Спорт
Дончиќ игра како Леброн, Букер го раздвижи Феникс (Видео)
Лука Дончиќ уште еднаш ги воодушеви Американците со својата игра. Првиот кандидат за руки на сезоната го предводеше Далас до драматичната победа над Њу Орлеанс 122:119. На Словенецот му недостигаше еден скок за да го забележи првиот трипл-дабл во карие…


Лука Дончиќ уште еднаш ги воодушеви Американците со својата игра. Првиот кандидат за руки на сезоната го предводеше Далас до драматичната победа над Њу Орлеанс 122:119. На Словенецот му недостигаше еден скок за да го забележи првиот трипл-дабл во кариерата.
Дончиќ против „пеликаните“ забележа 21 поен, девет скока и 10 асистенции. Тој ги погоди клучните слободни фрлања на 30 секунди до крајот на мечот и му помогна на тимот да стави крај на серијата од шест порази.
Трет пат на последните пет натпревари Дончиќ има статистика што во руки сезоната ја имал само Леброн Џејмс.
„Тоа е неверојатно. Леброн е мојот идол, неверојатно е што ме споредуваат со него“, рекол Дончиќ.
Кај Пеликас се истакна Ентони Дејвис со 32 поени и 18 скока, но крилниот центар во финишот промаши две тројки, една за водство, а втората за продолженија.
Феникс Санс ја завршија турнејата по Источната конференција со победа во Орландо 122:120. Санс имаат пет победи на последните седум натпревари, а во Орландо славеа по дополнителните пет минути.
Блескаше на овој натпревар Девин Букер кој забележа 35 поени, осум скока и седум асистенции. Букер постигна девет поени во последната минута, вклучувајќи ја и тројката за израмнување.
Ди-Џеј Оугастин го предводеше Орландо со 27 поени, а Никола Вучевиќ заврши со 22 поени и 13 скока.
Резултати:
Детроит Пистонс-Вашингтон Визардс 106:95
Орлансо Меџик-Феникс Санс 120:122
Атланта Хокс-Индијана Пејсерс 121:129
Бруклин Нетс-Шарлот Хорнетс 134:132
Мајами Хит-Торонто Репторс 104:106
Чикаго Булс-Минесота Тимбервулвс 94:119
Мемфис Гризлис-Кливленд Кавалирс 95:87
Далас Маверкс-Њу Орлеанс Пеликанс 122:119
Сан Антонио Спарс-Денвер Нагетс 111:103
ЛА Клиперс-Сакраменто Кингс 127:118
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Индонезија му врачи отказ на Патрик Клајверт

Холандската фудбалска легенда Патрик Клајверт повеќе не е селектор на репрезентацијата на Индонезија.
По серијата лоши резултати во квалификациите за Светското првенство, Индонезиската фудбалска асоцијација одлучи да ја прекине соработката со некогаш познатиот напаѓач.
Клајверт ја презеде клупата на Индонезија во јануари оваа година, кога потпиша двегодишен договор. Главната цел беше да ја однесе репрезентацијата на нивното прво Светско првенство откако земјата стекна независност во 1945 година. Тој не успеа во тоа.
Иако Индонезија за прв пат под негово водство стигна до четвртото коло од азиските квалификации, надежите беа уништени минатата недела. Поразите против Саудиска Арабија и Ирак ги згаснаа сништата дека Индонезија ќе игра на својот прв Мундијал.
Неговата судбина беше запечатена со пораз од 1:0 од Ирак во Џеда во саботата. После тоа, Индонезиската фудбалска асоцијација не губеше време и веднаш договори спогодбен раскин на договорот со селекторот со Клајверт.
Единствениот значаен тренерски успех на Клајверт останува третото место на Светското првенство во 2014 година, кога му беше асистент на Луј ван Гал во холандската репрезентација.
Спорт
Шок за Њујорк Никс, Брогдон замина во пензија

Американскиот кошаркар Малколм Брогдон ненадејно одлучи да ја заврши кариерата.
Плејмејкерот кој во минатото доби наградата „дебитант на годината“ и „шести играч на годината“ се пензионираше од кошарката помалку од една недела пред почетокот на сезоната 2025/26.
Медиумите повикувајќи се на извори од франшизата, Брогдон бил физички и психички исцрпен и истрошен во текот на својата деветгодишна кариера, и затоа решил да се пензионира.
Брогдон е поранешен студент на Универзитетот во Вирџинија и се шпекулира уште од неговите студентски денови (бил на колеџ пет години) дека еден ден ќе стане политичар.
Прекарот „Претседателот“ го доби откако магистрираше комуникации и односи со јавноста.
Во НБА, тој играше за Милвоки Бакс, Индијана Пејсерс, Бостон Селтикс, Портланд Блејзерс и Њујорк Никс, за кои играше само натпревари во предсезоната и се пензионираше пред почетокот на сезоната.
Брогдон има 32 години (роден на 11 декември 1992 година) и за време на неговата девет годишна НБА кариера, постигна 7.077 поени со 1.917 скока и 2.156 асистенции.
Неговиот дрес со број 15 беше повлечен од употреба на Универзитетот во Вирџинија.
Спорт
Ибрахимовиќ ги избра тројцата најдобри фудбалери на сите времиња

Златан Ибрахимовиќ (44), голема ѕвезда на светскиот фудбал, по завршувањето на кариерата остана во Милан да работи како советник. Познат по своите ставови и изјави, во последното појавување изненади многумина со изборот на најголемите фудбалери на сите времиња, особено поради третата позиција на која го смести Лионел Меси и целосното изоставување на Кристијано Роналдо, пишува „GiveMeSport“.
Иако Меси и Роналдо генерално се сметаат за дел од четворицата најголеми во историјата, заедно со Пеле и Диего Марадона, Ибрахимовиќ одлучи дека двајца од овој квартет не заслужуваат место на самиот врв.
3. Лионел Меси
И покрај тоа што е најтрофеен играч во историјата на фудбалот, со дури 46 големи трофеи, Лионел Меси мораше да се задоволи со третото место на листата на Ибрахимовиќ. Иако играа заедно кратко во Барселона, Швеѓанецот не е убеден дека Аргентинецот е најголемиот на сите времиња.
„За третата позиција, ќе кажам Меси. Не сум сигурен дали му останува да освои уште нешто во кариерата“, рече Ибрахимовиќ.
2. Диего Марадона
Вечната дебата за тоа кој бил подобар, Пеле или Диего Марадона. Двајцата обележаа еден период во историјата на фудбалот. Ибрахимовиќ го даде својот одговор ставајќи го Марадона на второто место, додека најголемиот бразилски играч на сите времиња беше целосно изоставен од листата.
„Втората позиција ќе му ја дадам на Марадона. За мене, тој беше вистинскиот. Сè правеше со срце, со емоции“, рече 44-годишникот.
1. Роналдо Назарио
На самиот врв, како најголем фудбалер на сите времиња, за Ибрахимовиќ е Роналдо Назарио. Поранешниот шведски репрезентативец никогаш не криел дека бразилскиот феномен му бил идол, што го потврди со зборовите.
„Според мене, Роналдо, феноменот, Бразилецот, тој е фудбалот. Кога гледате одредени играчи, следниот ден се обидувате да ги имитирате.“
Тој го повтори истото во едно интервју во 2021 година.
„Секогаш им велам на сите што играат со мене: Роналдо е фудбалот. Начинот на кој се движеше, начинот на кој дриблаше. Според мене, тој е најдобриот играч во историјата, без сомнение.“