Спорт
Од авантурист до семеен човек: трагично загинатиот Феликс Баумгартнер ја пронајде љубовта кај убавата Романка по бурната романса со мис

Познатиот екстремен спортист Феликс Баумгартнер (56) трагично го загуби животот во несреќа со параглајдинг во Италија, објави државниот радиодифузен сервис РАИ.
Познат како „човек без страв“, Баумгартнер ги поместуваше границите на она што е можно во текот на својата кариера – скокајќи од облакодери, карпи и хеликоптери, а својата најголема слава ја постигна во 2012 година кога скокна од стратосферата од висина од 39 километри, во мисија што ја следеа милиони гледачи низ целиот свет.
Освен што беше бестрашен, Феликс имаше и малку бурен љубовен живот, но сепак успеа да се смири покрај Михаела Радулеску, романска водителка.
Феликс се запознал со познатата водителка во 2014 година и оттогаш беа во врска, но никогаш не се венчале. Сепак, во медиумите секогаш биле претставувани како еден од најстабилните парови.
Двојката среќата ја наоѓала во честите патувања, од кои редовно објавувале фотографии, а живееле помеѓу Швајцарија-Австрија-Германија.
Пред Михаела, Феликс беше заљубен во мисицата Никол Етл. Многумина се сомневаа дека врската ќе заврши со брак, но тие раскинаа во 2013 година по седум години љубов.
Феликс Баумгартнер ги сакаше екстремите, авантурите и непредвидливоста, но неговата најдолга авантура беше со Михаела, со кого конечно успеа да најде слобода.
Како што претходно изјави водителката, тие функционирале совршено дури и кога биле разделени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Макаби славеше во израелското дерби во Евролигата

Кошаркарите на Макаби од Тел Авив го победија Хапоел со 103:90 во првиот натпревар 3. коло од Евролигата. Натпреварот се одигра во Софија, каде што Хапоел како домаќин ги игра натпреварите во Евролигата.
Натпреварот беше неизвесен до самиот крај, се играше во серии, а потоа Макаби успеа на „крилата“ на Џефф Даутин Џуниор да направи клучна предност и рутински го до заврши натпреварот.
Ова беше прва победа на Макаби во сезоната, како и прв пораз на Хапоел.
Во редовите на „Гордоста на Израел“, се истакна Лони Вокер со 20 поени, два скока и четири асистенции и потоа Ошај Брисет со 19 поени и четири скока.
Џеф Даутин Џуниор и Џален Хорд постигнаа двоцифрен број поени по 13 поени, додека Роман Сокрин постигна 12, а Тамир Блат 11 поени со четири скока и седум асистенции.
Кај Хапоел се истакна Елајџа Брајант со 18 поени, а потоа следуваа Антонио Блејкни со 16, Ден Отуру со 15 и Василије Мициќ со 14 поени и четири асистенции.
Спорт
Пелистер загуби со двоцифрена разлика од Висла

Еурофарм Пелистер, во четвртото коло го доживеа третиот пораз во групната фаза од Лигата на шампионите. Вечерва во Плоцк, македонскиот првак доживеа убедлив пораз од Висла 36:25.
Еурофарм Пелистер на Висла и се спротивстави само во првите 20 минути. Една третина од натпреварот избраниците на Рубен гарабаја делуваа добро на теренот. Битолчани имаа предност 8:9, кога започна серијата на Висла од 6:1.
Таа серија се покажа како клучна за преостанатиот тек на натпреварот. Висла на полувреме замина со предност 18:14.
Вториот дел Висла рутински го одработи, на десет минути до крајот домаќинот дојде и до двоцифрена предност (30:20), на крајот полскиот тим победи 36:25.
Пелистер го предводеше Дејан Манасков со седум гола, кај Всла најефикасен беше францускиот репрезентативец Мелвин Ричардсон со осум погодоци.
Foto/ EPA
Спорт
Салах го однесе Египет на Светското првенство

Фудбалската репрезентација на Египет обезбеди место на Светското првенство следната година откако го победи Џибути со 3:0 во африканските квалификации.
Во групата А, коло пред крајот, Египет на првото место има недостижни пет бода повеќе од Буркина Фасо, која е на второто место. Египет четврти пат во историјата избори место на Мундијалот, претходно „фараоните“ беа дел од најголемата фудбалска смотра во 1934, 1990 и 2018 година.
Од Африка, место на Мундијалот претходно изборија Мароко и Тунис.
Египет убедливо го победи Џибути со 3:0 на гостински терен со головите на Ибрахим Адел и Мохамед Салах (два).
Покрај трите селекции од Африка и домаќините Канада, Мексико и САД, пласман на Светското првенство досега изборија: Јапонија, Нов Зеланд, Иран, Узбекистан, Јужна Кореја, Јордан, Австралија, актуелниот светски шампион Аргентина, Еквадор, Бразил, Уругвај, Парагвај и Колумбија.