Спорт
Две продолженија во Денвер, шутерско шоу на Леброн и Адетокумбо (Видео)
Деневер и Мајами одиграа спектакуларн меч, Леброн Џејмс ја доби „револверашката“ пресметка со Јанис Адетокумбо, а шампионот Голден Стејт без главните ѕвезди потклекна пред Сан Антонио.
Мајами победи во Денвер по две продолженија 149:141 и дополнително …


Деневер и Мајами одиграа спектакуларн меч, Леброн Џејмс ја доби „револверашката“ пресметка со Јанис Адетокумбо, а шампионот Голден Стејт без главните ѕвезди потклекна пред Сан Антонио.
Мајами победи во Денвер по две продолженија 149:141 и дополнително ги намали шансите на Нагетс дека сезонава ќе го видат плејофот.
Јокиќ на десет секунди до крајот на регуларниот дел постигна поени за 118:118. Во првото продолжение двата тима имаа, но не ги искористија своите шанси. Второто продолжение го обележа бекот на Мајами Џонсон кој со 10 поени беше меч винер.
Џонсон натпреварот го заврши со 31 поен и 11 скока (18 поени овој играч постигна во продолженијата). Поен помалку уфрли крилниот центар Олиник, а Горан Драгиќ заврши со 20 поени.
Денвер го предводеше Јокиќ со 34 поени и 14 скока, а го следеа Чендлер со 26, Мареј со 23 и Бартон со 22 поени.
Кливленд, без тренерот Тајрон Лу, но со повратникот Кевин Лав, успеа да ги победи Милвоки Балкс 124:117.
Леброн уште еднаш го предводеше својот тим, во чии редови Лав се врати со 18 поени, а уште четворица постигнаа двоцифрен број на поени.
„Кралот Џејмс“ натпреварот го заврши со 40 поени, 12 скока и 10 асистенции, што е негов 16.трипл-дабл во сезноната, вкупно 71. во кариерата.
Кај Милвоки се истакнаа Адетокумбо со 37 поени и 11 скока, односно Мидлтон со 30 поени.
Голден Стејт забележа нов пораз, четврти на последните шест натпревари. Без најголемите ѕвезди (Кари, Томпсон, Дурент), Голден Стејт го загуби натпреварот против Сан Антонио 89:75.
Најефикасен играч на Сан Антонио беше Олдриџ со 31 поен, додека Вориорс ги предводеше Кук со 20 поени.
Резултати:
Индијана Пејсерс-ЛА Лејкерс 110:100
Филаделфија-Шарлот Хорнетс 108:94
Бруклин Нетс-Мемфис Гризлис 118:115
Њујорк Никс-Чикаго Булс 110:92
Сакраменто Кингс-Детроит Пистонс 90:106
Минесота Тимбервулвс-Хјустон Рокитс 120:129
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Наполи и Хојлунд постигнаа договор, на потег е Манчестер јунајтед

Расмус Хојлунд еден од непожелните играчи во системот на менаџерот Рубен Аморим е чекор поблиску до новиот клуб. До крајот на преодниот рок, Данецот, ќе го засили Наполи. Италијанскиот шампион мораше да реагира на пазарот откако се повреди Ромалу Лукаку.
Вчера, како што објавија италијанските медиуми, Наполи ги заврши клучните преговори. Со фудбалерот клубот го договорил должината на договорот и платата.
Манчестер јунајтед е информиран за сè, па трансферот е многу блиску до реализација. „Црвените ѓаволи“ нема да прават проблем бидејќи Хојлунд не е во плановите на менаџерот Аморим.
Хојлунд по две сезони ќе се врати во Серија А. Претходно го носеше дресот на Аталанта.
Спорт
Продолжува доминацијата на Маркез – Шпанецот ја освои пол-позицијата во Унгарија

Осумкратниот светски шампион Марк Маркез беше најбрз во квалификациите на патеката Балатон Парк во рамките на трката за Големата награда на Унгарија.
Марк Маркез ја продолжи доминацијата во „кралската класа“, во шест наврати го направи најбрзиот круг, а пол-позцијата ја освои со време 1:36.518.
Првиот ред, заедно со 32-годишникот од Сервера го комплетираа Италијанците Марко Бецеки (Априлија) и Фабио ди Џанантонио (ВР46).
Во третата минута од втората квалификациска рунда, Шпанецот Педро Акоста (Ред Бул) излета од патеката и не можеше да продолжи со натпреварувањето. Мотоциклот на 21-годишникот стана неупотреблив.
Енеа Бастијанини (Ред Бул), Франко Морбидели (ВР46) и Фабио Квартараро (Јамаха) ќе стартуваат од вториот ред, а Педро Акоста, Фермин Алдегер (Гресини) и Лука Марини (Хонда) од третиот.
Иако помладиот брат на Маркез, Алекс, го имаше 11-то најбрзо време во квалификациите, возачот на Гресини беше префрлен на 14-та позиција бидејќи, ден претходно заработи казна од три позиции поради блокирањето на Франческо Бањаја.
Тимскиот колега на Маркез од фабричкиот тим на Дукати, Франческо Бањаја, не успеа да ја помине првата квалификациска сесија.
Италијанецот, кој освои две титули по ред во елитното натпреварување, ќе стартува од 17-та позиција.
Foto/ EPA/Tamas Vasvari
Спорт
Заем со право на откуп – Родриго ќе заврши во Тотенхем

Според британските и шпанските медиуми, Тотенхем е блиску до договор со Реал Мадрид за позајмицата на Родриго.
На „Сантијаго Бернабеу“ го прифатиле моделот на позајмица со можност за откуп, а останува да се договори кој колку од платата ќе покрие и согласноста на играчот.
Клубовите се во постојан контакт за позајмица со опција за откуп, а Арсенал, Ливерпул и Манчестер сити претходно покажаа интерес за Бразилецот.
Родриго е во втор план кај новиот тренер Чаби Алонсо што отвори простор за излезен трансфер.
Како што се приближува крајот на преодниот рок, се очекува преговорите да се забрзаат, а исходот ќе зависи од условите на позајмицата и одлуката на самиот играч.
Според „Tрансфермаркт“, Родриго вреди 90 милиони евра. Тој е бразилски репрезентативец и има 24 години.
Foto/ EPA/Mariscal