Спорт
Брејк на Индијана, Харден ги скроти „волците“ (Видео)
Индијана направи брејк во Кливленд, а Хјустон и Оклахома ја искористија предноста на домашниот терен, во првите натпревари од плејофот во НБА лигата.
Индијана го декласира Кливленд 98:80 и стекна почетна предност во серијата против вицепрвакот. Ова е п…


Индијана направи брејк во Кливленд, а Хјустон и Оклахома ја искористија предноста на домашниот терен, во првите натпревари од плејофот во НБА лигата.
Индијана го декласира Кливленд 98:80 и стекна почетна предност во серијата против вицепрвакот. Ова е прв пат Леброн Џејмс плејоф серија да започне со пораз.
Кливленд немаше решение за одбраната на Индијана и брилијантниот Виктор Оладипо кој со 32 поени, шест скока и по четири асистенции и украдени топки го предводеше својот тим. На спротивната страна Џејмс забележа трипл-дабл од 24 поени, 12 скока и 10 асистенции.
Хјустон не дозоволи изнендување против Минесота, иако најдобриот тим во регуларниот дел од сезоната вложи многу труд за да дојде до победата 104.101.
Харден одигра уште еден величенствен натпревар (44 поени). Токму Харден со 12 поени во низа ја направи клучната серија по која Хјустон успеа да се одлепи на 97:86, а потоа и да ја забележи првата победа во оваа серија.
Минесота ја предводеше Ендру Вигинс со 18 поени, два помалку постигна Дерик Роуз.
Пол Џорџ постигна 36 поени (8/11 тројки), а Оклахома го доби дуелот против Јута 116:108. Покрај Џорџ, кој изминатите две сезони како играч на Индијана во плејофот постигнуваше по 27 поени по натпревар, кај Оклахома се истакна и Расел Вестбрук со 29 поени, 13 скока и осум асистенции.
Кандидатот за најдобар дебитант на сезоната, Донован Мичел, беше најдобриот играч на Јута. Тој забележа „дабл-дабл“ од 27 поени и 10 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Правнукот на Мусолини дебитираше во Серија А и ја режираше победата на Кремонезе

Фудбалерот на Кремонезе, Романо Мусолини (22), го имаше дебито од сништата во Серија А.
Правнукот на фашистичкиот диктатор Бенито „Дуче“ Мусолини даде клучен придонес во вториот триумф на повратникот во Серија А. Кремонезе го победи Сасуоло со 3:2.
Мусолини влезе во натпреварот седум минути пред крајот, тоа беше негово деби во елитниот ранг на италијанскиот фудбал, а за кратко време успеа директно да влијае на резултатот.
Прво, му асистираше на Окереке за голот, кој беше поништен, бидејќи напаѓачот беше во офсајд, а потоа Мусолини избори пенал од кој Кремонезе, преку Да Лука, стигна до победата.
„Отсекогаш сум сонувал за ова“, рече Мусолини по натпреварот, кој од разбирливи причини, имајќи го во предвид вниманите што го добиваше каде и каде и да се појави, го отстрани презимето од дресот.
Во иднина, тој ќе го носи само името, Романо.
Во еден период, додека играше за Јуве Стабија, навивачите на тој клуб „на шега“ го поздравуваа со крената рака, како што некогаш правеа масите пред неговиот прадедо.
И тоа е една од причините зошто Романо одлучи да не го носи своето презиме на дресот.
Фото/ Принтскрин
Спорт
Јунајтед ја прифати понудата за Антони, Бетис се повлече од преговорите

Манчестер јунајтед објави дека ја прифаќа понудата на Бетис за Антони, во исто време кога од Бетис објавја дека ја повлекле понудата. Конфузијата настанала наводно поради четири милиони евра.
Цело лето, Бетис се обидуваше да го реализира овој трансфер. Антони имаше добра полусезона на позајмица во Бетис, постигна девет гола.
За време на предсезоната, Антони беше еден од играчите што Рубен Аморим целосно ги отстрани од тимот, поради што тренираше индивидуално во тренинг центарот на Манчестер јунајтед.
Бразилецот имаше некои понуди од Саудиска Арабија, но тој јасно кажа дека сака да се врати во Бетис.
Во петокот вечерта, од Јунајтед почнаа да пристигнуваат вести дека понудата на Бетис е прифатена и дека трансферот е договорен, но од „Бенито Виљамарин“ ги демантираа овие информации.
„Бетис ја повлече понудата. Клубот не може да си го дозволи трансферот и платата што ја бара играчот.“
Наводно, околу четири милиони евра ја направиле разликата.
Антони има договор со Јунајтед до 2027 година. Доколку остане тоа се две годишни плати или 14 милиони евра. Бетис за тие две години му нуди вкупно 10 милиони евра. Фудбалерот не сака да се откаже од своето барање клубовите да најдат начин тој на крајот да ги добие тие четири милиони.
Дали ќе има понатамошни преговори или не, ќе знаеме многу наскоро. Трансферниот рок завршува во понеделник во 19:00 часот во Англија и на полноќ во Шпанија.
Фото/ Принтскрин
Спорт
Митровиќ има две понуди од Серија А

Симоне Инзаги, новиот тренер на Ал Хилал, на почетокот на својот мандат го отпиша од тимот најдобриот стрелец Александар Митровиќ. Ал Хилал ќе му ја исплати последната година од договорот, а Митровиќ е слободен играч и може да бида каде ќе ја продолжи кариерата.
Милан и Рома се заинтересирани за најдобриот стрелец во историјата на српската репрезентација, тврди инсајдерот Николо Шира.
Митровиќ нема ништо против враќањето во Европа. Претходно се зборуваше дека би можел да се врати во Премиер лигата, меѓутоа, во моментов нема конкретни понуди или интерес.
Доколку сака да се врати во Европа, менаџерот на Миторвиќ ќе мора бргу да реагира бидејќи преодниот рок трае уште два дена.
За потсетување, Митровиќ беше заменет во Ал Хилал од Дарвин Нуњез, кој дојде од Ливерпул за 53 милиони евра.
Foto/ besoccer.com