Шпанскиот тенисер Карлос Алкараз стигна до првото полуфинале на Австралија Опен во кариерата.

Карлос Алкараз го победи Алекс де Минор со 3-0 во сетови (7:5, 6:2, 6:1).

Шпанецот дојде до шестата победа во исто толку дуели со Астралијанецот, а на патот до полуфиналето не загуби ниту еден сет.

Интересно е што ова е само прв пат шесткратниот шампион на Гренд слем да стигне до полуфиналето на АО, откако беше елиминиран во четвртфиналето минатата сезона и прексиноќа.

Алкараз само во првиот сет имаше проблем со Де Минор. Откако со брејк дојде до 3:0, му дозволи на противникот да се врати, сервираше за сет во деветтиот гем, но домашните тенсер уште еднаш се врати во мечот. Подоцна цо 12-от гем, Алкараз ја искористи втората сет топка.

Вториот и третиот сет, Шпанецот рутински ги реши.

Алкараз во полуфиналето ќе игра против Александар Зверев, кој исто така во три сета славеше ротив Лернер Тиен.

Fot/ depositphotos

Ѕвездата на Челзи, Кол Палмер, наводно копнее да се врати во својот роден град и би бил отворен за летен трансфер во Манчестер Јунајтед, клубот за кој наводно навивал како дете.

Во 2023 година, Палмер го напушти Манчестер Сити и се пресели во Лондон, каде што стана клучен играч за Челзи, но се чини дека не е целосно задоволен од животот во главниот град и со задоволство би ја прифатил можноста да се врати на северот од Англија, пишува „Goal.com“.

Откако пристигна од Сити пред две и пол години, Палмер постигна 41 гол и додаде 19 асистенции за „сините“. Поради ова, англискиот репрезентативец стана практично „недопирлив“ во Челзи и само екстремно висока понуда би го натерала лондонскиот клуб да размисли за продажба. Според „Трансфермаркт“, Палмер вреди 120 милиони евра.

Англиските медиуми пишуваат дека 23-годишникот е носталгичен и би ја прифатил шансата да се приклучи на Јунајтед.

Палмер се бори и со проблематична повреда на препоните, што го ограничи на само 12 лигашки настапи оваа сезона. Тој го пропушти и неделниот натпревар во кој Челзи го победи Кристал Палас.

Foto/ depositphotos

Украинската тенисерка Елина Свитолина ја декласира Коко Гоф и се пласира во првото полуфинале на Австралија Опен во својата кариера.

Свитолина неочекувано лесно ја победи Гоф со 6:1, 6:2, за само 59 минути игра.

Искусната Украинка леташе по теренот, „пукаше“ винери од сите оружја, додека Гоф одеше од грешка во грешка и во ниту еден момент не изгледаше како трета тенисерка во светот.

Во првиот сет, Американката ги загуби сите четири сервис гејма, а на крајот од мечот имаше неверојатно лоша статистика.

Направи три винери и 26 неизнудени грешки.

Ова беше десетта победа по ред на Свитолина во 2026 година, а од почетокот на сезоната изгуби само еден сет.

Нејзината противничка во полуфиналето исто така има резултат од 10-0, но таа не изгубила ниту еден сет. Тоа е Арина Сабаленка, и тоа ќе биде нивниот седми дуел – Белорусинката моментално води со 5-1. Овој дуел на програмата е во четврток од 9.30 часот по македонско време.

Foto/ depositphotos