Спорт
Блик: Господине Шаќири ние не сме залудени со национализам
Главниот уредник на спортската рубрика, на најтиражниот швајцарски весник „Блик“, во својата колумна жестоко го критикувал Џердан Шаќири, поради начинот на кој и се извинил на нацијата поради прославата на голот на мечот со Србија и покажувањето на алб…
Главниот уредник на спортската рубрика на најтиражниот швајцарски весник „Блик“ во својата колумна жестоко го критикувал Џердан Шаќири поради начинот на кој ѝ се извинил на нацијата поради прославата на голот на мечот со Србија и покажувањето на албанскиот орел.
Швајцарците вчера се собраа на подготовките за натпреварите во Лигата на нации, а Шаќири, Гранит Џака и капитенот Стефан Лихштајнер на прес-конференција ѝ се извиниле на нацијата за провокаторското гестикулирање на дуелот со Србија на Светското првенство во Русија.
Уредникот во „Блик“, Феликс Бингезер, пишува дека Џака и Лихштајнер искрено се извиниле за своето однесување, односно дека згрешиле со провокациите, додека изјавата на Шачири ја нарекол глупава.
„Им се извинувам на сите што се почувствувале навредени додека во планините го гледале натпреварот“, рекол играчот на Ливерпул.
Новинарот пишува дека изразот што го употребил фудбалерот „во планините“ е исто како да ги нарекол „селани“ и дека непотребно долеал „масло во огнот“.
„Да господине Шаќири, ние сме планинска земја. Но, господине Шаќири не се сите што живеат во планините со плиток ум и залудени со национализам“, напишал Бингезер.
Тој исто така го критикувал селекторот Владимир Петковиќ што за заменик-капитен го одредил Џака.
„Покажува дека не рабира во каква криза на идентитет се наоѓа неговиот тим. Без да размисли го заобиколува Јан Зомер и го става пред него во таа хиерархија Џака. Зомер би можел да биде оној што би го поврзал овој хетероген тим“.
Уредникот на „Блик“ во колумната побарал и драстични промени во Фудбалскиот сојуз на Швајцарија, односно дека примерот на претседателот Петер Жилерон, кој ја напушти функцијата, би требало да го следат директорот Клаудио Сулсер и селекторот Владимир Петковиќ.
Нема суспензија за Шаќири и Џака, само парична казна за Швајцарците
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шортс не успеа да спречи пораз на Париз од Црвена звезда
Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
Спорт
Голем удар за Фенербахче, Вилбекин тешко се повреди
Кошаркарот на Фенербахче, Скоти Вилбекин се повреди во првото коло од Евролигата. Фенер со победа над Олимпијакос 82:71 ја започна новата сезона во елитното натпреварување.
Крајот на овој натпревар го одбележа расправијата меѓу двајцата тренери Шарунас Јасикевичиус и Јоргос Барцокас, кои имаа што да си кажат и за време на натпреварот.
На овој натпревар, поточно во втората четвртина, се повреди американскиот кошаркар со турски пасош Скоти Вилбекин.
Како што се стравуваше, повредата на Скоти Вилбекин е посериозна и тој ќе ја пропушти целата сезона 2024/25, пренесува новинарот Донатас Урбонас.
Тој вели дека се Вилбекин ги оштетил предните вкрстени лигаменти на коленото.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.