Спорт
Вињалес во Австралија ја прекина низата без победи за Јамаха (видео)
Шпанецот Маверик Вињалес го искористи откажувањето на светскиот шампион Марк Маркез за да ја прекине најдолгата низа без победи за Јамаха во историјата на Мото ГП шампионатот, со победа на Австралиското ГП во Филип Ајленд.
23-годишниот Вињалес стигна д…


Шпанецот Маверик Вињалес го искористи откажувањето на светскиот шампион Марк Маркез за да ја прекине најдолгата низа без победи за Јамаха во историјата на Мото ГП шампионатот, со победа на Австралиското ГП во Филип Ајленд.
23-годишниот Вињалес стигна до првата победа за јапонскиот тим по 26 трки (од минатогодишната трка во Асен), оставајќи го Андреа Јаноне зад себе во последните кругови. Јаноне заврши 1.543 секунди зад него за второ место за Сузуки, додека трет беше уште еден Италијанец, Андреа Довициозо со Дукати.
„Чувството е фантастично, посебно бидејќи ова беше многу тешка година за мене. Не ми се верува дека победивме. Мотоциклот беше совршен, а кога ја поминав целта имав солзи во очите“, призна Вињалес.
A major incident with Johann Zarco ended the #AustralianGP hopes of @marcmarquez93 early in what was the major talking point out of what was an action-packed day at Phillip Island. #MotoGP pic.twitter.com/1M8VJJh2tP
— #TENmotorsport (@TENmotorsport) October 28, 2018
Маркез, кој ја запечати својата петта Мото ГП титула на три трки пред крајот на шампионатот во Јапонија минатиот викенд, стартуваше на пол-позицијата, но трката му заврши по само 5 круга од трката. Јохан Зарко со својата Тех 3 Јамаха го „закачи“ Шпанецот на првата кривина и иако тој го избегна незгодното излетување без повреди, оштетувањето на мотоциклот на Маркез значеше крај на трката.
Вињалес падна од второто на 10. место во првиот круг, но се врати на првото место за да го зголеми водството и да стигне до својата петта победа во Мото ГП. Неговиот колега, Валентино Роси, најголемиот кандидат за второто место во генерален пласман на Довициозо, беше шести зад Алваро Баутиста, кој го заменуваше Хорхе Лоренцо за Дукати во трката и Алекс Ринс во Сузуки.
До крајот на сезоната има две трки во Малезија и Валенсија и Роси има 15 поени заостанување зад Довициозо.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.