАА, му нудат осум пати поголема плата

Челниците на Ливерпул не се премногу загрижени од можното заминување на Трент Александер-Арнолд (ТАА). Десниот бек изминатите месеци се поврзува со Реал Мадрид, каде би се прселил како слободен играч.
Ливерпул има вистинска замена за ТАА, во 21-годишниот репрезентативец на Северна Ирска, Конор Бредли. Клубот веќе му понудил нов, финансики подобра договор.
Минатата сезона кај Јирген Клоп, Бредли одигра 23 натпревари, а оваа кај Арне Слот настапи на 22 натпревари. Особено се истакна против Реал Мадрид кога во целост го запре Килијан Мбапе, а Ливерпул победи со 2:0.
Бредли ја мина младинската школа на Ливерпул, а сезоната 2022/23 беше на позајмица во Болтон. Пред 15 месеци потпиша договор со важност до јуни 2027 година. Со тој договор тој заработува скромни 630.000 евра годишно.
Сега Ливерпул му нуди продолжување на договорот до јуни 2030 година и многу поголема плата, поточно 4.700.000 евра по сезона, пренесуваат британските медиуми.
Покрај Александер-Арнолд, во јуни оваа година истекуваат и договорите на напаѓачот Мохамед Салах и дефанзивецот Вирџил ван Дијк. Ливерпул се надева дека ќе успее да ги убеди Салах и Ван Дијк да ја продолжат соработката.
Спорт
Крај на сезоната за Кајри Ирвинг

Кошаркарот на Далас Кајри Ирвинг ја заврши сезоната поради повреда. Ирвинг ги скина предните вкрстени лигаменти на левото колено, изјавија извори за ЕСПН.
Кајри Ирвинг, кој има 32 години, се повреди во првата четвртина во поразот на Маверикс од Сакраменто Кингс изминатата ноќ.
Одигра само 9 минути и имаше седум поени во првата четвртина и по еден скок и асистенција, а кога се повреди беше јасно дека нема да може да продолжи, па со еден потег ги воодушеви сите во салата. Застана на линијата за слободни фрлања, поентираше и замина во соблекувалната.
Ирвинг беше најдобриот играч на тимот, настапи на 50 од 62.натпревари на Далас. Има просек од 20 поени со 40 отсто реализиција во шутот за три поени.
Повредата на Ирвинг е уште еден удар за Далас, бидејќи надвор од теренот е и Ентони Дејвис, кој дојде во клубот како дел од трејдот на Лука Дончиќ.
Далас има скор од 32-30 и моментално е на десеттото место во Западната конференција, последното кое води во плеј-ин.