Спорт
Болт дебитира за Стремсгодсет и веднаш си замина
Легендарниот спринтер од Јамајка, Јусеин Болт, му се заблагодари на норвешкиот фудбалски клуб Стремсгодсет, чии дрес го носеше на пријателскиот натпревар против националниот тим, за играчи до 19 години, на оваа скандинавска земја.
„Се чувствував одличн…


Легендарниот спринтер од Јамајка, Јусеин Болт, му се заблагодари на норвешкиот фудбалски клуб Стремсгодсет, чии дрес го носеше на пријателскиот натпревар против националниот тим за играчи до 19 години на оваа скандинавска земја.
„Се чувствував одлично во тимот, атмосферата беше величествена. Сакам да му се заблагодарам на клубот за довербата“, рекол Болт, кој играл од 71.минута.
„Ќе ги следам резултатите на Стремсгодсет. Ќе проверувам кој постигнал гол. Многу им благодарам на сите. Уживав во времето што го минав со тимот. За да победувате треба да го играте својот фудбал и да ги оставите сите стравови на страна“, дополнил светскиот рекордер на 100 и 200 метри.
Освојувачот на осум златни олимписки медали претходно тренира со играчите на јужноафриканскиот тим Мамелоди и со фудбалерите на Борусија Дортмунд.
It´s been a pleasure, Usain. Thank you for the positive vibes. All the best! #puma @usainbolt pic.twitter.com/UpPo3TyDNW
— Strømsgodset Fotball (@strmsgodset) June 5, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трансферот на Зинченко зависи од Тео Ернандез

Играчот на Арсенал, Олександр Зинченко, е заинтересиран за трансфер во Милан, објавија италијанските медиуми.
Трансферот зависи од Тео Ернандез, кој се подготвува да замине од „Сан Сиро“. Милан преговара со Атлетико за трансферот на Тео, бидејќи фудбалерот изразил желба да се врати во клубот од чија академија потекнува.
Кога овој трансфер ќе биде завршен, Зинченко ќе може да го напушти Арсенал. Украинецот бара нов клуб бидејќи минатата сезона немаше никаква улога кај Микел Артета.
Спорт
Притворен Квинси Промес, ќе биде екстрадиран во Холандија

Холандскиот фудбалер Квинси Промес (33) е уапсен во Дубаи и наскоро треба да биде екстрадиран во неговата земја, каде што беше осуден на 7,5 години затвор.
Според холандските медиуми, полицијата во Дубаи извршила рација во станот на фудбалерот во четврток вечерта, Квинси бил уапсен и притворен и наскоро ќе биде екстрадиран во Холандија.
Правниот застапник на играчот, Кам Полат, потврди дека неговиот клиент е приведен, но одби да даде повеќе информации за случајот.
Во исто време, холандскиот новинар Јероен Каптејнс има информации дека Промес ќе биде испратен на отслужување на повеќегодишна казна што е можно поскоро.
„Се очекува многу наскоро да биде екстрадиран во Холандија. Мислам дека ќе биде испратен директно во затвор“, рече тој.
Апсењето на Промес се случи два дена откако Судот во Амстердам го отфрли барањето на играчот и неговите претставници за суспендирање на одлуката за негово апсење.
Промес сакаше Судот да му дозволи слободно движење за да може непречено да ја продолжи кариерата.
За потсетување поранешниот фудбалер на Спартак Москва беше осуден на шест години затвор во февруари 2024 година за учество во шверц на повеќе од еден тон кокаин што пристигна во пристаништето Антверпен.
На неговата основна казна му беше додадена година и пол за вооружен напад врз неговиот брат.
Промес пристигна во Дубаи додека сè уште беше фудбалер на Спартак, таму доживеа сообраќајна несреќа, по што беше уапсен и му беше забрането да ја напушти земјата. Во меѓувреме, го раскина договорот со рускиот клуб и потпиша за второлигашкиот клуб Дубаи Јунајтед.
Спорт
Олимпија за потписот на Митровски го сруши трансфер рекордот во Словенија
Македонскиот репрезентативец, Димитар Митровски го официјализира трансферот во Олимпија. Митровски во Љубљана пристигна од хрватскиот прволигаш Вараждин. Трансферот на Митровски е рекорден за фудбалот во Словенија, Олимпија за напаѓачот плати еден милион евра.
26-годишниот Митровски постигна осум гола на 28 лигашки натпревари во сезоната 2024/25 и одигра важна улога во историскиот пласман на Вараждин во Конференциската лига. На крајот од сезоната, Митровски беше избран во идеалниот тим на сезоната во хрватскиот шампионат.
За две и пол сезони, тој одигра 71 натпревар за Вараждин и постигна 13 гола.
Својата фудбалска кариера ја започна во Скопје, во Работнички, а на 16-годишна возраст замина во странство. Во 2015 година се пресели во Германија. Таму беше дел од јуниорските тимови на Ханза Росток и Магдебург. Една година подоцна, се пресели во Спортинг, каде што играше за младинскиот тим во 2017 година, а потоа и за резервниот тим на Спортинг Б.
Потоа Митровски играше за АП Брера, пред да се пресели во Вараждин.
За репрезентацијата на Македонија досега има осум настапи.