Спорт
„Гром“ го удри Сакраменто, шампионот падна во Солт Лејк Сити (Видео)
Пол Џорџ, Расел Вестбрук и Стивен Адамс блескаа во Сакраменто каде Оклахома Тандер славеше во дуелот со Сакраменто Кингс 132:113. Натпреварите кои се одиграа изминатата ноќ во НБА лигата ги обележа поразот на Голден стејт Вориорс од Јута Џез 103:108.
М…

Пол Џорџ, Расел Вестбрук и Стивен Адамс блескаа во Сакраменто каде Оклахома Тандер славеше во дуелот со Сакраменто Кингс 132:113. Натпреварите кои се одиграа изминатата ноќ во НБА лигата ги обележа поразот на Голден стејт Вориорс од Јута Џез 103:108.
Младите надежи на Кингс, Бади Хилд и Диерон Фокс одиграа на високот ниво, постигнувајќи 38, односни 28 поени и 12 асистенции, но тоа не беше доволно да се порази Оклахома.
Пол Џорџ ги предводеше Тандер со 43 поени, 12 скока и седум асистенции, Расел Вестбрук го забележа 112. трипл-дабл во кариерата (19 поени, 17 асистенции, 11 скока, шест украдени топки), а Стивен Адамс имаше монструозен дабл-дабл од 20 поени и 23 скока.
Тандер се на второто место во Западната конференција со скор од 20 победи и 10 порази, додека Кингс се десетти со 16 победи и 15 порази.
Бранителите на титулата Голден стејт Вориорс, во Солт Лејк Сити го запишаа 11.пораз во сезоната. Јута Џез ги победи Вориорс со 108:103.
Австралиецот Џо Инглс со 18 поени ја предводеше Јута, Донован Мичел постигна поен помалку, а Руди Гобер забележа 17 поени и 11 скока.
Кај Вориорс се истакнаа Кевин Дурент со 32 и Стеф кари со 30 поени.
Лидерот во лигата, Торонто Репторс (24 победи, девет порази), во драматичен меч успеа да извлече победа против Индијана Пејсерс 99:96. Репторс во третиот период заостануваа за 17 поени, но со тројката на Фред Ванвилт на 26 секунди до крајот го комплетираа пресвртот (97:96). Потоа Џег Грин погоди две слободни фрлања, а обидот за три поени на Бојан Богдановиќ не успеа да стигне до кошот на Торонто.
Кавај Ленард постигна 28 поени за Репторс, додека кај Пејсерс се истакнаа Виктор Оладипо со 20 и Бојан Богдановиќ со 18 поени.
Fred VanVleet buries the clutch go-ahead triple to propel the @Raptors past IND at home!#WeTheNorth 99#Pacers 96
Kawhi Leonard: 28 PTS, 10 REB, 6 AST
Pascal Siakam: 17 PTS, 7 REB, 4 AST pic.twitter.com/aAw4rzBT6R— NBA (@NBA) December 20, 2018
Резултати:
Шарлот Хорнетс-Кливленд Кавалирс 110:99
Орландо Меџик-Сан Антонио Спарс 90:129
Филаделфија ’76-Њујорк Никс 131:109
Бостон Селтикс-Феникс Санс 103:111
Чикаго Булс-Бруклин Нетс 93:96
Милвоки Бакс-Њу Орлеанс Пеликанс 123:115
Минесота Тимбервулвс-Детроит Пистонс 123:129
Портланд Трејлблејзерс-Мемфис Гризлис 99:92
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

