Спорт
Гризман: Пред СП ќе донесам одлука дали ќе заминам од Атлетико
Фудбалерот на Атлетико Мадрид, Антоан Гризман, има желба неговиот клупски статус да биде решен пред почетокот на Светското првенство во Русија.
Францускиот репрезентативец има договор со Атлетико до крајот на јуни 2022 година, но голема е веројатноста …
![](https://makfax.com.mk/wp-content/uploads/2018/03/665b0abde21ec7390833da51befa4e35.jpg)
![](http://makfax.com.mk/wp-content/uploads/2018/03/665b0abde21ec7390833da51befa4e35.jpg)
Фудбалерот на Атлетико Мадрид, Антоан Гризман, има желба неговиот клупски статус да биде решен пред почетокот на Светското првенство во Русија.
Францускиот репрезентативец има договор со Атлетико до крајот на јуни 2022 година, но голема е веројатноста тој да ги напушти „јорганџиите“. Најголем интерес за Гризман барем засега покажува Барселона.
„Сакам без какви било грижи да патувам во Русија. Не само поради тоа каде ќе играм наредната сезона туку и поради тоа што ќе го добијам неопходниот мир во главата“, изјавил Гризман за „Лекип“.
Според неговите зборови, најмногу ми пречи што сите го прашуваат за неговата иднина.
„На мојата сестра ѝ се доверив дека пред заминувањето за Русија ќе решам дали ќе заминам од Атлетико“.
Гризман во јуни 2014 година, за сума од 30 милиони евра, од Реал Сосиедад пристигна во Атлетико.
Напаѓачот на Франција во интервјуто рекол дека не се оптоварува со трофеите.
„Кога сум среќен сè е в ред. Би сакал да го освојам Светското првенство, па Лигата на шампиони, потоа би дошла ’Златната топка’. Дел сум од група и повеќе би сакал да освојам колективен трофеј отколку индивидуално признание“, заклучил Гризман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва