Бостон Селтикс ги совладаа Мемфис Гризлис со 117:103 и за прв пат во историјата на франшизата комплетираа низата од шест натпревари на Западот без пораз.

Актуелните шампиони до победата ги предводеа Ал Хорфорд со 26 поени и осум скока и Џејсон Тејтум со 25 поени и 14 скока.

Кристапс Порзингис додаде 19 поени, пет скока и пет асистенции, Џру Холидеј имаше 18 поени и по седум скока и асистенции, а Дерик Вајт имаше 14 поени, 10 асистенции и осум скока.

Бостон го надмина претходниот рекорд на франшизата поставен во февруари 1973 година со победи против Јута, Портланд, Сакраменто, Феникс, Сан Антонио и Мемфис.

Таа серија, исто така, му помогна на Бостон да постави нов рекорд во франшизата од 32 гостински победи, претходно поставен во сезоните 1972/1973 и 1974/1975 година.

Пред Бостон на вената листа се само Голден Стејт со 34 победи во сезоната 2015/2016 и Чикаго со 33 победи од 1995/1996 година.

Во тимот на Мемфис, кој го доживеа шестиот пораз во последните седум натпревари, најефикасни беа Џа Морант со 26 поени, шест скока и пет асистенции, Санти Алдама со 21 поен со осум скока и Џерен Џексон со 20 поени со 15 скока.

Менаџерот на Манчестер јунајтед, Рубен Аморим, одговори на новинарските шпакулации дека Бруно Фернандеш би можел да го засили Реал Мадрид.

Фернандез беше поврзуван со Реал Мадрид и преселба во супер тимот кој Флорентино Перез би сакал да го создаде, но се чини дека тоа нема да се случи.

„Не, тоа нема да се случи. Тој нема да оди никаде. Му кажав дека нема да оди никаде“, им одговри Аморим на англиските новинари.

Фернандеш е најдобриот фудбалер на Јунајтед оваа сезона. На многу натпревари тој беше човекот на одлука, па сосема е нормално и очекувано дека Аморим не сака да се откаже од најдобриот играч.

Кошаркарите на Лос Анџелес Лејкерс ги совладаа Хјустон Рокетс со резултат 104:98 во дербито на Западната конференција на НБА.

Лука Дончиќ, го водеше тимот до победата, го обележа натпреварот со потег во самиот финиш на втората четвртина, кога му ги „скрши зглобовите“ на турскиот центар Алперен Шенгун.

LUKA DONCIC DROPS ALPEREN SENGUN pic.twitter.com/EA4AummMew

— ClutchPoints (@ClutchPoints) April 1, 2025

Победата на Лејкерси им ја обезбеди Леброн Џејмс со неколку поени во финишот на мечот. Важна улога од клупата одиграа Доријан Фини-Смит и Гејб Винсент. Двајцата имаа по 20 поени и по шест тројки.

Лука Дончиќ мечот го заврши со 20 поени, девет асистенции и шест скока, додека Џејмс забележа 16 поени и осум скока.

Во тимот на Хјустон, Амин Томпсон имаше 20, Дилон Брукс 16, а Шенгун 14 поени, седум скока и шест асистенции.

Резултати:

Шарлот – Јута 110:106
Индијана – Сакраменто 111:109
Орландо – ЛА Клиперс 87:96
Вашингтон – Мајами 94:120
Мемфис – Бостон 103:117
Оклахома – Чикаго 145:117
Далас – Бруклин 109:113