Спорт
(Видео) Снимка од Ѓоковиќ од Австралија покажува во каква состојба е тенисерот по повредата

Како што кажа и самиот Новак Ѓоковиќ, има проблем, но тоа не е нешто со што не се носел во текот на кариерата. Ниту Новак, ниту Горан Иванишевиќ немаа дилеми дека се ќе биде во ред, а и да не беше, Ѓоковиќ самоуверено изјави „Повреден ги освоив последните два Австралија Опен“.
Токму претходната година, Миљан Амановиќ, физиотерапевтот на Новак, повеќепати го „извлекуваше“ тој зглоб и го масираше среде Грен слем турнирот. Амановиќ одлета за Мелбурн и ќе биде со тимот на овој Грен слем, објавија српските медиуми
🇷🇸 Novak Djokovic just had his first practice on Rod Laver Arena, and showed no obvious signs of wrist/forearm pain, which is good news for the tournament.
Looking for an 11th Australian Open title🏆
📸 Simonspong IG pic.twitter.com/gUEr9aR1G9
— Olly 🎾🇬🇧 (@Olly_Tennis_) January 9, 2024
Новак во текот на кариерата често играше со бројни ситни повреди кои не сакаше да ги истакне пред се од почит кон својот ривал. Овој пат беше очигледно колку тоа му прави проблеми, но неколку дополнителни денови одмор очигледно сè решија.
Ѓоковиќ првиот тренинг го одработи во Мелбурн, во познатата „Род Лејвер Арена“.
First #AusOpen practice in the 📚 for World No. 1 Novak Djokovic ✅ pic.twitter.com/MIjKY2RIA3
— Tennis Channel (@TennisChannel) January 9, 2024
Тој беше целосно посветен на тренинзите и се чинеше дека немаше никакви болки. Му помогнаа дополнителни неколку дена одмор, а од голема помош ќе биде и екстремно топлото време во Австралија.
Тоа значи дека Ѓоковиќ е подготвен да атакува на својата нова 11. титула на Австралија опен и 25. Грен слем титула од 14 до 28 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ПСЖ лесно против Атлетико на стартот клупскиот Мундијал

Актуелниот европски шампион ПСЖ го победи Атлетико Мадрид во првото коло од Групата Б со резултат од 4:0. Натпреварот се одигра во Лос Анџелес.
Парижаните сè уште не ги „исклучиле моторите“ и очигледно намерата им е да го освојат клупскиот Мундијал, откако ја освоија Лигата на шампионите, прва во историјата на клубот.
ПСЖ влезе во натпреварот поконкретно и посигурно, а веќе во 19-та минута Фабијан Руиз го искористи тоа. Неодбранливо биеше од 17 метри.
ПСЖ имаше речиси 80 проценти од топката во своите нозе, а Атлетико се закани во судиското продолжение од првото полувреме кога голема шанса не реализира Гризман, ударот го одбрани Донарума.
Во следната акција, ПСЖ ја зголеми предноста. Витиња го искористи просторот пред себе и им донесе предност од два гола на Парижаните.
ПСЖ можеше да го потврди триумфот веќе во 50-та минута, но Облак ја одби топката во стативата по ударот на Кварацхелијаа. Атлетико постигна гол во 57-та минута кој беше поништен поради фаул на почетокот на акцијата.
Сè беше јасно во 78-та минута. Облак направи грешка, Мајулу се протна и имаше шанса која ја промаши. После тоа, Облак и Ленгле го нападнаа судијата Ковач, кој му покажа на Французинот втор жолт картон, па Атлетико остана со играч помалку.
ПСЖ го приведе натпреварот кон крај, но Сорлот промаши празен гол од три метри во 83-та минута. Тоа беше шанса за Атлетико да се врати во натпреварот.
LO QUE ACABA DE FALLAR SORLOTH. 💀💀💀 pic.twitter.com/lm8TqX01Wi
— MT2 (@madrid_total2) June 15, 2025
Кога Атлетико не го реализираше тоа, Мбаје постигна гол по центаршутот на Хакими во 87-та минута за да го зголеми резултатот на 3:0, а Кангин Ли постигна гол од пенал во 97.минута.
Спорт
(Видео) Дуплантис 12-ти пат во кариерата го сруши светскиот рекорд

Шведскиот атлетичар Арманд Дуплантис го собори светскиот рекорд по 12-ти пат во кариерата.
Најдобриот скокач со стап на сите времиња повторно се надмина себеси, овој пат на митингот во Дијамантската лига на домашен терен во Стокхолм.
Дуплантис повторно, како и секогаш, се натпреваруваше сам со себе, и успеа да прескокне рекордни 6,28 метри. Светскиот рекорд го постави од првиот обид.
Надмоќта на Дуплантис во однос на конкуренцијата најдобро го отсликува податокот дека втор беше Маршал Куртис со скок од 5,90, дури 38 сантиметри помалку од Швеѓанецот.
Поради победата на митингот во Стокхолм, Дуплантис ќе добие награда од 20.000 долари, а светската атлетика го наградува секој соборен светски рекорд со 100.000 долари, што значи дека досега заработил 1,2 милиони долари само од соборувањето на рекордот.
Watch Mondo Duplantis 🇸🇪 as he soars over a World Record of 6.28m in the men's Pole Vault in Stockholm!🤯🔥
The 12th World Record of his career.pic.twitter.com/MrrBgCxIJd
— Track & Field Gazette (@TrackGazette) June 15, 2025
Спорт
(Видео) Расел победи во Канада, судар меѓу Норис и Пјастри

Џорџ Расел победи на трката за Големата награда на Канада. Британецот во Мерцедес победи пред актуелниот светски првак, Макс Ферстапен (Ред Бул) и тимскиот колега Андреа Кими Антонели, за кого ова е прв пласман на подиумот. Расел на патеката „Жил Вилнев“ во Монтреал, ја забележа четвртата победа во кариерата, прва по Лас Вегас минатата година.
Поради инцидентот меѓу возачите на Мекларен, Ландо Норис и Оскар Пјастри, трката заврши зад безбедносното возило, па разликата меѓу Расел и Верстапен беше минимална, нешто над две десетинки од секундата.
Десеттата рунда од сезоната, покрај победата на Расел, беше обележана и со првиот дуел меѓу возачите на Мекларен, во кој Норис по своја вина го извлече „подебелиот крај“.
Британецот постојано го следеше својот тимски колега, во 66.круг, во еден момент го престигна, Пјастри возврати и кога беа на стартно-целната линија, тој ја „затвори вратата“.
Норис нападна одвнатре, иако немаше простор, дојде до контакт меѓу болидите и мораше да го паркира крај патеката својот Мекларен. Пјастри остана на патеката и ја заврши трката на четвртото место.
Така, за прв пат оваа сезона, ниту еден од возачите на Мекларен не стигна до подиумот.
Бодови во Монтреал освоија возачите на Ферари Шарл Леклер и Луис Хамилтон, Ферандо Алонсо (Астон Мартин), Нико Хилкенберг (Кик Заубер), Естебан Окон (Хас) и Карлос Саинц (Вилијамс).
Овогодинешното првенство во Формула 1 продолжува со Големата награда на Австрија на Ред Бул Ринг од 27 до 29 јуни.
Así ha sido el toque de Norris y Piastri
Error de Norrispic.twitter.com/rll7bXbn1m
— ElReyGuiri (@ElReyGuiri) June 15, 2025