Спорт
ВАР-технологијата доаѓа во Хрватска, моделот може да го искористи и Македонија
ВАР-технологијата ќе биде воведена во хрватскиот фудбал од наредната сезона. Официјално оваа одлука треба да биде потврдена на 17.јануари кога од Фудбалскиот сојуз на хрватска ќе одржат состанок со делегациите на ФИФА и ИФАБА (тело задолжено за одредув…
ВАР-технологијата ќе биде воведена во хрватскиот фудбал од наредната сезона. Официјално оваа одлука треба да биде потврдена на 17.јануари кога од Фудбалскиот сојуз на хрватска ќе одржат состанок со делегациите на ФИФА и ИФАБА (тело задолжено за одредување на фудбалските правила).
Фудбалскиот сојуз на Хрватска за воведувањето на оваа технологија ќе потроши помеѓу еден и 1,5 милиони долари. Инаку, 80 отсто од овие пари Хрватите ќе ги обезбедат преку програмата „ФИФА форвард“, додека останатите 20 отсто ќе ги обезбеди Фудбалскиот сојуз на Хрватска.
Клубовите нема да бидат изложени на никакви трошоци околу воведувањето на ВАР-технологијата. Обварска на клубовите ќе биде само да обезбедат просторија за оваа намена и да се грижат за безбедноста на судиите кои ќе бидат во ВАР-собата.
Секој стадион ќе мора да има посебна лиценца од ВАР и ФИФА и сите клубови ќе мора да го поддржат воведувањето на ВАР-технологијата.
Специјална обука ќе треба да поминат и судиите, особено оние кои случувањата на теренот ќе ги следат од ВАР-собата.
ВАР-технологијата ќе се применува во сите натпревари, а ќе биде тестирана во текот на оваа сезона, веројатно во финалниот натпревар, во Купот на Хрватска.
Примерот на Хрватите можеби ќе ги поттикне и челниците во Фудбалската федерација на Македонија да покренат иницијатива за воведување на ВАР-технологијата, бидејќи на тој начин на уште повисоко ниво ќе биде подигната регуларноста на натпреварите во Првата лига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.