Олександр Усик и Даниел Дубоа официјално ќе се борат ова лето. Шоуто, за кое се зборуваше долго време, доби официјална потврда.

Олександр Усик и Даниел Дубоа ќе се борат на 19. јули на стадионот „Вембли“ за обединување на шампионските појаси во тешка категорија.

Дубоа е светски шампион во верзијата ИБФ, додека Усик е сопственик на титулите во верзиите ВБО, ВБА и ВБЦ.

На 19. мај 2024 година, во Ријад, Усик го победи Британецот Тајсон Фјури и ги обедини титулите светски шампион во тешка категорија во верзиите на ИБФ, ВБО, ВБА и ВБЦ.

Украинецот потоа во јуни 2024 година објави дека се откажал од одбраната на титулата во верзијата на ИБФ, а Дубоа беше прогласен за шампион. Во септември минатата година, Дубоа го одбрани својот ИБФ појас откако го победи Ентони Џошуа.

Усик потоа, во реваншот го победи Фјури на 22 декември минатата година и ги задржа титулите светски шампион во тешка категорија во верзиите ВБО, ВБА и ВБЦ.

Дубоа и Усик се бореа во 2023 година во Вроцлав, а тогаш победи украинскиот боксер.

Кошаркарите на Цибона остварија победа над Вриједноснице Осиек со дури 110 поени разлика во хрватското првенство. Конечниот резултат е 148:38.

Иако Цибона е аутсајдер, не е ниту меѓу првите три екипи во хрватското првенство, туку е на четвртото место со скор 18-13, а тимот од Осиек е на последното место со скор 7-24, резултатот е за рубриката „верувале или не“.

Јасно беше дека Цибона ќе победи, но не со толкава разлика. Интересно е што ова беше трет дуел меѓу овие екипи оваа сезона, а во претходните два, победи Цибона, со 22 разлика во обете средби (84:72, 73:63).

Поради ова, јасно е дека се случило нешто непредвидено.

Незадоволен од последните резултати, Александар Хркач, првиот човек и финансиер на КК Вриједносница Осиек, единствениот славонски член на Премиер лигата, го отпушти целиот тим и тренерот пред околу две недели.

Клубот до крајот на сезоната ќе игра со играчи од кадетскиот и јуниорскиот тим.

Интересно е што во првите три четвртини гостите од Осиек беа едноцифрени, со пет, девет и четири поени. Дури во четвртата четвртина постигнаа повеќе поени (33:5, 39:9, 41:4, 35:20).

Кај Цибос, 40 поени постигна Перасовиќ, а трипл-дабл забележа Шкориќ (27 поени, 13 скока и 10 асистенции).

Фудбалскиот клуб Реал Мадрид планира да го замени Карло Анчелоти во блиска иднина и тоа веќе не е тајна.

По елиминацијата во четвртфиналето на Лигата на шампионите од Арсенал започнаа шпекулациите дека Карло Анчелоти ќе ја заврши својата мисија во Мадрид по финалето во Купот на Кралот. Засега тој сè уште на клупата на Реал. Впечатокот е дека прашање на време е кога и официјално ќе се разделат Анчелоти и Реал.

Чаби Алонсо е избран за наследник и ќе го замени Леверкузен со градот каде што помина дел од импресивната кариера. Одигра преку 150 натпревари за пет години…

Додека тој пристигне, некој ќе мора да ја покрие дупката, а „Релево“ пишува дека тоа ќе биде Сантијаго Солари.

Поранешниот фудбалер на овој клуб, а од 2022 година директор на фудбалот, накратко ќе ја преземе функцијата тренер и ќе го води Реал на Светското клупско првенство пред да биде промовиран Чаби Алонсо.

Тој веќе беше привремен тренер во Реал во 2018 година кога Хулен Лопетеги беше отпуштен и го водеше клубот 14 дена бидејќи Шпанската федерација не дозволува преодната опција да трае подолго од две недели.