Спорт
ЕКО Акрополис Рели годинава слави 70-годишен јубилеј

Светската автомобилска елита и оваа година ќе биде дел од ЕКО Акрополис Рели (EKO Acropolis Rally), што ќе се одржи од 7 до 9 септември во Грција.
Релито ЕКО Акрополис, познато и како „Рели на боговите“, е една од најважните и највпечатливите трки во рамки на ФИА Светското првенство во рели (FIA World Rally Championship), кое е највисоко рангирано интернационално натпреварување во оваа автомобилска дисциплина. Годинава, импресивното Акрополис рели обележува 70 години од првата трка со меѓународно учество, која се одржа далечната 1953 година.
Како и претходните години, ЕКО, членка на HELLENiQ ENERGY, е главен спонзор на овој светски познат настан кој ја отсликува компаниската страст – автомобилските спортови.
Годинава, во текот на трите дена на релито, натпреварувачите ќе минат вкупно 300 километри, поделени во 14 етапи. Една од нив ќе биде и „ЕКО Супер Специјалната етапа“ (EKO Super Special Stage) што ќе се одржи на првиот ден од трката (7 септември), на специјално изградена патека во должина од 1,5 километри, лоцирана на Атинската ривиера.
Љубителите на автомобилските трки од целиот свет, а меѓу нив и деловните партнери и соработници на ЕКО, ќе имаат можност и оваа година да бидат сведоци и повторно да уживаат во врвен автомобилски спектакл што го одзема здивот и кој ги собира најдобрите светски рели возачи и совозачи.
Инаку, годинава, во чест на 45 годишниот јубилеј, компанијата ОКТА на еден среќен добитник и неговиот придружник ќе им овозможи да бидат дел од ова „Рели на боговите“, посетувајќи една од специјалните етапи. За да станете потенцијален добитник или добитничка на ова уникатно патување и искуство, треба да ги следите инструкциите објавени на Фејсбук страницата на ОКТА. Името на среќниот добитник на ова патување ќе биде објавено на 18 август на истата страница.
ПР Текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Стрелец ја сурши Германија, Холандија освои само бод поритв Полска

Првото коло во А групата во квалификациите за пласман на Светското првенство започна со вистинска сензација. Словачка во Братислава ја победи Германија со 2:0. Изненадување се случи и во Г групата, Полска успеа да остане непоразена во Амстердам во дуелот со Холандија.
Словаците целосно го надиграа тимот на Јулијан Нагелсман и ја истакнаа својата кандидатура за прво место во А групата. Германците одиграа лош натпревар, оправдување не смее да им биде што играа без неколкумина стандарни играчи.
На стадионот „Техелне Поле“ во Братислава, домашните поведоа во 42-та минута кога дефанзивецот Ханцко, по двојното проигрување со Стрелец, во контра го постигна првито гол.
Дека Германија со пораз ќе ја напушти Братислава, го потврди голот на играчот на натпреварот Стрелец во 55-та минута. Напаѓачот на Слован постигна спектакуларен гол за 2:0.
На арената „Јохан Кројф“ во Амстердам, Полска освои вреден бод со нерешен резултат 1:1 (1:0).
„Лалињата“ поведоа во 28-та минута и се чинеше дека ќе забележат рутинска победа.
Сепак, Полјаците не се предадоа и успеаја во 80-та минута преку левиот бек Метју Кеш да стигнат до 1:1, а потоа и да одолеат на сите напади на фаворизираниот домаќин во самиот финиш.
Бугарите немаат толку среќа, а не се ниту квалитетни, па беа убедливо поразени од актуелниот европски шампион, шпанската репрезентација, во Софија со резултат 3:0 (3:0).
„Фуријата“ реши сè во првото полувреме, поточно, до 38-та минута, кога ги постигнаа сите голови.
Веќе во 5-та минута, Ојазрабал го постигна првиот гол, на истекот на 30-та минута, Кукуреља го дуплираше водството, а во 38-та минута, Мерино го постави конечниот резултат.
Белгија беше најубедлива вечерва, во Ј групата , во која е и Македонија, со 6:0 (1:0) го победи Лихтенштајн.
Де Кајпер го постигна првиот гол во 29-та минута, а потоа во вториот дел, два пати погоди Тилеманс, односно Теате во 60, Де Брујне и Фофана.
Foto/ EPA
Спорт
Шпанија испадна од Евробаскетот – Познат костурот во нокаут фазата

Актуелниот европски првак Шпанија го заврши учеството на Европското првенство. Во драматичен натпревар, во Лимасол, Грција ја победи Шпанија со 90:86.
Шпанците два пати се враќаа во натпреварот откако Грција имаше 16 и 15 поени предност, водеа со два поени два пати во финишот на крајот се самоуништија од линијата за слободни фрлања.
Грците предноста ја стекнаа во првата четвртина благодарение на неверојатниот шут за три поени, погодија осум тројки од 10 обиди.
Сепак во финишот Шпанија це врати во мечот, а во трилер завршницата пресуди реализацијата на слободните фрлања.
Нестварно звучи податокот дека Шпанците во последните 17 секунди од осум погодија само две слободни фрлања.
Победата на Грција ја однесе во осминафиналето Грузија, која во првото коло ја победи Шпанија и поради подобриот меѓусебен скор се пласира во нокаут рундата.
Грците ги предводеа Јанис Антетокунмпо и Тајлер Дорси. Крилниот центар на Милвоки Бакс постигна 25 поени, 14 скока и 9 асистенции, а бекот на Олимпијакос додаде 22 поени. Во составот на Серхио Скариоло, поените беа многу добро распределени, а најмногу се истакнаа Хаиме Прадиља (14 поени), Марио Сан-Супери (13 поени) и Санти Алдама (12 поени).
Осминафинални двојки ЕП и костурот до крајот на турнирот:
Литванија – Латвија (6 септември)
Грција – Израел (7 септември)
Турција – Шведска (6 септември)
Полска – Босна и Херцеговина (7 септември)
Германија – Португалија (6 септември)
Италија – Словенија (7 септември)
Србија – Финска (6 септември)
Франција – Грузија (7 септември)
Foto/ EPA
Спорт
Брилијантниот Дончиќ и Словенија подобри од Авдија и Израел

Кошаркарите на Словенија ја остварија третата последователна победа во Групата Д на Евробаскетот. Словенците го победија Израел со 106:96.
Со победата Словенија се здоби со подобра позиција пред нокаут фазата со скор 3-2, но сè уште не знаат против кого ќе играат во осминафиналето.
Со победа, Израел ќе беше прв во групата, поразот ги однесе на четвртата позиција.
Натпреварот во Катовице, Полска, го обележа пресметката меѓу НБА ѕвездите, Лука Дончиќ и Дани Авдија, но суперѕвездата на ЛА Лејкерс покажа поголем квалитет.
Дончиќ го заврши натпреварот со 37 поени, 11 скока и девет асистенции. Авдија на крајот имаше 34 поени, девет скока и две асистенции.
Кај Словенците се истакнаа Николиќ со 16, Радовиќ со 14, Омиќ со 11 и Хроват со 10.
Во таборот на Израел, Соркин додаде 14 поени, а Мадар 10 поени.
foto/ epa