Спорт
„Веѓата“ Дејвис се сели кај Леброн во ЛА Лејкерс?
Новинарот Брендан Робинсон најавува спектакуларен трејд во НБА лигата кој треба да се случи по 15.декември. Доколку овој трејд биде реализиран тогаш ќе има „тектонски пореметувања“ во НБА лигата, особено во Западната конференција.
Робинсон е новинар чи…
Новинарот Брендан Робинсон најавува спектакуларен трејд во НБА лигата кој треба да се случи по 15.декември. Доколку овој трејд биде реализиран тогаш ќе има „тектонски пореметувања“ во НБА лигата, особено во Западната конференција.
Робинсон е новинар чии информации, кои се поврзани со НБА лигата, секогаш се точни и никогаш не се на ниво на шпекулации.
Според Робинсон, две франшизи, ЛА Лејкерс и Њу Орлеанс Пеликанс, ќе бидат главни играчи во овој спектакуларниот трејд, а во истиот треба да се вклучи и Орландо Меџик.
Главна ѕвезда во оваа размена е Ентони Дејвис, најдобриот центар во лигата. Дејвис треба да се пресели во ЛА Лејкерс, кај Леброн Џејмс, а во замена за него Њу Орлеанс Пеликанс би ги добиле Лонз Бол, Кентавиус Калдвел-Поуп и Брендон Инграм.
ЛА Лејкерс покрај Дејвис бараат уште еден играч од Пеликанс, Елфрид Пејтон или Иајн Кларк.
За да биде комплетиран трејдот, во него ќе се вклучат и Орландо Меџик. Франшизата од Флорида сака да се ослободи од Никола Вучевиќ чии договор истекува наредното лето. Меџик имаат намера да отворат простор за младиот центар Мо Бамба.
Сепак голема мистерија е зошто Меџик се вклучуваат во трејдот, бидејќи не е познато што би добиле, а исто така нејасно е зошто би се ослободиле од Вучевиќ, кој од почетокот на сезоната игра во голема форма и е еден од најдобрите играчи во НБА лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва