Спорт
(Видео) Сведоштво на српскиот ватерполист: Да не скокнев во морето ќе ме убиеја
Александро Краљ е ватерполистот на „Црвена ѕвезда“ кој попладнево скокна во морето откако тој и неговите соиграчи беа нападнати во Сплит.
VIDEO: Napadnuti igrač VK Crvena zvezda u Splitu. Oko njega su bili građani. Policija ga je ubrzo odvela. @DNEVNIKhr #DnevnikNoveTV pic.twitter.com/w1jK4g0HWf
— Mario Jurič (@JuricNovaTV) February 9, 2019
Хрватските медиуми пренесуваат дека кога излегол од водата тој рекол: „Да не скокнев во морето ќе ме убиеја“.
Според изјави на очевидци Краљ извикувал: „Јас сум од Котор, Црногорец сум, не сум Србин“.
„Седев пред банката и одеднаш се слушна галама. Овие во црвено-бели тренерки трчаа на оддалеченост од половина метар од местото каде што стоев. Едниот истрча кон морето и скокна во него. Се слушна скандирање: ‘Соблечи се, соблечи се’, и момчето ја соблече тренерката. Од кејот се слушаа секакви довикувања, а најгласно се слушаа две работи: ‘Четник’ и ‘Викнете полиција’. Не сакаше да излезе додека не дојде полиција. Викаше дека е Црногорец, а не Србин. Слушнав некој како рече дека келнерот ги предупредил веднаш кога седнале да ги соблечат тренерките“, изјавил очевидец за „Слободна Далмација“.
Incident u Splitu: Nasred rive napadnuti mladići (vjerojatno navijači) Crvene zvezde. Jedan se spasio skokom u more. Čuo sam gdje govori: “Da nisam skočio u more ubili bi me”. Stigla i policija, čeka se njihovo službeno očitovanje o svemu. @DNEVNIKhr pic.twitter.com/1h5YxPRkQs
— Mario Jurič (@JuricNovaTV) February 9, 2019
Полицијата сè уште трага по напаѓачите.
Ватерполистите во маици на „Црвена ѕвезда“ седеле во кафуле, кога неколку лица ги нападнале. Тие итно ќе се вратат во Белград, а мечот од 13. коло на Триглав регионалната лига е откажан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милевски и Барди: Македонија се прашува за првото место во групата
Извор/ ffm.mk
Фудбалската репрезентација на Македонија, утре ќе го одигра натпреварот од третото коло во Лигата на нации против Летонија. Во пресрет на натпреварот, во Рига, прес конференција одржаа селекторот Благоја Милевски и капитенот Енис Барди.
„Летонија има максимален респект од нас. Потенцирам дека Македонија ќе се прашува за првото место во групата.
Ќе ни недостасуваат Зајков и Серафимов, кои имаат картони, но и Чурлинов и Трајковски, кои се повредени. Сепак, сите кои се во комбинација за настап ќе одговорат на предизвикот и на тоа што се очекува од нив.
Размислувам за повеќе опции за стартниот тим, верувам дека сите останати ќе бидат здрави и ќе се стават во функција на тимот. Пред почетокот на натпреварот ќе одлучам со кои играчи ќе настапиме.
Македонија која јас ја замислувам секогаш ќе се стреми да игра на победа. Овие момци ја добиваат и ја заслужуваат целата почит. Без разлика дали играат во своите клубови или не, го даваат својот максумум кога играат за Македонија“, рече селекторот Милевски.
Капитенот Енис Барди го дели оптимизмот на селекторот во пресрет на утрешниот меч.
Барди беше дел од претходниот дуел на Македонија против Летонија во септември 2019 година во квалификациите за Европското првенство. Нашиот капитен постигна гол во победата од 2:0 во Рига.
„Како и секогаш, одговорноста е кај сите нас. Јас ќе го дадам својот максимум, па дај Боже да биде како пред пет години. Помина грипот, добро се чувствувам и максимално сум подготвен за настап.
Кога играте под притисок за докажување, секогаш вадите од себе максимален квалитет. Притисокот треба секогаш да го чувствуваме и треба да најдеме начин да го дадеме најдоброто од себе“.
Спорт
ФА бара доживотна суспензија за Лукас Пакета
Ѕвездата на Вест Хем и репрезентативец на Бразил, Лукас Пакета би можел да добие доживотна суспензија поради вмешаност во скандал со обложување.
Пакета е официјално под истрага од 18. август 2023 година, а беше обвинет од Фудбалската асоцијација на Англија (ФА) на 23. мај 2024 година.
Иако Пакета тврди деја не е виновен, еден настан доведе до сериозен скандал по кој ФА побара доживотна казна за овој фудбалер.
Имено, според британските медиуми, откако телефонот му бил вратен по првичната проверка (која наводно траела околу осум недели), тој го фрлил уредот и купил нов, без да ги извести надлежните.
Истражувачкиот тим по неколку недели повторно се обидел да го земе телефонот на Пакета за да направи дополнителни анализи, но бил спречен во тоа, поради што Пакета е обвинет за „попречување на истрагата“ и несоработка со истражителите.
Пакета оваа сезона одигра седум натпревари за Вест Хем.
Спорт
Кампацо сепак ќе игра против Партизан
Челниците на Реал ја обжалија суспензијата од еден натпревар за Факундо Кампацо во Евролигата и Аргентинецот доби дозвола да игра против Партизан.
Дисциплинската комисија на Евролигата го прифати барањето на Реал Мадрид и со тоа плејмејкерот помина без санкција поради нападот врз судиите на мечот против Баерн.
Реал утре од 20.45 часот ќе го пречека Партизан во второто коло, во Евролигата.