Спорт
(Видео) Трамп ги шокира сите на сцената по финалето на Светското клупско првенство

Американскиот претседател Доналд Трамп ги изненади сите со потег по финалето на Светското клупско првенство.
Челзи славеше против ПСЖ со резултат од 3:0 во финалето на Светското клупско првенство, а по натпреварот се случи вистинско шоу!
Прво, имаше тепачка во која Луис Енрике го нападна Жоао Педро по натпреварот, а потоа американскиот претседател Доналд Трамп го украде целото внимание.
По натпреварот, се одржа свечена церемонија на доделување индивидуални награди: Роберто Санчез беше прогласен за најдобар голман, Кол Палмер за најдобар играч, а потоа следеше и доделување на победничкиот трофеј.
Трамп им честиташе на играчите на Челзи и им го врачи трофејот, а потоа ги зачуди сите. Сè беше подготвено за прославата, англискиот тим само чекаше Трамп да ја напушти сцената, но тој одлучи да остане.
Колку биле изненадени од потегот најдобро покажува изразот на лицето на Палмер во позадина. Претседателот на ФИФА, Џани Инфантино, исто така се обиде да влијае на Трамп, но американскиот претседател одлучи да остане на сцената…
„Знаев дека ќе биде таму, но не знаев дека ќе остане на сцената кога го кренавме трофејот. Бев малку збунет, да“, призна Палмер пред новинарите по натпреварот.
¡EL CHELSEA ES CAMPEÓN DEL MUNDO! 🏆
NI TRUMP SE QUIERE IR DE LA FIESTA 😅#FIFACWC #TakeItToTheWorld pic.twitter.com/94vKeWmL60
— DAZN Fútbol (@DAZNFutbol) July 13, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Татко и син, фудбалски тренери во ист ден добија откази

Фудбалските тренери, таткото и синот Јанис и Јоргос Петракис, во ист ден добија откази.
Јоргос Петракис беше тренер на грчкиот АЕЛ, а неговиот татко Јанис, го водеше Панетоликос.
Самиот факт дека во една лига татко и син работат како тренери на различни клубови е навистина импресивен, но бизарно е што двајцата беа отпуштени на ист ден.
Јанис Петракис го водеше Панетоликос од 2023 година, а доби отказ по катастрофалниот пораз од Левадијакос со 6:0. Неговиот син Јоргос беше на клупата на АЕЛ Лариса, клуб кој оваа сезона избори промоција во грчката Супер лига.
Неделата беше фатална и за него, бидејќи беше отпуштен по поразот од 5:2 против Волос.
Двата клуба моментално се наоѓаат на самото дно на табелата, на 12-та и 13-та позиција со само четири освоени бода, со два бода последен е Астерс.
Спорт
Шок во Белград – Задар ја победи Црвена звезда

Кошаркарите на Црвена звезда загубија од Задар со 79:85 во првиот натпревар во АБА лигата, во групата Б.
Екипата на Јанис Сферопулос сè уште не знае за победа оваа сезона, бидејќи ова е трет пораз, по два неуспеси во Евролигата.
Од друга страна, Задар направи големо изненадување, слично како пред три години кога победи во Пионир.
Актуелните шампиони на Хрватска водеа речиси во текот на целиот натпревар и ја остварија четвртата последователна победа над Црвена звезда во Белград.
Кај Звезда, Сами Оџелеи постигна 15 поени со 10 скока, додека Ебука Изунду додаде 15 поени и седум скока.
Џордан Нвора постигна 14 поени, Тајсон Картер 12, а Стефан Миљеновиќ 11 поени.
Задар до победата го предводеа Владимир Михаиловиќ со 21 поен, Карло Жганец со 18, Бо Бич оствари дабл-дабл учинок од 17 поени и 10 скока. Двоцифрен број на поени, 10, имаше и Борна Капуста.
По завршувањето на натпреварот навивачите побараа оставки од чените луѓе на клубот и тренерот Сферопулос.
Foto/ Luka Milosavljevic / STARSPORT
Спорт
Јувентус во Лондон ја најде замената за Влаховиќ

Душан Влаховиќ ја игра последната сезона во дресот на Јувентус. Не ги опрвада вложените 82 милиони евра во неговиот трансфер од Фиорентина.
Србинот влезе во последната година од договорот, ги одби сите понуду да потпише нов за многу помала плата. Италијанските медиуми шпекулираат дека Јувентус ќе се обиде да го продаде Влаховиќ во зимскиот преоден рок. Планот е да извлече некое евро од неговиот трансфер, доколку тоа не му успе тгаш напаѓачот како слободен играч ќе го напушти клубот во јуни следната година.
„Тeam Talk“, тврди дека Јувентус веќе почнал да бара замена за Влаховиќ и дека изборот паднал на Габриел Жесус.
Арсенал веќе ја одредил цената за Бразилецот, а „Старата Дама“ мора да издвои околу 35.000.000 евра за неговиот трансфер.
Се додава дека Жесус го следи и Евертон, кој ќе биде главен конкурент во битката за потписот на напаѓачот на „топџиите“. Бразилецот сè уште се опоравува од сериозна повреда и наскоро треба да се врати на теренот.