Тренерот на Партизан, Саво Милошевиќ, ненадејно поднесе оставка, пренесуваат српските медиуми.

Според информациите, Милошевиќ поднел оставка бидејќи не успеал да постигне договор со челниците на клубот околу намалувањето на платата. Милошевиќ претпладнево се појавил во клубот, се поздравил со вработените и си заминал.

„Милошевиќ се реши на тој чекор ненадејно, иако немаше индикации дека такво нешто може да се случи, со оглед на фактот дека во претходниот период го стабилизираше тимот и успеа да забележи шест победи од осум натпревари, со две ремија“, пишува српски „Телеграф“.

Фудбалскиот клуб Реал Мадрид прави планови за зимскиот и летниот преоден рок во 2025 година.

Од пред неколку месеци е познато дека позицијата лев бек најверојатно ќе ја заземе Алфонсо Дејвис. Канаѓанецот по завршувањето на актуелната сезона кога ќе пристигне како слободен играч, додека Трент Александер-Арнолд се уште е голема желба и има најави дека Реал сака да го донесе оваа зима поради повредата на Дани Карвахал.

Но Трент не е единствената желба на Реал на позицијата десен бек. Имено, Реал Мадрид се фокусирани и на Диого Дало и наводно во Манчестер јунајтед биле свесни за интересот. Јунајтед нема да се противат да преговараат околу Дало но само доколку понудата е над 50.000.000 евра.

Дало минатата сезона беше најдобар играч на Манчестер јунајтед избран од соиграчите, а со доаѓањето на неговиот сонародник Рубен Аморим, неговата важност за тимот уште повеќе се зголеми. Постои извесна можност Јунајтед да се согласи да вклучи и други фудбалери во зделката, покрај паричниот надомест. Но, Рубен Аморим ќе сака да го задржи.

Како што е познато, Трент и понатаму е прва цел, но бидејќи постои можност тој да остане во Ливерпул, Реал мора да има и „План Б“.

Џек Дуан ќе го има своето деби во Формула 1 за Алпин тим на последната трка од сезоната, Големата награда на Абу Даби.

Овој потег ќе му овозможи на Алпин да почне да го подготвува Дуан за неговата транзиција во постојаната возачка постава следната година. Дуан во Алпин доаѓа на местото на Естебан Окон кој кариерата ќе ја продолжи во Хас.

Со овој потег, Алпин ќе му дозволи на Окон да вози за Хас на постсезонското тестирање на гумите во Абу Даби и во исто време ќе му даде можност на талентираниот Дуан да почне да се навикнува на болидот.

Партнер на Дуан од следната сезона во Алпин ќе му биде Пјер Гасли.